<p><span style="color: #000000;"><strong>ភ្នំពេញ៖</strong> បន្ទាប់ពីឪពុករបស់នាង លោក អ៊ិន សុភិន បានប្រកាសក្តែងថា រៀបចំពាក្យបណ្តឹងប្តឹងទៅតុលាការរឿងដែលកូនស្រីរត់ចោលផ្ទះ ដោយជាប់មន្ទិលសង្ស័យថា មានអ្នកជាប់ពាក់ព័ន្ធពីក្រោយខ្នង បានត្រឹមតែមួយថ្ងៃ កូនស្រីរូបស្អាត ដែលអភ័ព្វស្នេហ៍ កញ្ញា ភិន សុដាលីស បានចេញមុខបកស្រាយថា នាងមិនបានរងសម្ពាធពីខាងណា ឬក៏ស្តាប់តាមការញុះញង់ ពីអ្នកណាឡើយ ហើយនាងក៏មិនបានរត់ចោលផ្ទះ ដូចការលើកឡើង របស់ឪពុកនាងដែរ ។</span></p>
<p><span style="color: #000000;">ក្រោយពីតារាសម្តែង ដែលគ្រងតំណែង ជាតួឯកបន្តកន្ទុយ កញ្ញា ភិន សុដាលីស ដោយអត់ទ្រាំនិងទង្វើឪពុកមិនបាននាងក៏សម្រេចចិត្ត ចេញមុខបកស្រាយ តាមបណ្តាញទំនាក់ទំនង សង្គម Facebook ផ្ទាល់ខ្លួននាងថា «អរគុណចំពោះការបារម្ភ របស់អ្នកទាំងអស់គ្នា ខ្ញុំមិនបានរត់ចេញពីផ្ទះនោះទេ ខ្ញុំមានការងារត្រូវធ្វើ ហើយក៏គិតថា ចេញមកក្រៅ ដើម្បីបន្ធូរអារម្មណ៏ និងអាចរកកន្លែងមួយស្ងប់ស្ងាត់ជាងនេះកុំបារម្ភពីខ្ញុំអី …»។</span></p>
<p><span style="color: #000000;">នៅក្នុងនោះ ដាលីស ក៏បានផ្ញើរសារ ទៅឪពុកនាងថា នាងអាចនឹងត្រឡប់មកផ្ទះ ដោយមិនចាំបាច់តាមរកឬ ដាក់ពាក្យប្តឹងទេដរាបណា មានដំណោះស្រាយ ហើយថែមទាំងបញ្ជាក់ថា គ្មានអ្នកជាប់ពាក់ព័ន្ធក្នុងរឿងនេះទេ ដោយនាងបាននិយាយថា «ខ្ញុំនឹងត្រលប់ទៅវិញ នៅពេលដែលរឿងនេះ មានដំណោះស្រាយរួចរាល់ ហើយខ្ញុំសូមបញ្ជាក់ថា ចំពោះការចាកចេញរបស់ខ្ញុំ មិនមានការពាក់ព័ន្ធនឹងអ្នកណាទាំងអស់នេះ ជាការសសម្រេចចិត្តរបស់ខ្ញុំ ដោយខ្លួនឯង សូមសំណូមពរ ដល់ប៉ាមេត្តាឈប់បង្ក បញ្ហាដល់អ្នកដទៃទៀតទៅ គ្មានអ្នកណាពាក់ព័ន្ធនឹងរឿងនេះទេ»។</span></p>
<p><span style="color: #000000;">សូមបញ្ជាក់ផងដែរថា កាលពីព្រឹកថ្ងៃទី៣១ ខែសីហា ម្សិលមិញនេះ ចាងហ្វាងផលិតកម្ម មហាហង្ស លោក អ៊ិន សុភិន បានទៅដាក់ពាក្យបណ្តឹងប្តឹង ទៅតុលាការ ក្រោយពីកូនស្រីបណ្តូលចិត្ត បានបាត់ចេញពីផ្ទះរយៈពេល៤ថ្ងៃ ដោយនៅក្នុងនោះ លោកបានដាក់ការសង្ស័យថា មានអ្នកនៅពីក្រោយខ្នង នៃការបាត់ខ្លួនកូនស្រី ហើយលោកក៏បានប្រកាសឲ្យដឹងផងដែរថា អ្នកដែលជាប់ពាក់ព័ន្ធ រឿងកូនស្រីបាត់ខ្លួននេះ និងត្រូវទទួលទោសតាមផ្លូវច្បាប់ ទៀតផង៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/1/75-01-09-2015--16-44-51.jpg"><img src="/FileManager/Articles/mce/2015/9/1/75-01-09-2015--16-44-51.jpg" alt="" /></a></span></p>
<p><a class="thickbox" title="" href="/FileManager/Commons/2015/9/1/76-01-09-2015--16-45-01.jpg"><img src="/FileManager/Articles/mce/2015/9/1/76-01-09-2015--16-45-01.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/1/75-01-09-2015--16-44-51.jpg"></a></span></p>
<p><a class="thickbox" title="" href="/FileManager/Commons/2015/9/1/77-01-09-2015--16-45-08.jpg"><img src="/FileManager/Articles/mce/2015/9/1/77-01-09-2015--16-45-08.jpg" alt="" /></a></p>
<p><a class="thickbox" title="" href="/FileManager/Commons/2015/9/1/78-01-09-2015--16-45-16.jpg"><img src="/FileManager/Articles/mce/2015/9/1/78-01-09-2015--16-45-16.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>