<p><span style="color: #000000;"><strong>(ភ្នំពេញ)៖</strong> លោក ថោង ខុន រដ្ឋមន្រ្តីក្រសួងទេសចរណ៍កម្ពុជា បានស្នើឱ្យក្រុមអ្នកវិនិយោគទុនជប៉ុន ពិចារណាលើការដាក់ទុនវិនិយោគផ្នែកសណ្ឋាគារលំដាប់ផ្កាយ៤ និងផ្កាយ៥ នៅតំបន់មាត់សមុទ្រ និងតំបន់អង្គរកម្ពុជា ដែលជាតំបន់ទេសចរដ៏មានសក្តានុពល។</span></p>
<p><span style="color: #000000;">សំណើផ្ទាល់មាត់ របស់លោករដ្ឋមន្រ្តីក្រសួងទេសចរណ៍កម្ពុជា បានធ្វើឡើង នៅក្នុងជំនួបជាមួយ ក្រុមអ្នកវិនិយោគជប៉ុន តាមរយៈសមាគមសហប្រតិបត្តិការ ជប៉ុន-កម្ពុជា JCIA (Japan Cambodia Interactive Associat-ion) នៅទីស្តីការក្រសួងទេសចរណ៍ កាលពីម្សិលមិញ។</span></p>
<p><span style="color: #000000;">នៅក្នុងជំនួបនោះ លោក ថោង ខុន បានលើកឡើងថា តំបន់ទាំងពីរនេះ កំពុងមានតម្រូវការ លើវិស័យសណ្ឋាគារកម្រិតផ្កាយ៤ និងផ្កាយ៥ ដើម្បីទប់ទល់នឹងកំណើនភ្ញៀវទេសចរ ដែលមកកម្សាន្ត។ លោកថា ក្រសួងទេសចរណ៍កំពុងជំរុញការអនុវត្តគោលនយោបាយសម្រាប់ទេសចរចូលនិវត្តន៍ និងគោលនយោបាយផ្ទះទី២ សម្រាប់ទេសចរផងដែរ។</span></p>
<p><span style="color: #000000;">លោករដ្ឋមន្រ្តី ក៏បានលើកឡើង អំពីក្តីរំពឹងទៅលើកំណើននៃភ្ញៀវទេសចរជប៉ុន នៅពេលដែលជើងហោះហើរត្រង់ពីប្រទេសជប៉ុនមកកម្ពុជា នឹងចាប់ដំណើរការនៅខែកញ្ញា ឆ្នាំ២០១៦ ខាងមុខនេះ។ ជើងហោះហើរនេះនាំមកដោយក្រុមហ៊ុន All Nippon Airline (ANA) ហើយរាជរដ្ឋាភិបាលកម្ពុជាក៏មានគោលនយោបាយផ្ដល់ទិដ្ឋាការច្រើនដងរយៈពេល ៣ឆ្នាំ ជូនទេសចរ ចិន ជប៉ុន កូរ៉េ ផងដែរ។</span></p>
<p><span style="color: #000000;">សូមបញ្ជាក់ថា បើតាមរបាយការណ៍របស់ក្រសួងទេសចរណ៍ បានឱ្យដឹងថា នៅឆ្នាំ២០១៥ កន្លងទៅនេះ កម្ពុជាទទួលបានភ្ញៀវទេសចរអន្តរជាតិប្រមាណ ៤.៧៧៥.២៣១នាក់ ដែលកើនឡើងប្រមាណ ៦,១ភាគរយ បើធៀបនឹងឆ្នាំ២០១៤ ក្នុងនោះភ្ញៀវទេសចរជប៉ុនដែលបានមកកម្សាន្តនៅកម្ពុជា មានចំនួន១៩៣.៣៣៣នាក់ កើនឡើងប្រមាណ៤% បើធៀបនឹងឆ្នាំ២០១៤៕</span></p>
<p> </p>
<p><img src="https://scontent-kul1-1.xx.fbcdn.net/t31.0-8/13122904_1593883117592720_6373533386888464790_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xpl1/l/t31.0-8/13119813_1593883087592723_5029383313602748479_o.jpg" alt="" width="730" /></p>
<p><img src="https://scontent-kul1-1.xx.fbcdn.net/t31.0-8/13120032_1593883090926056_7296173812724556467_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xft1/t31.0-8/13047825_1593883060926059_8554894775083699706_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xtp1/t31.0-8/13071934_1593883064259392_7439061819121241542_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xlp1/t31.0-8/13116129_1593883057592726_3023910486731594592_o.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>