<p><span style="color: #000000;">ព័ត៌មានអន្តរជាតិ ៖ ប្រធានាធិបតី ហ្វីលីពីន ដែលត្រូវបានគេស្គាល់ថាជាមេដឹកនាំចិត្តខ្លាំង សំដី ឆៅនោះគឺលោក Rodrigo Duterte ឲ្យដឹងថា លោកបានសន្យានិងអទិទេពហើយ ថាលោកនឹងមិន ប្រើសំដីបាតផ្សាទៀតនោះទេ ។ </span></p>
<p><br /><a class="thickbox" title="" href="/FileManager/Commons/2016/10/28/17b-28-10-2016--13-49-32.jpg"><img src="/FileManager/Articles/mce/2016/10/28/17b-28-10-2016--13-49-32.jpg" alt="" /></a></p>
<p><a class="thickbox" title="" href="/FileManager/Commons/2016/10/28/17-28-10-2016--13-50-08.jpg"><img src="/FileManager/Articles/mce/2016/10/28/17-28-10-2016--13-50-08.jpg" alt="" /></a></p>
<p><span style="color: #000000; font-size: 12px;">មកដល់ទីក្រុងស្រុកកំណើត Davao បន្ទាប់ពីដំណើរទស្សនកិច្ចផ្លូវការទៅកាន់ប្រទេសជប៉ុនលោក Duterte ឲ្យដឹងថា អទិទេពបានផ្តល់នូវឧសានវាទដល់រូបលោកនៅពេលដែលកំពុងតែជិះយន្តហោះ គូសបញ្ជាក់ដល់ក្រុមអ្នកសារព័ត៌មាន នៅឯព្រលានយន្តហោះ លោក Rodrigo គូសបញ្ជាក់ក្តែងៗឲ្យ ដឹងថា "ខ្ញុំបានឮសម្លេងដោយប្រាប់ខ្ញុំឲ្យឈប់ប្រើសំដីបាតផ្សា បើមិនដូច្នេះទេយន្តហោះដែលខ្ញុំកំពុង ជិះនោះនឹងធ្លាក់ចុះជាក់ជាមិនខាន ដូច្នេះហើយ ខ្ញុំក៏សន្យានឹងសម្លេងអទិទេពខ្សឹបប្រាប់នោះថានឹង ឈប់ប្រើសំដីបាតផ្សាទៀតហើយ " ។ </span></p>
<p><a class="thickbox" title="" href="/FileManager/Commons/2016/10/28/17a-28-10-2016--13-49-44.jpg"><img src="/FileManager/Articles/mce/2016/10/28/17a-28-10-2016--13-49-44.jpg" alt="" /></a><br /><br /></p>
<p><span style="color: #000000;">គួរបញ្ជាក់ថា រយៈពេល១ខែចុងក្រោយនេះ លោក Rodrigo ដែលត្រូវបានគេស្គាល់ថា ជាមេដឹកនាំ ហ្វីលីពីនសំដីឆៅចិត្តសឿងនោះ បានប្រើពាក្យសម្តីគំរោះគំរើយជាញឹកញយ វាយប្រហារទៅកាន់ មេដឹកនាំលោកខាងលិច ខណៈពលរដ្ឋក្នុងស្រុកហ្វីលីពីន គាំទ្រលោកជាខ្លាំង ។ ជាការពិតកាលពីពេល កន្លងទៅនេះ លោក Rodrigo បានជេរលោកបារ៉ាក់ អូបាម៉ា ថាកូនស្រីសំផឹង ខណៈ ហៅសហភាព អឹរ៉ុប ថាគ្មានភាពស្មោះត្រង់ "លាក់ពុត" និងបានគម្រាមចាកចេញពីអង្គការសហប្រជាជាតិ ខណៈ លោកបានទទួលយកនូវការប្រៀបធៀបទៅនឹង ហ៊ីត្លែរ ដោយនិយាយថា លោករីករាយនឹងសម្លាប់ មនុស្ស ៣លាននាក់ ក្នុងបេសកម្ម បង្ក្រាបឧក្រិដ្ឋកម្មគ្រឿងញៀន ។ </span></p>
<p><span style="color: #000000;">ជាមួយនឹងចំណាត់ក្តៅរបស់លោក Rodrigo ក្នុងការបោសសម្អាតឧក្រិដ្ឋជនគ្រឿងញៀន រាប់ពាន់ នាក់តាមរយៈការប្រហារជីវិតក្រៅប្រព័ន្ធតុលាការនោះ បាននាំមកនូវការរិះគន់ជាខ្លាំង ពីសហគមន៍ អន្តរជាតិ ។ ជាការលើកឡើងដោយផ្ទាល់ពីសំណាក់ មេដឹកនាំរូបនេះ ឲ្យដឹងថា លោកបានសន្យា នឹងអទិទេព ថាឈប់ប្រើសំដីលាមកទៀតហើយ ការសន្យានឹងអទិទេព ក៏ដូចជា សន្យានឹងប្រជាជន ហ្វីលីពីនដូចគ្នាដែរ ។ ប៉ុន្តែ លោក Rodrigo បានបន្តឲ្យដឹងថា ការសន្យារបស់លោក គឺមានព្រំដែន កំណត់ បើកាលណា ប្រធានបទណាមួយ ដែលអាចជាប់ពាក់ព័ន្ធទៅនឹង អាមេរិក សហភាពអឹរ៉ុប នេះបើយោងតាមការចេញផ្សាយពីសម្រង់អត្ថបទសារព័ត៌មានក្នុងស្រុក ហ្វីលីពីន ៕</span></p>
<p><span style="color: #0000ff;"><a href="/News/Detail/14813/obama-calls-off-meeting-with-philippine-leader-after-whore-jibe" target="_blank"><span style="color: #0000ff;">- ដល់កហើយ ! ប្រធានាធិបតីហ្វីលីពិន ជេរលោក អូបាម៉ា កប់ៗមាត់ថា «Son of a bitch» ដែលជាពាក្យមិនសមចេញពីមាត់</span></a></span></p>
<p><span style="color: #0000ff;"><a href="/News/Detail/28800/barack-obama-cancels-meeting-with-rodrigo-duterte-after-he-insult-him" target="_blank"><span style="color: #0000ff;">-ប្រធានាធិបតីហ្វីលីពីនលោក Duterte ជេរលោក អូបាម៉ា ថា «កូនមីឆ្កែ» ធ្វើឲ្យកិច្ចប្រជុំទ្វេភាគីលើកដំបូងត្រូវលុបចោល</span></a></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>