<p><span style="color: #000000;"><strong>(ភ្នំពេញ)៖</strong> បន្ទាប់ពីមានបណ្តាញសារព័ត៌មាន ក្នុងស្រុកមួយចំនួន បានសរសេរចុះផ្សាយជុំវិញហេតុការណ៍ គ្រោះថ្នាក់ចរាចរណ៍មួយ ដែលបានកើតឡើង កាលពីរំលងអាធ្រាត្រឈានចូលថ្ងៃទី២១ ខែតុលា ឆ្នាំ២០១៦ បង្កឡើងរវាងរថយន្ត២គ្រឿង ដែលរថយន្តមួយគ្រឿង ត្រូវបានគេស្គាល់ថា គឺជារថយន្តរបស់ប្អូនប្រុស របស់ពិធីការិនី កញ្ញា ជីជី ម៉ាកកាម៉ារី ហាយប្រ៊ីត ពណ៌ទឹកមាស ពាក់ស្លាកលេខ ភ្នំពេញ 2X-3335 បានប៉ះទង្គិចគ្នា ជាមួយរថយន្តកូរ៉េទឹកទំនិញមួយគ្រឿងទៀត បង្កការភ្ញាក់ផ្អើលទាំងយប់ ហើយភ្លាមៗនេះដែរ ពិធីការិនីកញ្ញា ជីជី ក៏បានប្រតិកម្មចេញមុខ ការពារប្អូនប្រុសរបស់ខ្លួនថា ជាអ្នកត្រូវហើយការបើកបរនោះ ពេលបត់ចូលផ្ទះ គឺបានប្រើស៊ីញ៉ូច្បាស់ណាស់។</span></p>
<p><span style="color: #000000;"><a class="thickbox" title="" href="/FileManager/Commons/2016/10/22/01a-22-10-2016--09-19-36.jpg"><img src="/FileManager/Articles/mce/2016/10/22/01a-22-10-2016--09-19-36.jpg" alt="" /></a><br /></span></p>
<p><span style="color: #000000;">តារាស្រីកញ្ញា ជីជី បានសរសេរប្រតិកម្ម នៅលើបណ្តាញសង្គមហ្វេសប៊ុករបស់ខ្លួន ទាំងកំហឹងថា «<strong>មិនយល់ ចង់យកអ្នកព័ត៌មាន ទៅស្បថហេតុអ្វី បានជាចុះថា គាត់មិនបើកស៊ីញ៉ូ? និយាយអ្វីដែលពិតផង កុំឲ្យតែឡានគេល្អជាង ថាគេហ្នឹងវាខុស គេអាក្រក់ ទារសំណង ចុះព័ត៌មាននេះ ដូចលំអៀងពេកហើយ សុំនិយាយអ្វីដែលពិត ហើយយុត្តិធម៌!</strong>»។</span></p>
<p><span style="color: #000000;">ពិធីការិនី និងជាតារាសម្តែង កញ្ញា ជីជី បាននិយាយហាក់ចង់ប្រកាសសង្គ្រាម ជាមួយអ្នកសារព័ត៌មានទៀតថា <strong>«ខ្ញុំមិនកាន់ជើងអ្នកណា ខុសខ្ញុំថាខុស ត្រូវខ្ញុំថាត្រូវ ព្រោះគាត់បានបើកស៊ីញ៉ូ មុនបត់ចូល ហើយឡានធំ ក៏គាត់ទទួលថា គាត់ខុស។ ប្រទេសមានច្បាប់ ទុកឲ្យខាងច្បាប់អ្នកដោះស្រាយ សូមអ្នកដែលមិនដឹងរឿង កុំវិនិច្ឆ័យ ហើយប្រើពាក្យអសុរោះ តាមដែលសារព័ត៌មាន ចេះតែចុះសូមបើកបរ ដោយប្រុងប្រយ័ត្ន ជាពិសេសអ្នកបើកបរ ឲ្យគេមួយចំនួន ព្រោះខ្ញុំឃើញច្រើនមកហើយ ពួកគាត់មិនសូវជាគោរពប៉ុន្មានទេ !»</strong>។</span></p>
<p><span style="color: #000000;">សូមបញ្ជាក់ថា បើតាមការចុះផ្សាយរបស់សារព័ត៌មាន ក្នុងស្រុក បាននិយាយថា ប្អូនប្រុសពិធីការិនីទូរទស្សន៍ កញ្ញាជីជី បានជួបគ្រោះថ្នាក់ចរាចរណ៍ ខណៈបើករថយន្តយ៉ាងលឿនបត់ ចូលផ្ទះ ដោយមិនបានបើកស៊ីញ៉ូ ហើយត្រូវរថយន្តកូរ៉េ ដឹកទំនិញបើកលឿនដូចគ្នា ចាប់ហ្វ្រាំងមិនទាន់ ក៏ជ្រុលទៅបុកពេញទំហឹង ចំទ្វារមុខចំហៀងខាងស្តាំ បណ្តាលឲ្យខូចខាតទាំង២គ្រឿង។ ហេតុការណ៍នេះ កើតឡើងកាលពីវេលា ម៉ោង១និង៤០នាទីរំលងអាធ្រាត្រ ឈានចូលថ្ងៃទី២១ខែតុលា ឆ្នាំ២០១៦ នៅតាមបណ្តោយផ្លូវ ភ្នំពេញ-ហាណូយ មុខច្រកចូលបុរីពិភពថ្មី ផ្សារដីហុយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។</span></p>
<p><span style="color: #000000;">ប្រភពដដែល បានបញ្ជាក់ថា ក្រោយពេលកើតហេតុ គេឃើញមានវត្តមាន កញ្ញា ជីជី ជាបងស្រី និងបងប្អូនចេញមុខមកដោះស្រាយ សុំឲ្យខាងរថយន្តកូរ៉េ ចេញថ្លៃជួសជុលទាំងស្រុង ពោលគឺយករថយន្ត ទៅជួសជុលឲ្យដូចដើម តែត្រូវខាងរថយន្តកូរ៉េបដិសេធ ព្រោះគាត់ជាអ្នកបើកបរ ជាកម្មករគេដែរ គាត់មានលទ្ធភាពឯណាសង ហើយគាត់ក៏បានទាក់ទង ទៅក្រុមហ៊ុនហើយ តែតំណាងក្រុមហ៊ុននៅខេត្តឆ្ងាយពិបាក ក្នុងការធ្វើដំណើរមកទាំងយប់។ តែខាងកញ្ញា ជីជី មិនព្រម សុំឲ្យចេញមកដោះស្រាយសង ទាំងយប់តែម្ដង៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/v/t1.0-9/14642497_1611155485577422_6370429085428511840_n.jpg?oh=da9a6c5a88e88c0311c8b7b5b2486a3c&oe=58A89D0C&__gda__=1486262924_ad9a9b5e152934cb672641ae6b354a77" alt="" width="730" /></span></p>
<p><span style="color: #000000;"><img src="https://fb-s-b-a.akamaihd.net/h-ak-xpl1/v/t1.0-9/14724468_1611155475577423_2586779452290409220_n.jpg?oh=253713e17c3ba4f94d3f92fc0f7671c7&oe=58AC554A&__gda__=1486290681_e95f74780fe2a9d070d5955b941920ea" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14731282_1611155472244090_793844344706322453_n.jpg?oh=aea241482bdc23fd1e41dbe842e0aff8&oe=5894AC4C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>