<p><span style="color: #000000;">អតីតកីឡាករជម្រើសជាតិ ព័រទុយហ្គាល់ Nani មានជំនឿថា កីឡាករ Cristiano Ronaldo នៅតែជាកីឡាករល្អបំផុតលើលោក បើទោះបីជាគេ លេងឈានមិនដល់កម្រិតមធ្យម នៅក្លឹបសេះបង្កង់ Juventus ក៏ដោយចុះ។ <strong></strong></span></p>
<p><span style="color: #000000;">Ronaldo បានជួយឲ្យក្រុមរបស់ខ្លួនឈ្នះពានក្នុងក្របខណ្ឌ Serie A និង Supercoppa Italiana ក្នុងរដូវកាលដំបូងរបស់គេ ក្នុងទឹកដី អ៊ីតាលី ដោយក្នុងការបង្ហាញខ្លួនគ្រប់ការប្រកួតចំនួន ៤៣ លើក Ronaldo រកគ្រាប់បាល់បាន ២៨ លើក។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/5/cristiano-ronaldo-croppedpdf2v52a8iyc1ig00dueqy50k-05-06-2019--16-19-43.jpg"><img src="/FileManager/Articles/mce/2019/6/5/cristiano-ronaldo-croppedpdf2v52a8iyc1ig00dueqy50k-05-06-2019--16-19-43.jpg" alt="" /></a><br /></span></p>
<p><span style="color: #000000;">ទោះបីជាយ៉ាងណាក៏ដោយ នេះជាកំណត់ត្រាទាបបំផុតរបស់ម្ចាស់ពានបាល់មាស ៥ ដង (Five-Time Ballon d’Or) បើក្រឡេកមើលទៅ ឆ្នាំ ២០០៨-០៩ នៅពេលដែលគេស៊ុតបញ្ចូលទី ២៦ គ្រាប់ឱ្យក្រុមបិសាចក្រហម (Manchester United)។</span></p>
<p><span style="color: #000000;">ប៉ុន្តែ Nani លេងអោយក្រុម Orlando City ក្នុងក្របខណ្ឌ MLS របស់អាមេរិកឥឡូវនេះ ហើយនៅតែមានជំនឿថា Ronaldo នៅតែជាកីល្អបំផុតក្នុងលោក។</span></p>
<p><span style="color: #000000;">Nani បានប្រាប់អ្នកយកព័ត៌មានរបស់ Omnishort ថា៖ “វាគឺជារដូវកាលដ៏ជោគជ័យរបស់ Ronaldo ។ ខ្ញុំគិតថា Ronaldo ធ្វើបានល្អ។</span></p>
<p><span style="color: #000000;">វាមិនមែនជារឿងងាយស្រួលឡើយសម្រាប់ការប្រកួតបាល់នៅប្រទេស អ៊ីតាលី ពីព្រោះទម្រង់លេង នៅទីនោះគឺពោរពេញដោយទិចនិច និងមានខ្សែការពារច្រើនណាស់។</span></p>
<p><span style="color: #000000;">Ronaldo ស៊ុតបញ្ចូលទីបានច្រើនគ្រាប់ណាស់ ហើយនៅតែជាកីឡាករល្អបំផុតលើលោក។ ខ្ញុំគិតថាគាត់ធ្វើបានល្អ។</span></p>
<p><span style="color: #000000;">ខណៈពេលដែលសេះបង្កង់ Juventus ឈ្នះពានជាលើកទី ៨ ក្នុងក្របខណ្ឌ Serie A, ពួកគេមានអារម្មណ៍ថា វាមានរយៈពេលខ្លីណាស់សម្រាប់ធ្វើជាម្ចាស់ពានតាំងតែពីឆ្នាំ ១៩៩៦ ក្រោយពេលចាញ់ក្រោមថ្វីជើងរបស់ Ajax ក្នុងវគ្គជម្រុះ ៨ ក្រុមចុងក្រោយ៕</span></p>
<p> </p>
<p><span style="color: #000000;">ប្រែសម្រួល៖ ស៊ីថា</span></p>
<p><span style="color: #000000;">ប្រភព៖ fotmob</span></p>