<p><span style="color: #000000;"><strong>(ភ្នំពេញ)៖</strong> យោងតាមសេចក្ដីប្រកាសរបស់ក្លឹបភ្នំពេញក្រោន បានឲ្យដឹងថា គ្រូបង្វឹកជនជាតិអេស្ប៉ាញលោក Oriol Mohedano បានសម្រេចចាកចេញពីក្លឹបជើងឯកលីគកំពូលកម្ពុជា ៦សម័យកាលនេះហើយ បន្ទាប់ពីក្លឹបបានសម្រេចផ្ទេរតំណែងគ្រូបង្វឹកទៅឲ្យគ្រូបង្វឹកជនជាតិស្វីសលោក Sam Schweingruber វិញកាលពីពេលថ្មីៗកន្លងទៅ ។</span></p>
<p><span style="color: #000000;">នៅលើ Facebook ផ្លូវការរបស់ក្លឹបភ្នំពេញក្រោន បានឲ្យដឹងនៅព្រឹកថ្ងៃទី២០ ខែមេសានេះថា «ក្លឹបភ្នំពេញក្រោន សូមអរគុណដល់លោកគ្រូ Oriol Mohedano ចំពោះការខិតខំណែនាំ និងបង្វឹកកីឡាករតាំងពីបានចូលរួមជាមួយក្លឹបពីដើមខែមករាកន្លងទៅ ។ លោក Oriol បានសម្រេចចិត្តចាកចេញដោយមានការព្រមព្រៀងគ្នានៅថ្ងៃនេះបានបំពេញភារកិច្ចយ៉ាងល្អក្នុងការដឹកនាំក្លឹបភ្នំពេញក្រោនក្នុងអំឡុងពេលដែលគ្រូបង្គោលក្លឹប Sam Schweingruber ជួបគ្រោះថ្នាក់ចរាចរណ៍ ។ លោកគ្រូបាននាំយកគំនិតថ្មីៗជាច្រើនក្នុងការហ្វឹក់ហាត់ជាមួយនឹងបទពិសោធន៍របស់លោកនៅទ្វីបអឺរ៉ុបផងដែរ» ។</span></p>
<p><span style="color: #000000;">គួរបញ្ជាក់ថា សម្រាប់ដើរតួជាគ្រូបង្វឹកបណ្ដោះអាសន្នជំនួសតំណែងលោក Sam ដែលគ្រោះថ្នាក់ចរាចរណ៍នោះ លោក Oriol បានដឹកនាំភ្នំពេញក្រោន ប្រកួតលីគកំពូលកម្ពុជាចំនួន ៤ប្រកួត ក្នុងនោះធ្លាប់ឈ្នះ ១ប្រកួត ចាញ់ ១ប្រកួត និងស្មើ ២ប្រកួត ខណៈការវិលត្រឡប់មកកាន់តំណែងជាគ្រូបង្វឹក របស់លោក Sam ចំនួន ២ប្រកួត គឺឈ្នះរហូត ក្នុងនោះរួមមានឈ្នះក្រុមខ្លាំងក្រសួងការពារជាតិម្ដង និងឈ្នះក្រុមវេស្ទើន ក្នុងពាន Hun Sen Cup ម្ដង ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xla1/v/t1.0-9/13051688_1720133768226141_8477915438462343393_n.jpg?oh=d9871b484a5829cbe776918b4cbd11a0&oe=57A7210F&__gda__=1467739329_4d217caa8bb0ece4d9e7b889247bf495" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12994486_1720133758226142_6334752942864493653_n.jpg?oh=f42cc86ad7bef436f66029bf151e88b2&oe=57B50E1A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>