<div>
<p><span style="color: #000000;"><strong>(ភ្នំពេញ)៖</strong> បន្ទាប់ពីមានហេតុការណ៍ គ្រោះថ្នាក់ចរាចរណ៍ដ៏រន្ធត់មួយ ដែលបង្កឡើងដោយរថយន្តដឹកដី បើកបុកក្មេងស្រីពីរនាក់ស្លាប់ នៅក្រោមកង់រថយន្ត យ៉ាងអាណោចអធ័ម និងក្មេងប្រុសម្នាក់ទៀត រងរបួសធ្ងន់ធ្ងរ ត្រូវបញ្ជូនទៅមន្ទីពេទ្យ កាលពីម្សិលមិញនោះមក បានធ្វើឲ្យមហាជន ជាច្រើនសម្តែងអារម្មណ៍តក់ស្លុត និងថ្កោលទោសលើតៃកុង រថយន្តរូបនោះ។ ទន្ទឹមនឹងគ្នានេះ តារាចម្រៀងល្បីឈ្មោះ របស់ផលិតកម្មថោន កញ្ញា លី អ៉ីវ៉ាធីណា ក៏បានផ្ទុះកំហឹង ខឹងនូវទង្វើបង្កគ្រោះថ្នាក់ ខាងលើនេះ ផងដែរ។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាស្រីកូនកាត់ចិន ធ្មេញជំពើស លី អ៉ីវ៉ាធីណា ថ្មីៗនេះ បានសរសេរបង្ហោះ ជះកំហឹងជាសាធារណៈថា«ស្អប់ជាងគេ គឺពួកអាឡានធំៗហ្នឹងហ្មង.! បើកលឿនម៉ែអាលឿន ប្រញាប់ទៅងាប់មើលទៅ បើងាប់ម្នាក់ឯងទៅ វាបុកដោយគេមិនដឹងអីទៀត បើវាបើកពេលយប់វិញចាំមើល…»។</span></p>
<p><span style="color: #000000;">កញ្ញា លី អ៉ីវ៉ាធីណា បានសរសេរទៀតថា «រាល់ថ្ងែនេះ ឃើញតែពួកឡានធំៗ និងបុកតែគេសោះហើយ។ ចុះបើគេបុកគ្រួសារវាវិញ វាគិតម៉េច ចាប់បានវៃឲ្យងាប់ហ្មង។ ខ្ញុំក៏សូមសំណូមពរឲ្យប៉ូលិស តាមរកឲ្យឃើញ កុំធូរពេកជីវិតមនុស្សមានតម្លែងណាស់។ សុំទោសបើខ្ញុំនិយាយសំដីធ្ងន់ ព្រោះខឹងពេក ណាមួយប្អូនពីរនាក់ហ្នឹង នៅជិតផ្ទះខ្ញុំ ស្រុកយើងគួរតែមានច្បាប់ឲ្យតឹង អំពីបញ្ហានេះ មិនមែនបុកគេហើយ អាចរួចខ្លួនបានទេ.!»។</span></p>
<p><span style="color: #000000;">ប្រតិកម្មខ្លាំងពុំធ្លាប់មាន របស់តារាចម្រៀង លី អ៉ីវ៉ាធីណា ខាងលើនេះធ្វើឡើង ក្រោយពេលដឹងថា ក្មេងស្រីសិស្សវិទ្យាល័យ ឫស្សីកែវ២នាក់ ត្រូវរថយន្តបែនដឹកដី បើកបុក និងកិនអូសចូលក្រោមរថយន្ត បណ្តាលឲ្យស្លាប់ភ្លាមៗ នៅកន្លែងកើតហេតុ កាលពីរសៀលថ្ងៃទី២៦ ខែកុម្ភៈ ឆ្នាំ២០១៦នេះ ស្ថិតនៅភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ខណៈយុវជនម្នាក់ទៀត ដែលបើកឌុបក្មេងស្រីទាំង២បានរងរបួសធ្ងន់៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12729287_944519665664363_6028819893593201598_n.jpg?oh=4a3b78c7dcbb2ce8b66827f3c5d97fd3&oe=575E87FE" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfl1/v/t1.0-9/12439012_918394154943581_3778090594061299259_n.jpg?oh=828ff7b60e1d62c280cdcb771873d7c1&oe=5754ABEA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/11146494_797571623692502_2356795626490898866_n.jpg?oh=0c369a6232c536ab760fd14368a7007c&oe=57244407" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlp1/v/t1.0-9/11024713_758409780942020_796754788499437074_n.jpg?oh=393b72a4a8f0ac3fd0c853ee214d0be5&oe=5724DC53&__gda__=1465064494_00ad00ed6f0183082c0a68464977c2de" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtp1/v/t1.0-9/10429331_728169700632695_1461978558456958734_n.jpg?oh=e174175fe1b5f3f5b275045e96eb1462&oe=5750FD4B&__gda__=1465420413_4202419c9d62c019986327e889b3e57c" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-prn2/v/t1.0-9/1779978_693279584121707_4807459370364948409_n.jpg?oh=d64636acc23d61f810c5b1b5a77dffce&oe=576D4EAE" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtl1/v/t1.0-9/1916181_947715722011424_3380422878038610928_n.jpg?oh=fdd6d8742266b2ab54246bf7f10d1697&oe=576B1AE2" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12745949_947715712011425_7880649162888660451_n.jpg?oh=1cb90eddcc1fb98782c285d1c5c46db0&oe=5765A85A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>