<p><span style="color: #000000;"><strong>(ភ្នំពេញ)៖</strong> ឧកញ៉ាទ្រី ភាព ទីប្រឹក្សាផ្ទាល់សម្តេចអគ្គមហាសេនាបតី តេជោ ហ៊ុនសែន និងជាអគ្គនាយកក្រុមហ៊ុនទ្រី ភាព គ្រុប ត្រូវបានគណៈកម្មាធិការវាយតម្លៃផ្តល់សញ្ញាប័ត្របណ្ឌិត កិត្តិយស នៃសកលវិទ្យាល័យ IIC នៃបច្ចេកវិទ្យា នារសៀលថ្ងៃទី១៥ ខែ កុម្ភៈ បានបង្កើតក្រុមប្រឹក្សាវាយតម្លៃផ្តល់សញ្ញាប័ត្រកិត្តិយសជូន ដោយមានការចូលរួមពីសាស្ត្រាចារ្យបណ្ឌិតល្បីៗ ជាច្រើនរូបរួមទាំង តំណាងក្រសួងអប់រំយុវជន និងកីឡាចូលរួមផងដែរ ។</span></p>
<p><span style="color: #000000;">គួរបញ្ជាក់ថា មុនពេលដែលគណៈកម្មាធិការ កម្មវិធីប្រជុំវាយតម្លៃផ្តល់ជូណសញ្ញាប័ត្របណ្ឌិតកិត្តិយសជូន ឧកញ៉ាទ្រី ភាព គឺ ឧកញ៉ាទ្រី ភាព បានខិតខំស្រាវជ្រាវចងក្រងឡើងនូវសៀវភៅ ២ក្បាល ដែលក្នុងនោះ១ក្បាលមានចំណងជើងថា<strong> «ដំណើរឆ្ពោះទៅរកភាពជោគជ័យលើវិស័យសេដ្ឋកិច្ច»</strong> និង១ក្បាលទៀត មានចំណងជើងថា <strong>«ក្រ អាច មាន»</strong> ។ ចំពោះស្នាដៃសៀវភៅទាំង២ក្បាលនេះ សាស្ត្រាចារ្យបណ្ឌិតគ្រប់រូបនៃសាកលវិទ្យាល័យ បានបង្កើតគណៈកម្មាធិការ ប្រជុំវាយតម្លៃមុនផ្តល់សញ្ញាប័ត្របណ្ឌិតកិត្តិយសជូន ឧកញ៉ាទ្រី ភាព ដែលក្នុងនោះមានលោកបណ្ឌិត ឈួន ចាន់ថន សកលវិទ្យាធិការ នៃសកលវិទ្យាល័យ IIC នៃបច្ចេកវិទ្យា ជាប្រធានគណៈកម្មាធិការវាយតម្លៃ ។</span></p>
<p><span style="color: #000000;">ក្នុងពិធីខាងលើនេះផងដែរ លោកឧកញ៉ាទ្រី ភាព មិនមានវត្តមានចូលរួមនោះទេ ដោយសារជាប់រវល់ ការងារ ទៅក្រៅប្រទេស ប៉ុន្តែក្រុមហ៊ុនទ្រី ភាព គ្រុប បានចាត់តំណាង៤រូបមកចូលរួម នៅក្នុងពិធី វាយតម្លៃបណ្ឌិតកិត្តិយសរបស់ឧកញ៉ាទ្រី ភាព ។</span></p>
<p><span style="color: #000000;">ឆ្លងតាមការប្រជុំវាយតម្លៃ ពីសំណាក់សាស្ត្រាចារ្យបណ្ឌិត ចំនួន ១៥ រូប រួចមក ក្រុមប្រឹក្សាបាន សម្រេចផ្តល់សញ្ញាប័ត្របណ្ឌិតកិត្តិយសផ្នែក សេដ្ឋកិច្ច ជូនឧកញ៉ាទ្រី ភាព ដោយសារគាត់មានជំនាញខ្លាំងផ្នែកសេដ្ឋកិច្ច ។</span></p>
<p><span style="color: #000000;">ទាក់ទឹននឹងការវាយតម្លៃផ្តល់សញ្ញាប័ត្របណ្ឌិតកិត្តិយសនេះផងដែរ បើតាមប្រវត្តិសាស្ត្រ នៃអ្នកសិក្សា ស្រាវជ្រាវបានអោយដឹងថា កាលពី ២៥០ឆ្នាំមុន សកលវិទ្យាល័យមួយចំនួនបានចាប់ផ្តើម ផ្តល់ សញ្ញាប័ត្រ ដែលគេអោយឈ្មោះថា បណ្ឌិតកិត្តិយសទៅតាមអ្នកដែលគេចង់អោយ ដើម្បីកិត្តិយស និងទទួលស្គាល់គ្នាទៅវិញទៅមក ។ បណ្ឌិតកិត្តិយស ត្រូវចេញអោយដើម្បីផ្តល់តួនាទីដល់អ្នកទទួល និងរឹតចំណងទំនាក់ទំនងរវាងសាលា និងសាធារណៈជន ដែលទទួលសញ្ញាប័ត្រនេះ ក្នុងនោះមានឥស្សរជននយោបាយ តារាសិល្បៈ អ្នកជំនួញជាដើម ដែលមានបទពិសោធន៍ ស្រាវជ្រាវ របកកំហើញ ថ្មីៗ និងទទួលបានជោគជ័យលើមុខជំនួយ ហើយបានបរិចាគចំពោះសកលវិទ្យាល័យ កិច្ចការសង្គម សាសនា ការដឹកនាំ គ្រប់គ្រងសហគមន៍ និងធ្វើពលិកម្មដើម្បីបុព្វហេតុជាតិជាដើម ។</span></p>
<p><span style="color: #000000;">យោងតាមប្រវត្តិសាស្ត្រ និងការស្រាវជ្រាវខាងលើនេះ ទើបសកលវិទ្យាល័យ IIC នៃបច្ចេកវិទ្យា បានសម្រេច បង្កើតគណៈកម្មាធិការវាយតម្លៃដើម្បីផ្តល់សញ្ញាប័ត្របណ្ឌិតកិត្តិយសជូនឧកញ៉ាទ្រី ភាព ស្របតាមអនុក្រឹត្យរបស់រាជរដ្ឋាភិបាល ស្តីពីការបណ្តុះបណ្តាលបណ្ឌិតដែលចែងយ៉ាងច្បាស់ អំពី ប្រភេទ នៃសញ្ញាប័ត្របណ្ឌិត មាន៣ប្រភេទ ៖ ទី១ សញ្ញាប័ត្របណ្ឌិតកិត្តិយសស្រាវជ្រាវ ទី២ សញ្ញាប័ត្របណ្ឌិតវិជ្ជាជីវៈ ទី៣ សញ្ញាប័ត្របណ្ឌិតកិត្តិយស ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/12742796_938384102884111_3587639899518274791_n.jpg?oh=04abb4af08232e60d1f7a0b049a40337&oe=572BBE8D" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/3811_1558592947788404_6484600568277778951_n.jpg?oh=8490aa9f388a21cfd127141aa4c9bd25&oe=5764065F" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12743537_1558592891121743_5918510951739874476_n.jpg?oh=d6f43dbf11c55257f1215fd0e061c99e&oe=576FE2F9" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12733649_1558592884455077_7244717103669449114_n.jpg?oh=101fe99cad1d5859433ca7a47509ddf5&oe=5769A76F" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/12687881_1558592887788410_1978357139282435599_n.jpg?oh=44c35d8d2193022ca24e97c54ef8c856&oe=572B7AAC" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfl1/v/t1.0-9/12743545_1558592944455071_5425659301216968764_n.jpg?oh=1bc13068c40b8ee1d7dc9ed634852880&oe=5722B323" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>