<p><span style="color: #000000;"><strong>(ស្ទឹងត្រែង)៖ កុមា</strong>រីរងគ្រោះអភព្វម្នាក់ ត្រូវឪពុកចុងរបស់ខ្លួន ចាប់រំលោភបានសម្រេចរហូតជាង១០ដង ទើបដឹងរឿងដល់ម្តាយបង្កើត។ ក្រោយពីទទួលពាក្យបណ្តឹង កម្លាំងនគរបាលខេត្តស្ទឹងត្រែងចុះឃាត់ខ្លួនភ្លាម រួចបញ្ជូនទៅកាត់ទោសនៅតុលាការនៅព្រឹកថ្ងៃ២០ ខែធ្នូ ឆ្នាំ២០១៦នេះ។</span></p>
<p><span style="color: #000000;">មន្រ្តីនគរបាលបានឲ្យដឹងថា ការឃាត់ជនល្មោភកាមជាឪពុកចុងនោះ បានធ្វើឡើងនៅថ្ងៃ១៩ ខែធ្នូ ឆ្នាំ២០១៦ ម្សិលមិញ ស្ថិតនៅចំណុចភូមិព្រៃចាស់ សង្កាត់សាមគ្គី ក្រុងស្ទឹងត្រែង។</span></p>
<p><span style="color: #000000;">យោងតាមពាក្យបណ្តឹងរបស់ស្រ្តីឈ្មោះ គូ ប៊ូខៃ អាយុ៣៤ឆ្នាំ ជាម្តាយរបស់កុមារីរងគ្រោះ សមត្ថកិច្ចបានចុះទៅឃាត់ខ្លួនភ្លាមៗ និងបញ្ជូនទៅស្នងការដ្ឋាននគរបាលខេត្ត ដើម្បីសួរនាំតាមដំណើររឿង។</span></p>
<p><span style="color: #000000;">មន្រ្តីនគរបាលបានបន្តថា ជនសង្ស័យមានឈ្មោះ ចាយ ចៅនី រស់នៅភូមិស្តៅ១ ឃុំស្តៅ ស្រុកសេសាន ខេត្តស្ទឹងត្រែង។ ចំណែកកុមារីរងគ្រោះ មានឈ្មោះ ថសណ អាយុ១១ឆ្នាំ រស់នៅភូមិជាមួយគ្នា។</span></p>
<p><span style="color: #000000;">ក្រោយពីសមត្ថកិច្ចឃាត់ខ្លួនជនសង្ស័យ ជាឪពុកចុងរួចហើយ ជនសង្ស័យបានឆ្លើយសារភាពថា ខ្លួនពិតជាបានចាប់រំលោភកុមារីជាកូនចុងរបស់ខ្លួន ប្រាកដមែន។</span></p>
<p><span style="color: #000000;">បច្ចុប្បន្ន កម្លាំងនគរបាលកណ្តាលព្រហ្មទណ្ឌ បានកសាងសំណុំរឿងបញ្ជូនទៅកាន់តុលាការ ដើម្បីចាត់ការបន្តតាមនីតិវិធីច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-20-10-33-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-20-10-33-26-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>