<p><span style="color: #000000;"><strong>(ញូវយ៉ក)៖</strong> កីឡាករជើងខ្លាំងហែលទឹក Ryan Lochte និងជាម្ចាស់មេដាយកីឡាអូឡាំពិក ១២សម័យកាលរបស់អាមេរិកផងដែរនោះ នឹងត្រូវបានព្យួរការប្រកួតរយៈពេល ១០ខែ ពីបទការបង្កអសន្តិសុខ និងភូតកុហកករណីចោរប្លន់ នៅអំឡុង Rio Olympic Games 2016 នៅប្រទេសប្រេស៊ីល។</span></p>
<p><span style="color: #000000;">តាមរយៈសារព័ត៌មាន CNN បានចេញផ្សាយនៅថ្ងៃទី០៨ ខែកញ្ញា ឆ្នាំ២០១៦ នេះដោយបានដកស្រង់សេចក្តីប្រកាស របស់គណៈកម្មាធិការអូឡាំពិកអាមេរិក (USOC) និងសហព័ន្ធកីឡាហែលទឹកអាមេរិក រួមជាមួយគណៈគ្រប់គ្រងកីឡា ជាតិអាមេរិកជាច្រើនរូបទៀត កំពុងជួបប្រជុំគ្នានៅថ្ងៃព្រហស្បតិ៍ ទី០៨ កញ្ញានេះ ដើម្បីដាក់ទណ្ឌកម្មកីឡាករវ័យ៣២ឆ្នាំ Ryan Lochte។</span></p>
<p><span style="color: #000000;">ករណីនេះដែរ Lochte អាចនឹងត្រូវព្យួរការប្រកួតរយៈពេល ១០ខែឡើងទៅទៀតផង នោះមានន័យថា Lochte នឹងត្រូវ អវត្តមានពីការចូលរួមប្រកួតជើងឯកកីឡាហែលទឹកពិភពលោក ឆ្នាំ២០១៧ ដ៏ខ្លីខាងមុខ។</span></p>
<p><span style="color: #000000;">ដូចគ្នានោះដែរ ក្រុមមន្រ្តីអាជ្ញាធរប្រេស៊ីល ក៏បានធ្វើការពិន័យ Lochte ជាទឹកប្រាក់ ១០៨០០ដុល្លាររួចរាល់ដែរ ព្រម ទាំងប្តឹងឲ្យជាប់ពន្ធនាគាររយៈពេល ៦ខែទៀតផង ខណៈដែលមិត្តរួមជាតិរបស់គេ៣រូបផ្សេងទៀត មិនត្រូវបានធ្វើការ ពិន័យអ្វីឡើយ បើទោះបីជាស្ថិតក្នុងហេតុការណ៍នោះជាមួយគ្នាក៏ដោយ។</span></p>
<p><span style="color: #000000;">សូមរំលឹកផងដែរថា អត្តពលិកអាមេរិកទាំង ៤រូបរួមមាន Ryan Lochte, Gunnar Bentz, Jack Conger និង James Feigen បានធ្វើឲ្យខូចខាតរបស់របរបន្តិចបន្ទួចមានតម្លៃត្រឹមតែ ៥០ដុល្លារប៉ុណ្ណោះនៅស្ថានីយ៍ចាក់សាំងមួយកន្លែង ស្ថិតក្នុងទីក្រុង Rio ពេលពួកគេត្រឡប់មកពីប្រកួតកីឡាអូឡាំពិក រដូវក្តៅ ឆ្នាំ២០១៦ តាមតាក់ស៊ីឆ្ពោះទៅកាន់កន្លែង ស្នាក់វិញ តែពួកគេបានបំប៉ោងព័ត៌មានថា មានចោរប្រដាប់ដោយអាវុធប្លន់ពួកគេទៅវិញ នេះបើយោងតាមការឆែក កាមេរ៉ាសុវត្ថិភាព និងលោក Christine Brennan៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/v/t1.0-9/14233269_1774517962787721_3428155348519887033_n.jpg?oh=6e0a7d9c383ba2612c284f8b9540f597&oe=58451AE9&__gda__=1484926083_af2834bb87e1b877cd03def1cc1480e5" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14231398_1774517966121054_1862228633057688646_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/t31.0-8/14231935_1774517969454387_6189031744371223693_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xlf1/v/t1.0-9/14225529_1774517996121051_6006969315521806455_n.jpg?oh=a0e91af7e91b3fbd1af8a0b84c149419&oe=5842DDA4&__gda__=1480859967_d99e11a918f409064ed50d9862d1534a" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>