<p><span style="color: #000000;"><strong>(អាមេរិក)៖</strong> នាង Khloe Kardashian ដែលជាប្អូនស្រី របស់តារាចម្រៀង និងជាតារាទូរទស្សន៍ដ៏ល្បី របស់អាមេរិក Kim Kardashian ចេញមុខអះអាងថា ពេលនេះសមា ជិកក្រុមគ្រួសារនាង តែងតែទៅណាមកណា មានអង្គរក្សអមជានិច្ច តាំងតែពីកើតហេតុការណ៍ប្លន់បងស្រីនាង មកធ្វើឲ្យក្រុមគ្រួសារ មិនមានអារម្មណ៍ ថា មានសុវត្ថិភាពឡើយ។ </span></p>
<p><span style="color: #000000;">អ្វីដែលគួរឲ្យភ្ញាក់ផ្អើល គឺបុរសៗដែលជាអង្គរក្ស របស់នាងមានរហូតដល់ ទៅ១១នាក់ឯណោះ ធ្វើឲ្យមជ្ឈដ្ឋាននានា លើកឡើង ថា ពិតជាពិបាកហើយសម្រាប់ អ្នកគាំទ្រ Khloe Kardashian ព្រោះពួកគេ នឹងមិនអាចទៅក្បែរតារាស្រីរូបនេះ ដើម្បីថតសែលហ្វីឡើយ។</span></p>
<p><span style="color: #000000;">ការដាក់អង្គរក្សតាមខ្លួន២៤ម៉ោង សម្រាប់ក្រុមគ្រួសារ Kardashian ធ្វើឲ្យមនុស្សមួយចំនួន យល់ថា វាជារឿងខ្លាច និងបារម្ភជ្រុលពេក ប៉ុន្តែរឿងនេះត្រូវបាន Khloe Kardashian និយាយថា វាមិនមែនជារឿងកំប្លែងទេ ដរាបណាគេមិនទាន់ជួបហេតុ ការណ៍ដូចដែលបងស្រីនាង ជួបផ្ទាល់ហើយដើម្បីធានាសុវត្ថិភាព គ្រប់គ្រាន់ និងធ្វើឲ្យសមាជិកគ្រួសារមានសេចក្តីសុខ ច្រើនឡើងតម្រូវឲ្យ ធ្វើបែបនេះ។</span></p>
<p><span style="color: #000000;">មុនពេលដែលកើតហេតុការណ៍ប្លន់ ចំពោះបងស្រីនាង Khloe Kardashian ទៅណាមកណាមានត្រឹមតែ អង្គរក្សម្នាក់ប៉ុណ្ណោះឬ ជួនកាលទៅណាតែឯងទៀតផង ប៉ុន្តែក្រោយកើតរឿងមក ធ្វើឲ្យក្រុមគ្រួសារ នាងចេះតែកើតភាពខ្លាចរអា នឹងធ្វើដំណើរទៅណាមកណា តែឯងទៀតហើយ។ កាលពីថ្ងៃទី១៩ តុលា កន្លងទៅនេះ គឺជាថ្ងៃកំណើតរបស់ Kim Kardashian ចូលវ័យ៣៦ឆ្នាំ តែក៏មិនត្រូវបានប្រារព្ធឡើងដែរ ហើយបន្ទាប់ពី ជួបទង្វើអាក្រក់ ពីក្រុមចោរប្លន់មកធ្វើឲ្យ តារាស្រីហូលីវូតរូបនេះ មិនទាន់ទទួលថតរឿងថ្មីតាមការស្នើ របស់ក្រុមហ៊ុនខ្លះនៅឡើយទេ៕</span></p>
<p><span style="color: #000000;"><img src="https://pmchollywoodlife.files.wordpress.com/2016/10/khloe-kardashian-team-of-bodyguards-spl-lead.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kim-kardashian-north-west-resurface-ffn-2.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kim-kardashian-kanye-west-attack-shaken-first-pics-spl-2.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kim-kardashian-kanye-west-attack-shaken-first-pics-spl-ftr.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kris-jenner-corey-gamble-attack-shaken-first-pics-spl-2.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kim-kardashian-kanye-west-attack-shaken-first-pics-spl-3.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/10/kim-kardashian-paris-attack-scene-1.jpg?w=600" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>