<p><span style="color: #000000;"><strong>កំពត៖</strong> ជនសង្ស័យម្នាក់ ត្រូវបានកម្លាំងនគរបាលព្រហ្មទណ្ឌខេត្ត បាននិងកំពុងកសាងសំណុំរឿង បញ្ជូនខ្លួនទៅសាលាដំបូងខេត្ត ដើម្បីចាត់ការតាមផ្លូវច្បាប់ នៅរសៀលថ្ងៃទី២០ ខែកក្កដា ឆ្នាំ២០១៥នេះ ពាក់ព័ន្ធពីបទ ប៉ុនប៉ងរំលោភសេពសន្ថវៈ លើក្មេងស្រីជាអនីតិជន។</span></p>
<p><span style="color: #000000;">លោកវរសេនីត្រី លក ញ៉ាវ នាយរងការិយាល័យ នគរបាលព្រហ្មទណ្ឌកម្រិតធ្ងន់ខេត្ត បានប្រាប់មជ្ឈមណ្ឌលព័ត៌មានដើមអម្ពិលថា ជនសង្ស័យ ឈ្មោះហេង ដារ៉ា ហៅ ដុល្លា ភេទប្រុស អាយុ១៩ឆ្នាំ រស់នៅភូមិក្រសាំង ឃុំចំប៉ី ស្រុកអង្គរជ័យ ខេត្តកំពត។ រីឯយុវតីរងគ្រោះ</span><br /><span style="color: #000000;">ឈ្មោះយ-ស-ណ អាយុ១១ឆ្នាំ រស់នៅភូមិទន្លេនាម ឃុំចំប៉ី ស្រុកអង្គរជ័យ ខេត្តកំពត។</span></p>
<p><span style="color: #000000;">លោកលក ញ៉ាវ បន្តថា ជនសង្ស័យមានសភាពស្រវឹងជោកខ្លួន បន្ទាប់មកពីរាំលេងធុងបាស់ក្នុងភូមិ ហើយធ្វើឲ្យជនសង្ស័យប្រព្រឹត្ត កាលពីវេលាម៉ោង១២និង៣០នាទីរំលងអធ្រាត្រ ថ្ងៃទី១៨ ឈានចូលថ្ងៃទី១៩ ខែកក្កដា ឆ្នាំ២០១៥ ជនសង្ស័យខាងលើ បានដើរទៅដល់ផ្ទះកុមារីរងគ្រោះខាងលើ រួចហើយធ្វើសកម្មភាព ចាប់បីត្រកងជនរងគ្រោះ ខណៈជនរងគ្រោះកំពង់តែដេក</span><br /><span style="color: #000000;">លង់លក់ជាមួយនឹងបងប្អូន នៅសំយ៉ាបផ្ទះរបស់ខ្លួននោះ។</span></p>
<p><span style="color: #000000;">លោកលកញ៉ាវឲ្យដឹងទៀតថា ជនសង្ស័យបីត្រកងជនរងគ្រោះ ក្នុងគោលបំណង យកទៅរំលោភសេពសន្ថវៈ ប៉ុន្តែមិនបានសម្រេចដូចបំណងទេ ដោយបីយកទៅ បានចម្ងាយប្រមាណ២០ម៉ែត្រប៉ុណ្ណោះ ក៏ជំពប់ជើងដួល ដែល</span><br /><span style="color: #000000;">ធ្វើឲ្យកុម៉ារីរងគ្រោះដឹងខ្លួន ហើយថែមទាំងស្រែកយំផ្អើលអស់គេឯង នៅជុំវិញកន្លែងកើតហេតុនោះផងដែរ បន្ទាប់មកឪពុក ម្តាយក្មេងស្រីរងគ្រោះ ក៏បានយកកូនមកវិញ លុះដល់ព្រឹកស្អែកឡើង ក៏បានទៅដាក់ពាក្យបណ្តឹង នៅឯប៉ុស្តិ៍នគរបាលមូលដ្ឋានរបស់ខ្លួន ហើយធ្វើឲ្យកម្លាំង ឈានទៅឃាត់ខ្លួនបាននូវជនសង្ស័យភ្លាម រួចហើយនាំយកមកសាកសួរ នៅឯអធិការដ្ឋាននគរបាលស្រុក នឹងបញ្ជូនបន្តទៅសាកសួរ នៅឯការិយាល័យកណ្តាល នគរបាលព្រហ្មទណ្ឌខេត្ត ដើម្បីចាត់ការតាមនីតិវិធីនៃច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/20/7-20-2015-2-36-36-pm-20-07-2015--14-42-45.png"><span style="color: #000000;"><img src="/FileManager/Articles/mce/2015/7/20/7-20-2015-2-36-36-pm-20-07-2015--14-42-45.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>