<p><span style="color: #000000;">TAIPEI: Foxconn ក្រុមហ៊ុនផ្គត់ផ្គង់ដល់បន្ទះឈីបដល់ក្រុមហ៊ុន Apple នឹងបង្កើនការវិនិយោគ នៅប្រទេសឥណ្ឌា និងតៃវ៉ាន់នៅឆ្នាំនេះ ខណៈដែលខ្លួនបានខិតខំប្រឹងប្រែងដកខ្លួនឱ្យនៅឆ្ងាយពីប្រទេសចិន ស្របពេលមានភាពប្រេះឆាកាន់តែខ្លាំងឡើង រវាងទីក្រុងប៉េកាំង និងសហរដ្ឋអាមេរិក លើសង្រ្គាមពាណិជ្ជកម្ម និងបច្ចេកវិទ្យា។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/6/24/httpss3-ap-northeast-1amazonawscompsh-ex-ftnikkei-3937bb4images519827848915-1-eng-gbjpp034011870r-24-06-2020--15-43-21.jpg"><img src="/FileManager/Articles/mce/2020/6/24/httpss3-ap-northeast-1amazonawscompsh-ex-ftnikkei-3937bb4images519827848915-1-eng-gbjpp034011870r-24-06-2020--15-43-21.jpg" alt="" /></a><br /></span></p>
<p><span style="color: #000000;">លោក Young Liu ប្រធានក្រុមហ៊ុន Foxconn បានប្រាប់ម្ចាស់ភាគហ៊ុនថា ប្រទេសឥណ្ឌា នឹងក្លាយជាកន្លែងដ៏ល្អមួយដើម្បីអភិវឌ្ឍបច្ចេកវិទ្យារបស់ខ្លួន ហើយយើងកំពុងធ្វើការជំរុញយ៉ាងខ្លាំងដើម្បីសម្រេចឱ្យបាននូវទិសដៅវិនិយោគ ក្នុងប្រទេសឥណ្ឌា។</span></p>
<p><span style="color: #000000;">លោក Young Liu បានបញ្ជាក់ថា សម្រាប់តៃវ៉ាន់ ការពង្រីកការវិនិយោគ នឹងផ្តោតលើវិស័យ ដែលកំពុងរីកចម្រើនចំនួន ៣ ដូចជា វិស័យយានយន្តអគ្គិសនី គ្រឿងយន្ត(robotics) និងឧបករណ៍វេជ្ជសាស្ត្រឆ្លាតវៃ ដែល Foxconn មើលឃើញថា ជាកត្តាជំរុញកំណើននាពេលអនាគត ។</span></p>
<p><span style="color: #000000;">តៃវ៉ាន់ ឥណ្ឌា និងវៀតណាម ស្ថិតក្នុងចំណោមទីតាំង ដែលការពង្រីកភាគច្រើន បានកើតឡើងក្នុងរយៈពេលពីរឆ្នាំកន្លងមក។ លោក លីវ បាននិយាយថា ក្រុមហ៊ុនបានវិនិយោគទឹកប្រាក់ជាង ១១ ពាន់លានដុល្លារតៃវ៉ាន់ (៣៧១ លានដុល្លារ) នៅឥណ្ឌា និងច្រើនជាង ៦ ពាន់លានដុល្លារ(ប្រាក់តៃវ៉ាន់) នៅវៀតណាមក្នុងឆ្នាំ ២០១៨ និង ២០១៩ ។</span></p>
<p><span style="color: #000000;">សូមបញ្ជាក់ផងដែរថា ដោយសារសង្រ្គាមពាណិជ្ជកម្ម និងបច្ចេកវិទ្យា រវាងចិន និងអាមេរិច ក្រុមក្រុមហ៊ុនអន្តរជាតិធំៗនានា បាននឹងបន្តដករោងចក្ររបស់ខ្លួនជាបណ្តើរៗ ដើម្បីបញ្ជៀសខ្លួនអោយឆ្ងាយពីទំទាស់នេះ ក្នុងគោលបំណងជៀងវាងការទទួលទណ្ឌកម្ម ជាយថាហេតុដោយអាមេរិក៕</span></p>
<p><span style="color: #000000;"><br /><a class="c_tab" href="http://ananacomputer.com/" target="_blank"><img src="/FileManager/Articles/mce/2020/6/24/untitled-02-24-06-2020--15-43-58.jpg" alt="" /></a><br /></span></p>
<p> </p>
<p><span style="color: #000000;">ប្រែសម្រួល៖ ផាន់ណា</span></p>
<p><span style="color: #000000;">ប្រភព៖ Asia.nikkei</span></p>