<p>ក្រុមអ្នកវិទ្យាសាស្ដ្រ នៅតែឈឺក្បាលក្នុងការស្វែងរកចម្លើយ ចំពោះសំណួរដែលថា តើនៅលើ<br />លោកនេះ មានតំបន់អរូបិយណាមួយដែរ ឬអត់ ដែលត្រូវគេហៅថា ឋានសួគ៌?<br /><br />រហូតមកដល់ពេលនេះ ប្រធានបទស្ដីអំពី ឋានសួគ៌ ឬ នរក និងជីវិតក្រោយពេលស្លាប់ បានធ្វើឱ្យ មនុស្សត្រូវចំណាយពេលយ៉ាងច្រើនក្នុងការស្រាវជ្រាវ។ តើឋានសួគ៌នោះ មានដែរ ឬទេហើយវា<br />ស្រស់ស្អាតយ៉ាងណា? សូមតាមដានរឿងរ៉ាវខាងក្រោម ដើម្បីស្វែងរកចម្លើយសម្រាប់ខ្លួនឯង។</p>
<p style="text-align: center;"><a class="thickbox" title="" href="/FileManager/Commons/2013/12/3/do-heaven-and-hell-exist១-03-12-2013--15-26-32.jpg"><img src="/FileManager/Articles/mce/2013/12/3/do-heaven-and-hell-exist១-03-12-2013--15-26-32.jpg" alt="" /></a></p>
<p><br /><strong>រឿងរ៉ាវដែលសាក្សីបានអះអាង</strong></p>
<p>រឿងរ៉ាវដំបូង ស្ដីអំពីគ្រូពេទ្យផ្នែកវះកាត់ម្នាក់នៅអាមេរិក មានឈ្មោះថា Mary Neal ។ ថ្ងៃទី ១៤ <br />មករា ឆ្នាំ ១៩៩៩ Mary Neal រួមនិងស្វាមី និងមិត្តមួយចំនួន បាននាំគ្នាចែវទូកនៅក្នុងតំបន់ Los <br />Rios ប្រទេស Chile។</p>
<p>គ្រោះថ្នាក់មួយ បានកើតឡើងចំពោះ Mary Neal នៅពេលក្រុមរបស់ខ្លួន ចែវទូកនៅក្បែរជ្រោះ<br />មួយដែលមានកម្ពស់ ប្រហែល ៤ម៉ែត្រ។ ពេលនោះ Mary មានអារម្មណ៍ថា មានអ្វីមិនស្រួល។<br /> ពេលសម្លឹងទៅក្រោមជ្រោះ Mary Neal បានឃើញរណ្ដៅដ៏ជ្រៅមួយ។ ពេលនោះ ស្រាប់តែក្បាល<br />ទូករបស់គាត់បានបុកនឹងថ្ម បណ្ដាលឱ្យលិចទឹក។<br /> <br />ហេតុការណ៍បានកើតឡើងឆាប់រហ័សពេក ធ្វើឱ្យពួកគេពិបាកដោះស្រាយ។ មិត្តភ័ក្ដិរបស់ Mary<br /> Neal នាំគ្នាស្រែកហៅ ស្វែងរកនាង។ ពេលនោះ Mary Neal មានអារម្មណ៍ថា ឆ្អឹងជំនីរបស់ខ្លួនត្រូវ<br />បាក់ សរសៃខ្នង និងសាច់នៅខាងក្នុង ត្រូវដាច់រហែក។ សម្រាប់ Mary Neal ពេលនេះ បានចាត់ទុក<br />ថា ការស្លាប់បានមកដល់។</p>
<p style="text-align: center;"><a class="thickbox" title="" href="/FileManager/Commons/2013/12/3/do-heaven-and-hell-exist៤-03-12-2013--15-27-34.jpg"><img src="/FileManager/Articles/mce/2013/12/3/do-heaven-and-hell-exist៤-03-12-2013--15-27-34.jpg" alt="" /></a></p>
<p style="text-align: center;">Mary កំពុងរៀបរាប់អំពីរឿងរបស់ខ្លួន</p>
<p><br />Mary Neal ក៏នៅតែមិនអស់សង្ឃឹម។ ភ្លាមនោះស្រាប់តែ នៅចំពោះមុខនាង មានរស្មីភ្លឺចែងចាំង <br />ព្រម ទាំងមានញាតិមិត្តរបស់នាងដែលបានស្លាប់ បង្ហាញខ្លួននៅចំពោះមុខ។ ពួកគេនិយាយថា<br /> Mary Neal មិនទាន់ដល់ពេលស្លាប់នោះទេ ព្រោះនាងនៅមានការងារច្រើន មិនទាន់បានបំពេញ<br /> ក្នុងនោះក៏នាងត្រូវមើលថែកូនរបស់ខ្លួន គឺ Willie រហូតដល់កូននោះស្លាប់។</p>
<p>ប្រការអស្ចារ្យ បានកើតឡើង Mary នៅមានជីវិត បើទោះបានលិចក្នុងទឹករយៈពេល ៣០នាទី <br />មុនពេលត្រូវបានមិត្តភ័ក្ដិរកឃើញ។ ប៉ុន្មានខែក្រោយមក របូសរបស់ Mary បានជាសះស្បើយ។<br /> ចំណែកការដែល Mary បានមើលឃើញ និងស្ដាប់ឮ អ្នកដែលបានស្លាប់ប្រាប់ កាលពីជួបគ្រោះ<br />ថ្នាក់ ក៏បានកើតឡើង គឺកូនប្រុសរបស់ Mary ឈ្មោះ Willie អាយុ ១៩ឆ្នាំ បានបាត់បង់ជិវិត បន្ទាប់<br />ពីទៅលេងស្គីលើព្រិលជាមួយមិត្តភ័ក្ដិ។<br /><br />ចំណែករឿងរ៉ាវទីពីរ គឺស្ដីអំពី ស្ដ្រីម្នាក់ឈ្មោះ Anita Moorjani ។ Anita Moorjani កើតជម្ងឺមហារីក<br />ដំណាក់កាលចុងក្រោយ ដោយគ្រូពេទ្យយល់ថា មិនអាចរស់បានច្រើនជាង ៣៦ម៉ោង កាលពី<br />ថ្ងៃទី ២ កុម្ភៈ ឆ្នាំ ២០០៦។</p>
<p style="text-align: center;"><a class="thickbox" title="" href="/FileManager/Commons/2013/12/3/do-heaven-and-hell-exist៥-03-12-2013--15-28-23.jpg"><img src="/FileManager/Articles/mce/2013/12/3/do-heaven-and-hell-exist៥-03-12-2013--15-28-23.jpg" alt="" /></a></p>
<p style="text-align: center;">Anita Moorjani បានរួចពីការស្លាប់ ដោយសារជម្ងឺមហារីក</p>
<p><br />Anita Moorjani ស្ថិតក្នុងស្ថានភាពសន្លប់ ប៉ុន្ដែអាចស្ដាប់ឮ គ្រូពេទ្យនិយាយជាមួយស្វាមីខ្លួន។<br /> Anita Moorjani រៀបរាប់ថា ក្រោយមក ខ្លួនក៏ស្ថិតនៅចំកណ្ដាលនៃសេចក្ដីស្លាប់ និងរស់ ភ្លាមនោះ<br />ស្រាប់តែបានឃើញអ្នកដែលបានស្លាប់ ដូចជា ពុក មិត្តភ័ក្ដិ។ល។<br /><br />ប៉ុន្ដែ ចុងក្រោយ Anita Moorjani បានរួចពីការស្លាប់ បើទោះជាពេលនោះ ជម្ងឺមហារីករបស់ខ្លួន <br />កំពុងស្ថិតក្នុងដំណាក់កាលចុងក្រោយ។</p>
<p><br /><strong>សម្មតិកម្មវិទ្យាសាស្ដ្រប្រកបដោយចម្រូងចម្រាស</strong><br /> <br />វេជ្ជបណ្ឌិតផ្នែកវះកាត់សរសៃប្រសាទ Eben Alexander ក៏ធ្លាប់បានឆ្លងកាត់រឿងរ៉ាវស្រដៀងទៅនឹង<br />រឿងរ៉ាវរបស់អ្នកទាំងពីរខាងលើ។ Eben Alexander យល់ថា ឋានសួគ៌អាចមានពិត ព្រោះថា នៅ<br />ពេលលោកសន្លប់ គ្រូពេទ្យបានស្កេនខួរក្បាល ហើយឃើញថា វាលែងដំណើរការទាំងស្រុង។</p>
<p style="text-align: center;"><a class="thickbox" title="" href="/FileManager/Commons/2013/12/3/do-heaven-and-hell-exist៦-03-12-2013--15-29-26.jpg"><img src="/FileManager/Articles/mce/2013/12/3/do-heaven-and-hell-exist៦-03-12-2013--15-29-26.jpg" alt="" /></a></p>
<p style="text-align: center;">Eben Alexander</p>
<p><br />ផ្ទុយទៅនឹងការយល់ឃើញថា បណ្ឌិត Eben Alexander អ្នកជំនាញការជាច្រើនយល់ថា គេមិន<br />អាចយកបទពិសោធខាងលើ មកធ្វើជាភ័ស្ដុតាង ដើម្បីបញ្ជាក់ថា ឋានសួគ៌ពិតជាមាននោះទេ។ <br />មូលហេតុគឺថា បើតាម Eben Alexander នៅពេលនោះ ខួរក្បាលរបស់គាត់មិនដំណើរការ នៅ<br />ពេលកំពុងស្រមៃឃើញមនុស្សស្លាប់។ ប៉ុន្ដែ ប្រសិនខួរក្បាលឈប់ដំណើរការ ហេតុអ្វី Eben <br />Alexander អាចដឹងបាននូវអ្វីដែលបានកើតឡើងជុំវិញខ្លួន ព្រមទាំងបានចងចាំនូវរឿងរ៉ាវដើម្បី<br />យកមកនិយាយ?<br /> <br />ក្រៅពីនេះ ការដែលខួរក្បាលមិនដំណើរការ ឬខួរក្បាលថមថយកម្លាំង វាក៏អាចធ្វើឱ្យមានការ<br />រវើរវាយ ស្រមៃឃើញរឿងរ៉ាវផ្សេងៗ ឧទាហរណ៍ ដូចជា ករណីរបស់អ្នកកើតជម្ងឺ ភ្លេចភ្លាំង <br />Parkinson។ ដូច្នេះ ការស្រមើស្រមៃ គឺជាមូលហេតុដែលនាំឱ្យគេស្រមៃឃើញឋានសួគ៌ ឬនរក។<br /><br />យ៉ាងនេះក្ដី រហូតមកដល់ពេលនេះ ពុំទាន់មានភ័ស្ដុតាងផ្នែកវិទ្យាសាស្ដ្រណាមួយ បញ្ជាក់ច្បាស់<br />អំពីបញ្ហាថា តើឋានសួគ៌ មានពិត ឬយ៉ាងណា?</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/73028/how-to-control-severe-bleeding"><span style="color: #3366ff;">របួសហូរឈាមខ្លាំង ត្រូវធ្វើបែបណា ?</span></a></span></p>
<p><span style="color: #3366ff;"><a href="/News/Detail/74193/did-life-come-from-mars-are-we-the-aliens"><span style="color: #3366ff;">ជីវិតនៅលើផែនដី មានដើមកំណើតមកពី ភពព្រះអង្គារ</span></a></span></p>
<p style="text-align: left;"><span style="color: #3366ff;"><a href="/Contents/Edit/%20http:/camnews.com.kh/News/Detail/40517/how-to-rescue-a-drowning-victim"><span style="color: #3366ff;">វិធីសង្គ្រោះបន្ទាប់ ចំពោះអ្នកលង់ទឹក</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ KH<br /><br /></p>