<p><span style="color: #000000;"><strong>ភ្នំពេញ៖</strong> ចៅក្រមស៊ើបសួរ នៃសាលាដំបូងរាជធានីភ្នំពេញ កាលពីរសៀលថ្ងៃទី៦ ខែ សីហា ២០១៥នេះ បានសម្រេចឃុំខ្លួន ជនសង្ស័យលក់ដូរមនុស្ស ចំនួន៣នាក់ និង បានបញ្ជូនពួកគេ ទៅឃុំខ្លួនជាបណ្តោះអាសន្ន នៅក្នុងពន្ធនាគារព្រៃស ជាប់ទាក់ទងនឹងការចាប់បង្ខាំង ចាក់ច្រវាក់ក្មេងស្រីខ្មែរឥស្លាម អាយុ ១៣ឆ្នាំ និង បង្ខំឲ្យរួមភេទជាថ្នូរនឹងប្រាក់ ចំនួន ១០០០ដុល្លារអាម៉េរិក។</span></p>
<p><span style="color: #000000;">មន្ត្រីតុលាការបានឲ្យដឹងថា ជនត្រូវចោទទាំង៣នាក់ មានឈ្មោះ ទី១-ឈ្មោះ ជា ស្រស់ ភេទស្រី អាយុ៣២ឆ្នាំ និងទី២ -ឈ្មោះ ជា ទីណា អាយុ២៧ឆ្នាំ។ អ្នកទាំងពីរនាក់នេះ ត្រូវបានតំណាងអយ្យការ លោកមាស ច័ន្ទពិសិដ្ឋ សម្រេចចោទប្រកាន់ចំនួន២បទល្មើស គឺពីបទ«បង្ខាំង មនុស្ស ដោយខុសច្បាប់ និងអូសទាញពេស្យាចារកុមារ»។ ចំណែកឯជនត្រូវចោទទី៣ មានឈ្មោះ ឈិន ឆៃលី ភេទប្រុស អាយុ៣៦ឆ្នាំ ដែលជាចំណាយលុយ ចំនួន១០០០ដុល្លារអាម៉េរិក ដើម្បីចាប់រំលោភសេពសន្ថវៈកុមារីរងគ្រោះនោះ ត្រូវបានតំណាអយ្យការចោទប្រកាន់ ពីបទ «ទិញពេស្យាកុមារ» ។ ពួកគេត្រូវបានចាប់ខ្លួន កាលពីថ្ងៃទី៤ ខែសីហា ឆ្នាំ២០១៥។ ពួកគេអាចប្រឈម នឹងការជាប់គុក ចន្លោះពី៧ ទៅ ១៥ឆ្នាំម្នាក់ៗ ប្រសិនបើតុលាការរកឃើញថា ពួកគេពិតជាបានប្រព្រឹត្តបទល្មើស ដូចការចោទប្រកាន់មែននោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/7/8-7-2015-9-10-53-am-07-08-2015--09-16-33.png"><span style="color: #000000;"><img src="/FileManager/Articles/mce/2015/8/7/8-7-2015-9-10-53-am-07-08-2015--09-16-33.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/7/8-7-2015-9-08-41-am-07-08-2015--09-16-52.png"><span style="color: #000000;"><img src="/FileManager/Articles/mce/2015/8/7/8-7-2015-9-08-41-am-07-08-2015--09-16-52.png" alt="" /></span></a></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>
</div>
<div class="detail_bottom_function">
<div class="facebook_like"></div>
</div>