<div class="article-content">
<p><strong>ភ្នំពេញ ៖</strong> រាជរដ្ឋាភិបាលកម្ពុជា បានសម្រេចប្រកាស ឱ្យប្រើប្រាស់ក្រដាសប្រាក់ប្រភេទ<br /> ២០០០ រៀលថ្មីហើយ ដោយការប្រកាសនេះ ធ្វើឡើងដើម្បីអបអរសាទរ ឱកាសបុណ្យ<br />ឯករាជ្យជាតិខួបទី ៦០ ឆ្នាំ។</p>
<p>យោងតាមអនុក្រឹត្យ ស្តីពីការចេញផ្សាយធនប័ត្រ អនុស្សាវរីយ៍ប្រភេទ ២០០០រៀល ដែល<br />រាជ រដ្ឋាភិបាល បានប្រកាសជាផ្លូវការ នៅថ្ងៃទី៨ ខែវិច្ឆិកា ឆ្នាំ២០១៣ ដោយសម្ដេចតេជោ<br /> ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចដូចតទៅ ៖ អនុញ្ញាតឱ្យ<br />ចេញផ្សាយ ធ្វើ ចរាចរ និងប្រើប្រាស់ ក្នុងទូទាំងព្រះរាជាណាចក្រកម្ពុជា នូវធនប័ត្រ អនុ<br />ស្សាវរីយ៍ប្រភេទ ២០០០ រៀល ទន្ទឹមនឹងបណ្ដាប្រភេទក្រដាសប្រាក់ ដែលត្រូវ បានចេញ<br />ផ្សាយរួចហើយ ។</p>
<p>អនុក្រឹត្យដដែលបន្តថា ធនាគារជាតិនៃកម្ពុជា មានភារកិច្ច ចេញសេចក្តីប្រកាស ដើម្បីផ្សព្វ<br />ផ្សាយ ពីលក្ខណៈសម្គាល់ នៃធនប័ត្រអនុស្សាវរីយ៍ ប្រភេទ ២០០០រៀលនេះ ។</p>
<p>រដ្ឋមន្ត្រីទទួលបន្ទុក ទីស្តីការគណៈរដ្ឋមន្ត្រី អគ្គទេសាភិបាល ធនាគារជាតិ នៃកម្ពុជា រដ្ឋមន្ត្រី<br /> រដ្ឋលេខាធិការ គ្រប់ក្រសួង ស្ថាប័ន និងអភិបាលរាជធានី-ខេត្ត ត្រូវទទួលបន្ទុកអនុវត្តន៍ អនុ<br />ក្រឹត្យនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខានេះតទៅ ។</p>
<p>ក្នុងថ្ងៃជាមួយគ្នានេះដែរ ធនាគារជាតិនៃកម្ពុជា ក៏បានចេញសេចក្តីប្រកាស អំពីការចរាចរ<br />ក្រដាស ប្រាក់ ២០០០រៀលថ្មី ដោយបញ្ជាក់ពីលក្ខណៈ របស់ក្រដាសប្រាក់ ២០០០រៀល<br />នេះផងដែរ ។</p>
<p>គួរបញ្ជាក់ថា នេះជាលើកទី៣ហើយ ដែលរាជរដ្ឋាភិបាលកម្ពុជា បានដាក់ឲ្យចរាចរនូវក្រដាស<br />ប្រាក់ ប្រភេទថ្មី ដោយមានស្នាមព្រះហស្ត ព្រះបរមរតនកោដ្ឋ សម្តេចព្រះនរោត្តម សីហនុ ។<br /> ដោយលើក ទី១ គឺក្រដាសប្រាក់ ១០០០រៀលថ្មី និងលើកទី២ ក្រដាសប្រាក់ ១០ម៉ឺនរៀល <br />និងលើកទី៣ ២០០០ រៀលនេះតែម្តង ។</p>
<p>ខាងក្រោមនេះ គឺជាលក្ខណៈសម្គាល់មួយចំនួន របស់ក្រដាសប្រាក់ ២០០០រៀលថ្មី ៖</p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0054.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0055.jpg" alt="" width="500" /><br /><br /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>