<p><span style="color: #000000;"><strong>(ហុងកុង)៖</strong> នាយកប្រតិបត្តិតំបន់រដ្ឋបាលពិសេសទីក្រុងហុងកុង លោក Leung Chun-ying បានអះអាងនៅថ្ងៃពុធនេះថា ទីក្រុងហុងកុង នឹងមិនអាចក្លាយជារដ្ឋឯករាជ្យ ឬក៏ផ្ដាច់ខ្លួនចេញពីចិនជាដាច់ខាត ខណៈក្រុមសកម្មជនជាច្រើនកំពុងទាមទារឱ្យទីក្រុងមួយនេះ ក្លាយជារដ្ឋឯករាជ្យពីរដ្ឋាភិបាលទីក្រុងប៉េកាំង។ នេះបើតាមការចេញផ្សាយដោយសារព័ត៌មាន Channel News Asia នៅរសៀលថ្ងៃពុធ ទី១៨ ខែមករា ឆ្នាំ២០១៧។</span></p>
<p><span style="color: #000000;">ថ្លែងនៅចំពោះមុខក្រុមអ្នកច្បាប់ក្នុងទីក្រុងហុងកុង លោក Leung បានលើកឡើងដូច្នេះថា<strong> «នៅទីនេះ (ទីក្រុងហុងកុង) នឹងមិនអាចក្លាយជារដ្ឋឯករាជ្យ ឬក៏ផ្ដាច់ខ្លួនចេញពីចិនជាដាច់ខាត ទោះបីជាការផ្ដាច់ខ្លួននោះត្រូវធ្វើឡើងក្រោមទម្រង់បែបណាក៏ដោយ»</strong>។</span></p>
<p><span style="color: #000000;">គួរបញ្ជាក់ថា ការអះអាងបែបនេះរបស់លោក Leung Chun-ying ធ្វើឡើងនៅមុនពេលលោកត្រូវលាលែងពីមុខតំណែង បន្ទាប់ពីបានដឹកនាំទីក្រុងហុងកុងអស់រយៈពេលជាង០៥ឆ្នាំមកនេះ។ ទីក្រុងហុងកុង ត្រូវបានអង់គ្លេសប្រគល់ឱ្យចិន នៅឆ្នាំ១៩៩៧ តាមរយៈការអនុវត្តន៍គោលនយោបាយ «ប្រទេសតែមួយប្រព័ន្ធដឹកនាំពីរ» ដែលបានផ្ដល់ស្វ័យភាពយ៉ាងខ្លាំង ដល់អតីតដែនដីអាណានិគមអង់គ្លេសមួយនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/18/23a-18-01-2017--13-35-26.jpg"><img src="/FileManager/Articles/mce/2017/1/18/23a-18-01-2017--13-35-26.jpg" alt="" /></a><br /><br /></span></p>
<p style="text-align: right;"><br /><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>