<p><span style="color: #000000;"><strong>(ភ្នំពេញ)៖</strong> បន្ទាប់ពីមានការប្រកាសធ្វើគៀងគធ្វើបាតុកម្ម ប្រឆាំងចំពោះគម្រោងបាតុកម្ម របស់គណបក្សសង្រ្គោះជាតិនោះ នៅរសៀលថ្ងៃទី២៩ ខែឧសភា ឆ្នាំ២០១៦នេះ កញ្ញា ធី សុវណ្ណថា យុវតីដែលលេចធ្លោលើបណ្តាញសង្គម Facebook នោះ បានចុះសំណេះសំណាលជាមួយប្រជាពលរដ្ឋ ជាង៧០០នាក់ នៅក្រុងសួង ខេត្តត្បូងឃ្មុំ។</span></p>
<p><span style="color: #000000;">កញ្ញា ធី សុវណ្ណថា បានអះអាងប្រាប់ Fresh News ឱ្យដឹងថា សកម្មភាពរបស់នាង ចុះទៅខេត្តត្បូងឃ្មុំលើកនេះ គ្រាន់តែជួបសួរសុខទុក្ខប្រជាពលរដ្ឋ យុវជន និងអ្នកគាំទ្រនាងប៉ុណ្ណោះ ខណៈដែលសកម្មភាពនេះ ត្រូវបានធ្វើឡើងស្របពេលដែលនាង និងលោក ស្រី ចំរើន ប្រកាសអំពីគម្រោងយុទ្ធនាការ ប្រមូលស្នាមមេដៃពីប្រជាពលរដ្ឋ ១លាននាក់ ដើម្បីទម្លាក់លោក កឹម សុខា ចេញពីមេដឹកនាំគណបក្សនយោបាយ។</span></p>
<p><span style="color: #000000;">កាលពីថ្ងៃទី២៧ ខែឧសភា ឆ្នាំ២០១៦ កញ្ញា ធី សុវណ្ណថា បានប្រកាសថា នឹងធ្វើបាតុកម្មតបតនឹង គណបក្សសង្រ្គោះជាតិ ដែលបានព្រមានថា នឹងមានបាតុកម្មទ្រង់ទ្រាយធំមួយ បើសិនជាមានការចាប់ខ្លួន លោក កឹម សុខា ប្រធានស្តីទី គណបក្សសង្រ្គោះជាតិនោះ។ បាតុកម្មរបស់កញ្ញា ធី សុវណ្ណថា ត្រូវបាននាងអះអាងថា ធ្វើឡើងដើម្បីការពារចំណាត់ការរបស់តុលាការ ចំពោះលោក កឹម សុខា ដែលមិនព្រមចូលខ្លួនឆ្លើយបំភ្លឺ តាមការកោះហៅ របស់តំណាងអយ្យការ៕</span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13325656_1608552766125755_5780233735435071299_n.jpg?oh=5d3f7227ff7941cb77f8114a868813a6&oe=57D336B6" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13327594_1608552776125754_3303622118584673567_n.jpg?oh=22ab63e73efdc5785c8735ee0bdea1c5&oe=57E3136A" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13267927_1608552772792421_4478279341585888481_n.jpg?oh=30978ce3bfa969a7f6f7f358c5e6602e&oe=57C9B208" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>