<p><span style="color: #000000;"><strong>(បាត់ដំបង)៖</strong> ប្តីអប្រិយចិត្តឆៅម្នាក់បានឈ្លោះជាមួយប្រពន្ធ ដោយនិយាយគ្នាមិនព្រមចាញ់ឈ្នះ ក៏ទៅយកខ្សែក្រវ៉ាត់ រឹត-ក ប្រពន្ធបណ្តាលឲ្យស្លាប់ នៅក្នុងបន្ទប់ទឹក រួចរត់គេចទៅសម្ងំផ្ទះម្តាយនៅខេត្តប៉ៃលិន តែត្រូវសមត្ថកិច្ចចាប់បានមកវិញ។ ករណីឃាតកម្មសម្លាប់ប្រពន្ធនេះ បានកើតឡើងនៅល្ងាចថ្ងៃទី១៦ ខែកុម្ភៈ ឆ្នាំ២០១៧ នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង។</span></p>
<p><span style="color: #000000;">មន្រ្តីអាវុធហត្ថស្រុកកំរៀង បានបញ្ជាក់ឲ្យដឹងថា ដោយសារតែអំណាចប្តីជាប្រុសកម្លាំងខ្លាំងជាង បានយកខ្សែក្រវ៉ាត់ រឹតកប្រពន្ធ រហូតដល់ដាច់ខ្យល់ស្លាប់ រួចជិះម៉ូតូទៅសម្ងំ នៅផ្ទះម្តាយនៅខេត្តប៉ៃលិន។ ជនសង្ស័យដែលឃាត់ខ្លួនមានឈ្មោះ ង៉ូវ សុខលីន អាយុ២៥ឆ្នាំ មុខរបរមិនប្រាកដ រីឯប្រពន្ធ ឈ្មោះ ខឿន ចំរើន អាយុ៣៥ឆ្នាំ មុខរបរលក់ដូររស់នៅចំណុចកើតហេតុខាងលើ បណ្តាលឲ្យស្លាប់នៅក្នុងបន្ទប់ទឹក។</span></p>
<p><span style="color: #000000;">ក្រោយពីទទួលព័ត៌មានពីសាច់ញាតិជនរងគ្រោះ នៅវេលាម៉ោង១៨៖០០នាទីថ្ងៃទី១៦ ខែកុម្ភៈ ឆ្នាំ២០១៧ដដែល កម្លាំងអាវុធហត្ថ ស្រុកកំរៀង ដឹកនាំដោយលោកវរសេនីយ៍ត្រី មុយ សាលិត មេបញ្ជាការស្រុក បានចេញស្រាវជ្រាវរករកជនសង្ស័យរហូតចាប់ ជនសង្ស័យបាន នៅភូមិថ្នល់បត់ ឃុំស្ទឹងត្រង់ស្រុកសាលាក្រៅខេត្តប៉ៃលិន ជាទីកន្លែងកំណើតរបស់ជនសង្ស័យ។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានធ្វើការសាកសួរចម្លើយរួចកសាងសំណុំរឿង បញ្ជូនមកទីបញ្ជាការអាវុធហត្ថខេត្ត ដើម្បីបញ្ជូនបន្តទៅ តុលាការខេត្តចាត់ការបន្តតាមច្បាប់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/17/1-17-02-2017--11-33-40.png"><img src="/FileManager/Articles/mce/2017/2/17/1-17-02-2017--11-33-40.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-17-10-38-12-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-17-10-38-12-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-17-10-38-12-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>