<p><span style="color: #000000;"><strong>(ពោធិ៍សាត់)៖</strong> ឆ្កែរបស់ប្រជាពលរដ្ឋ ចំនួន ០១ក្បាល ត្រូវបានក្រុមចោរ ២ទៅ៣នាក់ ដាក់ថ្នាំបំពុលងាប់ រួចលួចម៉ូតូអស់ ១គ្រឿង ដោយសុវត្ថិភាព កាលពីយប់ថ្ងៃទី១១ ខែកញ្ញា ឆ្នាំ២០១៦ ត្រង់ចំណុចក្រោមផ្ទះ នាយករដ្ឋបាលសាលាស្រុកក្រគរ ស្ថិតក្នុងភូមិត្រពាំងរំដេញ ឃុំក្បាលត្រាច ស្រុកក្រគរ ខេត្តពោធិ៍សាត់។</span></p>
<p><span style="color: #000000;">លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងថា៖ ក្រុមចោរ មានគ្នា ២ទៅ៣នាក់ បានដាក់ថ្នាំបំពុលឆ្កែងាប់ ០១ក្បាល រួចលួចម៉ូតូអស់ ១គ្រឿង ម៉ាក Honda Dream ស៊េរី ២០១១ ព័ណ៌ខ្មៅ ពាក់ស្លាកលេខ ភ្នំពេញ 1AX-4266 ជាកម្មសិទ្ធិរបស់ឈ្មោះ ខាត់ ពុយ ភេទប្រុស អាយុ ៣៧ឆ្នាំ តួនាទីជានាយករដ្ឋបាលសាលាស្រុកក្រគរ បច្ចុប្បន្នរស់នៅភូមិកើតហេតុខាងលើ។</span></p>
<p><span style="color: #000000;">លោកអធិការបានបន្តថា នៅយប់មុនពេលកើតហេតុម្ចាស់ម៉ូតូបានគេងលង់លក់ ហើយដាក់ម៉ូតូក្រោមផ្ទះ ដោយមិនដឹងពីសកម្មភាពរបស់ក្រុមចោរដែលដាក់ថ្នាំបំពុលឆ្កែឡើយ ស្រាប់តែវេលា ម៉ោងប្រហែល ១ទៀបភ្លឺ ឈានចូលថ្ងៃទី១២ ខែកញ្ញា ឆ្នាំ២០១៦ ទើបដឹងថាបាត់ម៉ូតូ ១គ្រឿង និងងាប់ឆ្កែ ១ក្បាល ក៏នាំគ្នាផ្អើលឆោឡោតែម្តង។</span></p>
<p><span style="color: #000000;">លោកអធិការបានបន្តទៀតថា ចំពោះករណីខាងលើនេះ កម្លាំងរបស់យើងកំពុងចុះធ្វើការស្រាវជ្រាវ ដើម្បីវែកមុខជនល្មើសមកផ្តន្ទាទោសឲ្យទាល់តែបាន៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-39-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-39-22-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-39-22-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>