<p>ប្តីប្រពន្ឋមួយគូ តែងតែឈ្លោះប្រកែកគ្នាស្ទើររាល់ថ្ងៃ ដោយសារបុរសជាប្តី វក់នឹងការលេងអុក<br />ខ្លាំងពេក ។ ជារៀងរាល់ថ្ងៃបុរសជាប្តី មិនដែលចេញទៅធ្វើការរកស៊ីអ្វីទេ គឺគិតតែពីអង្គុយលេង<br />អុក ថ្ងៃមួយដោយប្រពន្ឋខឹងខ្លាំងពេក ក៏ទិញកូនអុកស្លអោយបុរសជាប្តីហូប ។</p>
<p><a class="thickbox" title="" href="/FileManager/Commons/2014/3/11/1-11-03-2014--11-03-05.jpg"><img src="/FileManager/Articles/mce/2014/3/11/1-11-03-2014--11-03-05.jpg" alt="" /></a><br />ពេលប្តីឈប់លេងអុក ហើយត្រលប់មកដល់ផ្ទះវិញ បើកឆ្នាំងសម្ល ក៏ឃើញប្រពន្ឋស្ងោជ្រក់កូនអុក។ប្តីឃើញដូច្នេះមិនមាត់មិនក៏អ្វីទាំងអស់ គឺដួសបាយ និងសម្លកូនអុកមកបរិភោគតាមធម្មតា ។ក្រោយ<br />ពេលបាយរួចរាល់ហើយ បុរសជាប្តីវាយប្រពន្ឋជាខ្លាំង ប្រពន្ឋទ្រាំមិនបានបានរត់ទៅផ្ទះមេភូមិអោយ<br />ជួយ រកខុសត្រូវ ។ មេភូមិបានហៅបុរសជាប្តីទៅសួរនាំ៖ <br />មេភូមិ៖ មើល ឯងនិយាយទៅមើល ម៉េចបានជាវាយប្រពន្ឋបើគ្រាន់តេប្រពន្ឋស្ងោជ្រក់ កូនអុកអោយ<br />ស៊ីប៉ុណ្ណោះ បុរសជាប្តី៖ បាទ!...លោកមេភូមិ ខ្ញុំវាយវា មិនមែនដោយសារខឹងវាស្ងោជ្រក់កូនអុក<br /> អោយខ្ញុំស៊ីទេ ...!គឺខ្ញុំវាយវា ដោយសារខឹងនឹងវា ស៊ីធំពេក គឺថាត្រី ១៦ក្បាល និងសេះ៤ ទៀតវា<br />ស្ងោជ្រក់ស៊ីតែមួយពេក ...! អញ្ចឹងបានជាគ្រួសារខ្ញុំក្រ ងើបមុខមិនរួច ..៕</p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>