<p><span style="color: #000000;"><strong>(កូឡុំប៊ី)៖</strong> ឧបករណ៍ថតសំឡេង នៅក្នុងប្រអប់ខ្មៅទំាងពីរ នៃយន្ដហោះដឹកកីឡាករក្លឹបបាល់ទាត់ ប្រេស៊ីល Chapecoense ដែលបានធ្លាក់នាថ្ងៃអង្គារ សប្តាហ៍នេះនៅតំបន់ភ្នំក្បែរ ទីក្រុង Medellin ប្រទេសកូឡុំប៊ី ក្រុមជំនាញបានស្តាប់ឮសំឡេងពីឡុត ស្រែកថា «យន្តហោះជួបញ្ហាចរន្តអគ្គិសនី ហើយនិងអស់ប្រេងឥន្ធនៈ» ហើយក៏បង្ខំធ្វើការចុះចត នៅតំបន់ជំរាលភ្នំតែម្តង។ នេះបើតាមការចេញផ្សាយ ដោយទីភ្នាក់ងារសារព័ត៌មាន ចិនស៊ិនហួរ នៅព្រឹកថ្ងៃព្រហស្បតិ៍ ទី០១ ខែវិច្ឆិកា ឆ្នាំ២០១៦។</span></p>
<p><span style="color: #000000;">យោងតាមឧបករណ៍ថតសំឡេង នៅក្នុងប្រអប់ខ្មៅ ពីឡុតយន្ដហោះនៃជើងហោះហើរ LAMIA flight 2933 បាននិយាយថា «ខ្លួនកំពុងបញ្ជាយន្ដហោះនៅរយៈកម្ពស់ ២,៧៤៣ម៉ែត្រ ហើយបន្ទាប់មកទៀត ស្រាប់តែស្រែកឡើងថា «យន្ដហោះមានបញ្ហាអេឡិចត្រូនិច! អស់សាំងហើយ!»។ ទោះបីជាយ៉ាងនេះក្ដី ក្រុមអ្នកស៊ើបអង្កេត មិនទាន់ប្រាកដនៅឡើយទេថា បញ្ហាអស់ប្រេងឥន្ធនៈ គឺជាមូលហេតុចម្បង ព្រោះថាចំងាយពីទីតាំងយន្ដហោះធ្លាក់ និងអាកាសយានដ្ឋានស្ថិតនៅមិនឆ្ងាយពីគ្នាប៉ុន្មាននោះទេ។</span></p>
<p><span style="color: #000000;">គួរបញ្ជាក់ថា គ្រោះថ្នាក់ធ្លាក់យន្ដហោះដឹកក្រុមកីឡាក្លឹបបាល់ទាត់ប្រេស៊ីល Chapecoense បានឆក់យកជីវិតមនុស្ស ៧១នាក់នៅក្នុងចំណោមអ្នកដំណើរ ៧៧នាក់ ខណៈ០៦នាក់ ផ្សេងទៀតនៅរស់រាន្ត មានជីវិត៕</span></p>
<p><span style="color: #0000ff;"><a href="/News/Detail/37777/facts-of-the-plane-that-crash-killed-brazil-football-team" target="_blank"><span style="color: #0000ff;">*យន្តហោះដឹកក្រុមកីឡាករប្រេស៊ីល ធ្លាក់ និងផ្ទុះឆេះ ផលិតនៅប្រទេសណា និងមានតម្លៃប៉ុន្មាន?</span></a></span></p>
<p><span style="color: #0000ff;"><a href="/News/Detail/18882/video-brazil-football-team-on-board-before-plane-crash" target="_blank"><span style="color: #0000ff;">-វីដេអូ មុនសោកនាដកម្ម ធ្លាក់យន្តហោះ សម្លាប់ក្រុមកីឡាករប្រេស៊ីល អស់ជិតមួយក្រុម " ខ្លោចចិត្ត :( "</span></a></span></p>
<p><span style="color: #0000ff;"><a href="/News/Detail/42025/chapecoense-football-team-background" target="_blank"><span style="color: #0000ff;">-ប្រវត្តិសំខាន់ៗ របស់អតីតក្រុមខ្លាំង Chapecoense មុនធ្លាក់យន្តហោះនៅប្រទេសកូឡុំប៊ី</span></a></span></p>
<p><a class="thickbox" title="" href="/FileManager/Commons/2016/12/1/16d-01-12-2016--14-27-55.jpg"><img src="/FileManager/Articles/mce/2016/12/1/16d-01-12-2016--14-27-55.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>