<p><strong>ព័ត៌មានអន្តរជាតិ ៖</strong> យន្តហោះយោធា ចម្បាំងមួយគ្រឿង ត្រូវបានរាយការណ៍ អោយដឹងថា បានធ្លាក់ នៅឯរដ្ឋ Virginia សហរដ្ឋអាមេរិក ក៏ប៉ុន្តែ ជោគវាសនា បុរសជាអ្នកបើកបរ (ពីលុត) មិនដឹងទៅជាយ៉ាង ណានោះទេ នេះបើតាមការអោយដឹងពីមន្រ្តី យោធា សហរដ្ឋអាមេរិក ។</p>
<p><a class="thickbox" title="" href="/FileManager/Commons/2014/8/28/01-28-08-2014--09-08-37.jpg"><img src="/FileManager/Articles/mce/2014/8/28/01-28-08-2014--09-08-37.jpg" alt="" /></a></p>
<p>បន្ថែមពីលើនេះ បើតាមការអោយដឹងពី ទំព័រ សារព័ត៌មានបរទេស ប៊ីប៊ីស៊ី អោយដឹងថាសាក្សីដែលបាន រស់នៅជិតកន្លែងកើតហេតុ នាក្រុង Deerfield បញ្ជាក់អោយដឹងថា ពួកគេពិតជារន្ធត់ហួស ខណៈមានវិ នាទីមួយនោះ ពួកគេបានលាន់ឭសម្លេងផ្ទុះ លាន់សន្ធឹក អមជាមួយនឹងផ្សែងខ្មួរខ្មាញ់ យ៉ាងក្រាស់ចូល ទៅក្នុងលំហអាកាស ។</p>
<p>សេចក្តីរាយការណ៍ បន្តអោយដឹងថា មន្រ្តីបានបាត់ការទាក់ទង ជាមួយនឹងយន្តហោះ <strong> F-15</strong> របស់កង កម្លាំងការពារជាតិ Massachusetts (Massachusetts Air National Guard F-15) ក្នុងរយៈ ពេលខ្លី មុននឹងមានការធ្លាក់ចុះ និងផ្ទុះឆេះ ។ គ្មាននរណាម្នាក់នៅលើដី ទទួល រង របួសនោះទេ ខណៈក្រុមការងារ ជួយសង្គ្រោះ ត្រូវបានសមត្ថកិច្ច ដាក់ពង្រាយនៅឯកន្លែងកើតហេតុ ។</p>
<p><a class="thickbox" title="" href="/FileManager/Commons/2014/8/28/77199530usvirginiadeerfield464270814-28-08-2014--09-08-48.jpg"><img src="/FileManager/Articles/mce/2014/8/28/77199530usvirginiadeerfield464270814-28-08-2014--09-08-48.jpg" alt="" width="496" height="278" /></a></p>
<p>លោក Matthew Mutti អ្នកនាំពាក្យអោយកម្លាំងការពារដែនអាកាសជាតិ Massachusetts បាន ផ្តល់ ជា កិច្ចសម្ភាសន៍អោយដឹងថា យន្តហោះចម្បាំង ផ្ទុកមនុស្សបានតែម្នាក់មួយគ្រឿងនេះបានធ្លាក់និងផ្ទុះឆេះ អំឡុងពេលដែល ហាត់សម ក៏ដូចជា ហ្វឹកហ្វើន ក្នុងនោះ ពុំមានសព្វាវុធ នៅលើយន្តហោះនោះទេ ។</p>
<p>ដោយឡែក បើនិយាយពីទីតាំងដែលជាកន្លែងកើតហេតុ និង ផ្ទុះឆេះនោះវិញ គឺនៅឯតំបន់ជនបទ ជិត Deerfield ( George Washington ) និងជិតព្រៃ Jefferson National Forests ។ គួររំឭកថា កងកម្លាំង សហរដ្ឋអាមេរិក ថ្មីៗនេះ បានមានសម្បទា យន្តហោះចម្បាំង F-15 ដល់ទៅ ២៤៩ គ្រឿង ឆ្លើយតបទៅ នឹងតម្រូវការប្រតិបត្តិការ ក៏ដូចជាការដាក់ពង្រាយ នៅក្នុង ប្រទេស អ៊ីរ៉ាក់ និង អាហ្វហ្គានីស្ថាន ។ យន្ត ហោះចម្បាំងដែលបានធ្លាក់ និងផ្ទុះឆេះនោះ ជាប្រភេទយន្តហោះចម្បាំង F-15C មានតម្លៃដល់ទៅ ៣០ លានដុល្លារ ៕</p>
<p><object width="498" height="427" data="http://www.youtube.com/v/HxP64S4DHdQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/HxP64S4DHdQ&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>