<p><strong>ភ្នំពេញ៖</strong> អ្នកផលិតកម្មវិធីនៅស្ថានីយទូរទស្សន៍ CTN និងជាអ្នកគ្រប់គ្រងក្រុមកំប្លែងនាយពែកមី លោកតាវិកទ័រ និងនាយពែកមី បានចេញមុខស្របគ្នាសម្តែងការសុំទោស និងសោកស្តាយ ចំពោះកាយវិការ នៃការសម្តែងរបស់ ក្រុមខ្លួន នាំឲ្យប៉ះពាល់ដល់ជនពិការនៅកម្ពុជានោះ។</p>
<p>ការចេញមុខបកស្រាយ និងសុំទោសរបស់លោកតាវិកទ័រ និងនាយពែកមី បានធ្វើឡើងបន្ទាប់អគ្គលេខាធិការក្រុម ប្រឹក្សាសកម្មភាពជនពិការ លោក ឯម ច័ន្ទមករា ព្រមទាំងក្រុមអង្គការធ្វើការលើពិការភាពជាច្រើនទៀត បានប្រតិ កម្មទៅនឹងក្រុមកំប្លែងនាយពែកមី ដែលបានសម្តែងកាយវិការនាំឲ្យប៉ះពាល់ ដល់សេចក្តីថ្លៃថ្នូរបស់ជនពិការ។</p>
<p>ឆ្លើយតបការប្រតិកម្មខាងលើនេះ លោក សុវណ្ណ រិទ្ធី ហៅលោកតាវិកទ័រ បានថ្លែងប្រាប់មជ្ឈមណ្ឌលព័ត៌មានដើម អម្ពិលនាព្រឹកថ្ងៃទី២១ ខែមីនា ឆ្នាំ២០១៤ថា ក្នុងឈុតឆាកសម្តែងកន្លែង នាយសាក់ស៊ី ដើរតួរមួលដៃរមួលជើង ដូចជាជនពិការនោះ តាមពិតទៅដើរតួសម្តែងជាជនមានជំងឺខ្មោចចូល មិនមែនជាជនពិការឡើយ។</p>
<p>លោកតា វិកទ័រ បានថ្លែងថា «ខ្ញុំសុំធ្វើការអធ្យាស្រ័យ អភ័យទោស និងសោកស្តាយយ៉ាងខ្លាំង យើងអត់មានចេត នាសម្តែងនាំឲ្យមានការបន្ទោសបង្អាប់ដល់បងប្អូនជនពិការនោះទេ»។</p>
<p>នាយពែកមី ក៏មិនខុសពីលោកតា វិកទ័រ ដែរ លោកបានសម្តែងការសុំទោសដល់ជនពិការទាំងអស់ប្រសិន បើការ សម្តែងរបស់ក្រុមលោកប៉ះពាល់ដល់អារម្មណ៍របស់ជនពិការ គឺលោកគ្មានចេតនានោះឡើយ។</p>
<p>នាយពែកមី បានបញ្ជាក់ថា «សូមទោសទានអ្ហើយ ក្រុមកំប្លែងខ្ញុំបាទអត់មានចេតនាអី ដើម្បីមើលងាយ សើចចំអក ឲ្យជនពិការនោះទេទានអ្ហើយ»។</p>
<p>ទោះបីជាយ៉ាងណាទាំងលោកតា វិកទ័រ និងនាយពែកមី បានបញ្ជាក់ដូចគ្នាថា កន្លងមកក្រុមកំប្លែងរបស់ខ្លួនតែងតែ សម្តែងនូវការអប់រំ និងលើកកម្ពស់សិទ្ធិ និងការរស់នៅរបស់ជនពិការជាច្រើន ដូចជារឿង «មើលសមត្ថភាពជនពិ ការ ជាជាងមើលពិការភាព», «ពិការមែនតែខ្លាំង» និងរឿង «កុំរើសអើងជនពិការ»...៕</p>
<p style="text-align: center;"><object width="515" height="442" data="http://www.youtube.com/v/hw-BqNg3C48&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/hw-BqNg3C48&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2014/March/id-009/ST-095.jpg" alt="" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-007.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-008.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-009.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-010.jpg" alt="Photo by DAP-NEWS" width="550" /></p>
<p style="text-align: right;"><a href="http://www.lookingtoday.com/index.php/entertainment-general-news/28721-2014-03-21-04-13-56.html" target="_blank">ផ្តល់សិទ្ធដោយ ៖ ដើមអម្ពិល</a></p>