<p><span style="color: #000000;"><strong>(ភ្នំពេញ)៖</strong> ការនាំចេញអង្កររបស់របស់កម្ពុជា ទៅកាន់ទីផ្សារបរទេសរយៈពេល២ខែចុងក្រោយនេះ មានការធ្លាក់ចុះគួរឲ្យគត់សម្គាល់ ដែលនាំឲ្យមានការព្រួយបារម្ភ។</span></p>
<p><span style="color: #000000;">ទិន្នន័យរបស់លេខាធិការដ្ឋាន ច្រកចេញចូលតែមួយ សម្រាប់បំពេញបែបបទនាំចេញអង្ករ បានឲ្យដឹងថា នៅខែមីនា និងខែមេសា ឆ្នាំ២០១៦នេះ ការនាំចេញអង្កររបស់កម្ពុជា បានធ្លាក់បើធៀបនឹងខែមីនា និងមេសា ឆ្នាំ២០១៥។ តួលេខបង្ហាញថា នៅខែមីនា ឆ្នាំ២០១៦ កម្ពុជាបាននាំចេញអង្ករ ៦៦,២៧៥តោន ខណៈខែមីនា ឆ្នាំ២០១៥ នាំចេញបានរហូតដល់៧៥,៨៦៧តោន។ ចំណែកនៅខែមេសា ឆ្នាំ២០១៦ កម្ពុជាបាននាំចេញ អង្ករបាន ៣៩,៥៥០តោន ខណៈខែមេសា ឆ្នាំ២០១៥ នាំចេញបានរហូតដល់៥១,៧១៩តោន។</span></p>
<p><span style="color: #000000;">លោក ហ៊ាន វណ្ណហន អគ្គនាយករងអគ្គនាយកដ្ឋានកសិកម្ម នៃក្រសួងកសិកម្មរុក្ខាប្រមាញ់និងនេសាទ និងជាប្រធានលេខាធិការដ្ឋាន ច្រកចេញចូលតែមួយ បានថ្លែងពីការបារម្ភ នៃការធ្លាក់ចុះការនាំចេញអង្កររបស់កម្ពុជាថា ចំនួននៃការធ្លាក់ចុះនេះ អាចនឹងជះឥទ្ធិពល ដល់ការនាំចេញអង្ករ នៅក្រោយៗទៀត និងអាចជះឥទ្ធិពល ដល់ការនាំចេញប្រចាំឆ្នាំផងដែរ។</span></p>
<p><span style="color: #000000;">មន្ត្រីក្រសួងកសិកម្មរូបនេះ បានលើកឡើងពីកត្តាធំៗចំនួន២ ដោយលោកយល់ឃើញថា ដោយសារបរិមាណស្រូវ នៅកំឡុងខែចុង ក្រោយនេះ បានអស់ព្រោះតែផុតរដូវប្រមូលផល។ មួយវិញទៀតលោក មើលឃើញថា រោងម៉ាស៊ីនកិនស្រូវរបស់កម្ពុជាគ្មានស្តុកស្រូវ សម្រាប់ធ្វើការច្នៃជាអង្ករ ដោយសារតែពួកគេខ្វះដើមទុន សម្រាប់ទិញស្រូវ។</span></p>
<p><span style="color: #000000;">និន្នន័យរបស់លេខាធិការដ្ឋាន ច្រកចេញចូលតែមួយសម្រាប់បំពេញបែបបទនាំចេញអង្ករ បានឲ្យដឹងទៀតថា រយៈពេល៤ខែដើមឆ្នាំនេះ ពោលគឺចាប់ពីខែមករា ដល់ខែមេសា ការនាំចេញអង្កររបស់កម្ពុជា មានការកើនឡើងតិចតួច កម្ពុជានាំចេញបានចំនួន ២០១,៧៧០តោន ខណៈ៤ខែដើមឆ្នាំ២០១៥ នាំចេញអង្ករបាន ២០១,១៨៣តោន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/4/sgfdgf-04-05-2016--16-04-08.png"><img src="/FileManager/Articles/mce/2016/5/4/sgfdgf-04-05-2016--16-04-08.png" alt="" /></a><br /></span></p>
<p style="text-align: right;"> </p>
<p style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>