<p><span style="color: #000000;"><strong>ភ្នំពេញ៖</strong> តារាសម្តែងជើងចាស់ ដែលប្រឡូកសិល្បៈ ប្រមាណជាង១០ឆ្នាំ អ្នកនាង ចន ច័ន្ទលក្ខិណា បានចេញមុខបញ្ចេញប្រតិកម្មចំៗ ទៅលើអ្នក គាំទ្រមួយចំនួន ដែលមានការស្រឡាញ់ និងតែងតែលើកសរសើរ តារាថៃងើបមុខមិនរួច បើទោះជាតារាថៃ ធ្វើអ្វីក៏ល្អ និងគាំទ្ររហូត ។ តែដោយឡែក តារាខ្មែរវិញ ធ្វើអ្វីក៏ខុសដែរ ។</span></p>
<p><span style="color: #000000;">នៅពេលថ្មីៗនេះ តារាស្រីដែលធ្លាក់ខ្លួន ជាស្រីមេម៉ាយ កញ្ញា ចន ច័ន្ទលក្ខិណា បានសរសេរសារមួយ បង្ហោះនៅលើបណ្តាញ ទំនាក់ទំនង សង្គមផ្ទាល់ខ្លួនរបស់នាង ដោយអមជាមួយរូបថត២សន្លឹក របស់តារាថៃ ដែលបង្ហាញភាពសិចស៊ី ស្ទើរតែអាក្រាតកាយ ថា "បើតួខ្មែរថតបែបនេះ ច្បាស់ជាត្រូវគេជេរគ្រប់មាត់ តែនេះតួថៃត្រូវបានខ្មែរ គាំទ្រសសើរ និងលើកទូល ដូចទេព្យអប្សរ និយាយបែបនេះថា ខ្ញុំច្រណែនគេទៀតហើយ…"។</span></p>
<p><span style="color: #000000;">តារាបង្ហាញម៉ូដ និងជាតារាសម្តែង ចន ច័ន្ទលក្ខណា បាននិយាយបែបបញ្ចើចបញ្ចើរ ទៀតថា “បើសិនជាតួខ្មែរវិញ អត់ស្អាតដូចថៃទេ សូមអញ្ជើញ បន្តការគាំទ្រទៀតចុះ សូម្បីតែគេដូរសង្សារ ដូចដូរខោអាវក៏គេនៅតែល្អ បើតួខ្មែរវិញច្បាស់ជាដៀលថា គ្នាស្រីរកស៊ីផ្លូវភេទ ឱខ្មែរអើយខ្មែរ…” ។</span><br /><span style="color: #000000;">តាមរយៈការបង្ហាញសារបែបនេះ បានសរបញ្ជាក់ឲ្យឃើញ ពីអារម្មណ៍តូចចិត្តរបស់នាង រួមជាមួយអ្នកសិល្បៈដទៃ ដែលខំប្រឹងប្រែងសម្តែង និងធ្វើគ្រប់យ៉ាង ដើម្បីបម្រើអារម្មណ៍ ទស្សនិកជន តែបែរជាទទួលបានតែរិះគន់ ជាន់ពន្លិច គ្រប់ពេល ធ្វើអ្វីក៏ខុស រងតែការរិះគន់ ។ តែដោយឡែកតារាបរទេស ឬតារាថៃវិញ គឺទទួលបានតែការកោតសរសើរ មិនដាច់ បើទោះជាគេ មិនដែលធ្វើអ្វីឲ្យអ្នកគាំទ្រ នៅស្រុកខ្មែរក៏ដោយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/17/70-17-02-2015--13-28-03.jpg"><img src="/FileManager/Articles/mce/2015/2/17/70-17-02-2015--13-28-03.jpg" alt="" /></a></span></p>
<p><a class="thickbox" title="" href="/FileManager/Commons/2015/2/17/71-17-02-2015--13-28-11.jpg"><img src="/FileManager/Articles/mce/2015/2/17/71-17-02-2015--13-28-11.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/17/70-17-02-2015--13-28-03.jpg"></a></span></p>
<p><a class="thickbox" title="" href="/FileManager/Commons/2015/2/17/72-17-02-2015--13-28-19.jpg"><img src="/FileManager/Articles/mce/2015/2/17/72-17-02-2015--13-28-19.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>