<p><span style="color: #000000;"><strong>(កណ្តាល)៖</strong> បុរសជាឪពុកចុងម្នាក់ ត្រូវបានសមត្ថកិច្ចនគរបាលស្រុកខ្សាច់កណ្តាល ខេត្តកណ្តាល ធ្វើការឃាត់ខ្លួន បន្ទាប់ពីរូបគេធ្វើសកម្មភាព ប៉ុនប៉ងរំលោភសេពសន្ថវៈ លើកកូនស្រីរបស់ខ្លួន ខណៈប្រពន្ធទើបឆ្លងសម្រាលកូន បាន១ខែប៉ុណ្ណោះ។</span></p>
<p><span style="color: #000000;">សមត្ថកិច្ចនគរបាលបានឲ្យដឹងថា ជនល្មើសឈ្មោះ អឿន សំអុន ភេទប្រុសអាយុ៤១ឆ្នាំ ជនជាតិខ្មែរ មុខរបរកសិករនៅភូមិត្បូង ឃុំកោះចូរ៉ាម ស្រុកខ្សាច់កណ្តាល ខេត្តកណ្តាល ត្រូវជាឪពុកចុង ត្រូវបានឃាត់ខ្លួន នៅរសៀលថ្ងៃទី៦ ខែមករា ឆ្នាំ២០១៦ ពីបទប៉ុនប៉ងរំលោភសេពសន្ថវៈ លើកូនស្រីចុង ឈ្មោះ មាស ករុណា អាយុ១៦ឆ្នាំ ជនជាតិខ្មែរ មុខរបរកសិករ។</span></p>
<p><span style="color: #000000;">សមត្ថកិច្ចបានបញ្ជាក់ដំណើររឿងថា នៅថ្ងែទី៥ ខែមករា ឆ្នាំ២០១៦ នៅវេលាម៉ោង៩៖០០នាទីយប់ ឈ្មោះ មាស ករុណា (កូនស្រី) បានចូលដេកនៅក្នុងបន្ទុប់តែម្នាក់ឯង ចំណែកឈ្មោះ អឿន សំអុន (ជនល្មើស) បានដេកនៅខាងក្រៅបន្ទុប់ជាមួយប្រពន្ធខ្លួន ដែលទើបកូនខ្ចីបាន១ខែ។ មួយសន្ទុះក្រោយមកឈ្មោះ អឿន សំអុន បានទៅគោះទ្វារបន្ទប់ ដេករបស់កូនស្រី ពេលនោះកូនស្រីមកបើកទ្វារ មើលឃើញ ឪពុកចុងនៅក្បែរទ្វារហើយ ចូលដេកវិញ។</span></p>
<p><span style="color: #000000;">លុះដល់វេលាម៉ោង១ រំលងអាធ្រាត្រនា ថ្ងៃទី០៦ ខែមករា ឆ្នាំ២០១៦ ឈ្មោះ អឿន សំអុន បានទៅគោះទ្វារបន្ទុប់ដេក របស់កូនស្រីម្តងទៀត កូនស្រីបានស្រែកសួរពីក្នុងបន្ទប់ថា អ្នកណាគេគោះទ្វារ ហើយក្រោកមក បើកទ្វារក៏ឃើញឪពុកចុង ឈរនៅក្បែរបន្ទប់ ដោយកាន់កាំបិតខ្វែវ ដើរចុះដើរឡើង កូនស្រីបានចូលដេកវិញ។ បានមួយសន្ទុះឮសូរគោះទ្វារម្តងទៀត ម្តាយរបស់កូនស្រីឃើញ បានសួរថា <strong>«ឯងទៅគោះទ្វារ កូនធ្វើអីយប់ជ្រៅហើយហ្នឹង ឯងចង់ជាប់គុកឬ?»</strong>បន្ទាប់មកកូនស្រីបានទៅចូល ដេកជាមួយជីដូនខ្លួន។ ដល់វេលាម៉ោង០៦៖៣០នាទីព្រឹក ទើបកូនស្រីបានដើរចូលទៅក្នុង បន្ទប់របស់ខ្លួនវិញ ដើម្បីផ្លាស់ខោអាវស្រាប់តែឈ្មោះ អឿន សំអុន ចូលទៅចាប់អោបកូនស្រី ពីក្រោយរួចនិយាយថា «ធើម៉ែមិនកើតធើកូនវិញ» ពេលនោះកូនស្រី បានស្រែករត់ចេញមកក្រៅបន្ទប់។</span></p>
<p><span style="color: #000000;">សមត្ថកិច្ចបានបញ្ជាក់ទៀតថា លុះវេលាម៉ោង៤៖០០នាទីរសៀលថ្ងៃទី៦ ខែមករា ឆ្នាំ២០១៦ ជនរងគ្រោះកូនស្រី និងម្តាយមកដាក់ពាក្យបណ្តឹង ប្តឹងឈ្មោះ អឿន សំអុន សុំអនុវត្តតាមច្បាប់។ បន្ទាប់មកសមត្ថកិច្ច បានឃាត់ខ្លួនឈ្មោះ អឿន សំអុន ដើម្បីអនុវត្តតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/7/568619544169881166453778242409559810595n-07-01-2016--14-27-55.jpg"><span style="color: #000000;"><img src="/FileManager/Articles/mce/2016/1/7/568619544169881166453778242409559810595n-07-01-2016--14-27-55.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/7/191528919544170414499733519590320908124156n-07-01-2016--14-28-12.jpg"><span style="color: #000000;"><img src="/FileManager/Articles/mce/2016/1/7/191528919544170414499733519590320908124156n-07-01-2016--14-28-12.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>