<div>
<p><span style="color: #000000;"><strong>(បរទេស)៖</strong> តារាចម្រៀងស្រីដ៏ស្រស់សោភាម្នាក់ ប្រចាំកូរ៉េខាងត្បូង គឺនាង Ock Joo Hyun ដែលស្ថិតក្នុងក្រុមនារី Fin.K.L បានធ្វើឲ្យទស្សនិកជន ស្រែកហ៊ោសម្លឹងមើលស្ទើរមិនដាក់ភ្នែក ខណៈដែលពួកគេបានឃើញនាង ចាប់បីបុរសជាពិធីករស្រស់សង្ហា Yoo Hee Yeol ប្រៀបបាននឹងបីទារកម្នាក់។</span></p>
<p><span style="color: #000000;">ហេតុការណ៍ដ៏គួរឲ្យភ្ញាក់ផ្អើលនេះ បានកើតឡើងនៅឯវេទិកាប្រគំតន្រ្តីមួយ ដែលបានប្រារព្ធឡើងកាលពីថ្ងៃទី ៨ ខែមករា កន្លងទៅនេះ នៅពេលនោះនាង Ock Joo Hyun និយាយថា នាងអាចលើកមនុស្ស ឬរបស់ដែលមានទំងន់ 176 pounds ឬ 80kg បានយ៉ាងងាយ ប៉ុន្តែពិធីករប្រុសរូបនេះ មិនជឿឡើយទើប Ock Joo Hyun សម្រេចចិត្តលើកបី Yoo Hee Yeol ដែលមានទំងន់ត្រឹមតែ 57kg ប៉ុណ្ណោះ នៅចំពោះមុខទស្សនិកជនរាប់ពាន់នាក់ លើឆាកតែម្តង។</span></p>
<p><span style="color: #000000;">ពិធីករប្រុសវ័យក្មេងបានផ្ទុះសំណើច ដោយគាត់មិនដឹងថា និយាយបែបណាទេ ពេលដែលតារាស្រីរូបនេះ ពិតជាហ៊ានលើកបីគាត់មែន រីឯនាង Ock Joo Hyun វិញនិយាយថា នេះជាលើក ទី១ហើយដែលនាងលើកបីបុរសម្នាក់៕</span></p>
<p style="text-align: center;"><span style="color: #000000;"><img src="http://www.allkpop.com/upload/2016/01/af_org/Ock-Joo-Hyun-yoo-hee-yeol_1452323760_af_org.jpg" alt="" width="730" /></span></p>
<p style="text-align: center;"><span style="color: #000000;"><img src="http://www.allkpop.com/upload/2016/01/content/yoo-hee-yeol_1452323764_20160109_yooheeyeol.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>