<p><span style="color: #000000;"><strong>(ភ្នំពេញ)៖</strong> តារាបង្ហាញម៉ូដ សម្បុរខ្មៅស្រអែម កញ្ញា កែ ចាន់កេសី ដែលត្រូវបានទស្សនិកជន ស្គាល់ថា ជាបេក្ខនារីទទួលបានជ័យលាភីលេខ២ ក្នុងការប្រកួតកម្មវិធី «កំពូលតារាបង្ហាញកម្ពុជា» រដូវកាលទី១ «Cambodia Next Top Model season1» នៅពេលថ្មីៗនេះ នាងបានសម្រេចចិត្ត បើកសាលាបង្រៀនជំនាញបង្ហាញម៉ូដ និងថតរូប ដល់អ្នកសិល្បៈជំនាន់ក្រោយមានឱកាស ក្លាយជាតារាបង្ហាញម៉ូដ ដូចបំណងប្រាថ្នា ទោះបីជាការបើកសាលាបង្ហាញម៉ូដ របស់កញ្ញា កែ ចាន់កេសី កំពុងតែប្រឈមនឹងការខ្វះខាត លទ្ធភាពក្ដី។</span></p>
<p><span style="color: #000000;">តារាបង្ហាញម៉ូដជំនាន់ថ្មី កញ្ញា កែ ចាន់កេសី តាមការពិត នាងជាតារាបង្ហាញម៉ូដរួចទៅហើយ ប៉ុន្តែនាងនៅតែមកប្រកួតប្រជែង ដណ្ដើមយកជ័យលាភី រហូតបានចំណាត់ថ្នាក់លេខ២ ហើយក៏មានសមត្ថភាព មិនចាញ់អ្នកជាប់កញ្ញាលេខ១ កញ្ញា ចាន់ គង់ការ ប៉ុន្មានឡើយ ពោលនាងពូកែដើរម៉ូដ ជាងអ្នកបានជ័យលាភីទៅទៀត។</span><br /><span style="color: #000000;">កញ្ញា កែ ចាន់កេសី ជាតារាបង្ហាញម៉ូដ មានមុខមាត់បែបអឺរ៉ុប ភាគច្រើនត្រូវបានគេបង្អាប់ថា ខ្មែរអ្នកស្រែច្រើនជាង អ្នកខ្លះបង្អាប់នាងថា ខ្មៅដូចគល់ត្នោត មិនសមមកប្រឡងជាដើម តែនាងបានបង្ហាញអារម្មណ៍ថា នាងមានសមត្ថភាពអាចធ្វើជា តារាបង្ហាញម៉ូដបាន រហូតនាងទទួលបានជ័យលាភីផ្ទួនៗតែម្ដង។</span></p>
<p><span style="color: #000000;">កែ ចាន់កេសី បានប្រើជីវិតរសាត់អណ្ដែត លើទីក្រុងដ៏ឆើតឆាយ រស់មួយថ្ងៃចាំមួយថ្ងៃ ដើម្បីបំពេញក្ដីស្រមៃ ក្លាយជាតារាបង្ហាញម៉ូដ លើទឹកដីទីក្រុងដ៏ស៊ីវិល័យមួយនេះ។ កេសី រស់បានមកដល់សព្វថ្ងៃ ក៏ដោយសារតែក្ដីអាណិតអាសូរ ពីសំណាក់អ្នកសិល្បៈ អ្នកជួយជ្រោមជ្រែងជីវិតនាង ឲ្យចេះតែដើរទៅមុខជានិច្ច។ នៅពេលនេះ កញ្ញា កែ ចាន់កេសី បានបើកជាសាលាបង្រៀន ដើរម៉ូដ និងថតរូបដោយខ្លួនឯងហើយ នៅម្ដុំសំណង់១២ ដែលនាងជាម្ចាស់ផ្ទាល់ ហើយមានសិស្សរៀនគួរសមផងដែរ។</span></p>
<p><span style="color: #000000;">កញ្ញា កែ ចាន់កេសី បាននិយាយប្រាប់ Khmertalking ថា «ពេលនេះមានសាលាបង្រៀនផ្ទាល់ខ្លួន មានសិស្សចូលរៀនគួរសម ដែលនាងមានបង្រៀនដើរម៉ូដ ថតរូប និងកែដំណើរជាដើម ។ ចំណែកតម្លៃវិញមិនថ្លៃទេ សំខាន់ជាងគេ ចង់ឲ្យស្រីៗទាំងអស់មានដំណើរស្អាត និងថតរូបបានឡូយ ទើបនាងបានសម្រេចចិត្ត បើកជាសាលានេះឡើង»។</span></p>
<p><span style="color: #000000;">សូមបញ្ជាក់ថា តារាបង្ហាញម៉ូដ កែ ចាន់កេសី កើតក្នុងគ្រួសារកសិករ និងមានជីវភាពលំបាក ឆាកជីវិតរបស់នាង ប្រៀបដូចរឿងនិទាន ដែលនិយាយពីភាពតស៊ូ ជាគំរូដ៏ល្អ ដូចនេះ ភាពប្រឹងប្រែងរបស់នាង ទើបធ្វើឲ្យនាងមានថ្ងៃនេះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13557667_1473531536006485_589336170410712987_n.jpg?oh=5699aec98cc1cfbc5b17fbe51a7cdbbd&oe=58028AEC" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13537640_1473531526006486_6997301870277689664_n.jpg?oh=f604c3ae45a89226ad11558a424d5ee3&oe=5801B448" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13439138_1473531592673146_6006421760065843700_n.jpg?oh=651e6445ac1f16ed8100cb28c78c7e3b&oe=57F11570" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13508968_1473531596006479_2511729296348229006_n.jpg?oh=80fee77c495d58944892e4c547867a9a&oe=57EE17E0" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13557864_1473531602673145_2792827290878869430_n.jpg?oh=197a8f02ee4a525bc19b61e8bc0013c3&oe=57F392DF" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfp1/v/t1.0-9/13516180_1473531539339818_6240052637791505653_n.jpg?oh=676722cde4c4fa509d7b4682b445eed2&oe=57FFF720&__gda__=1476856688_3de6ce3dc5a226c4a1eb79259d3faaec" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>