<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស របស់ផលិតកម្មថោន លោក ខេម ដែលកន្លងមកធ្លាប់តែពើបប្រទះ នឹងរឿងរ៉ាវអាស្រូវផ្ទួនៗ មានតែបញ្ហាមិនចេះចប់មិនចេះហើយ និងកំពុងតែប្រឈមមុខសម្លេង រិះគន់បាញ់ចាក់ស្រោចជុំវិញ ការតម្កើងឫកថា ភ្លេចកំណើតដើមនោះ ថ្មីៗនេះ លោកបានងាកមកផ្តើមធ្វើការងារមនុស្សធម៌ ដោយបានយកអំណោយ ទៅចែកជូនជនរងគ្រោះ ព្រោះតែអគ្គិភ័យលេងត្របាក់ផ្ទះ នៅក្នុងក្រុងកំពង់ឆ្នាំង ខេត្តកំពង់ឆ្នាំង ដែលជាទឹកដីកំណើតរបស់លោក ។</span></p>
<p><span style="color: #000000;">រូបថតជាច្រើនសន្លឹក ត្រូវបានអ្នកគាំទ្រ យកមកបង្ហោះចែកចាយព្រោងព្រាត នៅលើបណ្តាញទំនាក់ទំនងសង្គម Facebook ផ្ទាល់ខ្លួន បង្ហាញពីសកម្មភាព នៅពេលដែលម្ចាស់បទ «ទឹកភ្នែកក្មេងពាល» លោក ខេម បានចុះយកអំណោយ ជាសម្ភារៈគ្រឿង ឧបភោគ-បរិភោគ មានអង្ករ មី ទឹកត្រី ទឹកស៊ីអ៉ីវ ចែកជូនដល់បងប្អូន ប្រជាពលរដ្ឋ ដែលរងគ្រោះដោយសារភ្លើងឆេះផ្ទះ នៅខេត្តកំពង់ឆ្នាំ កាលពីពេលថ្មីៗ កន្លងមកនេះ។</span></p>
<p><span style="color: #000000;">សម្រាប់ការបង្ហាញ សកម្មភាពមនុស្សធម៌បែបនេះ របស់តារាចម្រៀងសំនៀងស្អក លោក ខេម គឺជាលើកទី១ហើយ បន្ទាប់ពីលោកបានជួបប្រទះ នូវរឿងអាស្រូវរិះគន់ជាច្រើន ដោយថ្មីៗនេះ លោកក៏ទើបត្រូវទទួលរងព្រនង់ នៃការរិះគន់យ៉ាងចាស់ដៃផងដែរ ថា លោកជាតារាចម្រៀង ភ្លេចកំណើតដើម ។ ប៉ុន្តែយ៉ាងណាមិញ ក្រោយពីលោក ខេម បានទទួលរងការរិះគន់បែបនេះ លោកក៏បានងាកមកធ្វើសកម្មភាពមនុស្សធម៌ ដោយការចែកអំណោយ ដល់ប្រជាពលរដ្ឋ ដែលរងគ្រោះដោយភ្លើយឆេះផ្ទះ នៅខេត្តកំពង់ឆ្នាំង។</span></p>
<p><span style="color: #000000;">ជាមួយការបង្ហាញ ពីសកម្មភាពមនុស្សធម៌របស់ លោក ខេម នេះដែរ មហាជនជាច្រើនបានកោតសរសើរ និងដាក់ក្តីសង្ឃឹមថា ថ្ងៃក្រោយ ខេម នឹងបន្តសកម្មភាពបែបនេះ ជាថ្មីទៀត ហើយត្រូវបញ្ឈប់នូវទង្វើឆ្មើងឆ្មៃ វាយឫក ជាមួយទស្សនិកជនអ្នកគាំទ្រ បន្តទៅទៀត៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12821537_134399783617248_8551813812590809330_n.jpg?oh=a8075bc72124e98fbd9d12cdf6293006&oe=57A472F6" alt="" width="730" /></span></p>
<p><span style="color: #000000;"><img src="http://cdn.sabay.com/cdn/news.sabay.com.kh/wp-content/uploads/2016/04/kem.jpg" alt="" width="730" /></span></p>
<p><span style="color: #000000;"><img src="http://cdn.sabay.com/cdn/news.sabay.com.kh/wp-content/uploads/2016/04/kem1.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>