<p><span style="color: #000000;">ព័ត៌មានអន្តរជាតិ ៖ ព្រះរាជអាជ្ញា ប្រទេសបារាំងអោយដឹងថា ពួកគេ មានជំនឿជាក់ ថាបំណែក យន្តហោះ ដែលបានប្រទះឃើញ នៅលើដីកោះ អំឡុងខែ កក្កដា កន្លង ទៅនោះ ពិតជាបំណែក យន្តហោះ MH370 ដែលបាត់ខ្លួនទៅ ពិតប្រាកដមែន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/4/10-04-09-2015--09-08-52.jpg"><img src="/FileManager/Articles/mce/2015/9/4/10-04-09-2015--09-08-52.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់អោយដឹងថា បំណែកយន្តហោះ ដែលត្រូវបានក្រុមការងារ ប្រទះឃើញនៅ លើដីកោះ ត្រូវបានគេស្គាល់ថា ជាបំណែកស្លាបយន្តហោះឬ flaperon របស់ MH370 ក្រោយយក ទៅវិភាគនិង ស៊ើបអង្កេត ដោយក្រុមអ្នកជំនាញ អាកាសចរណ៍ អន្តរជាតិ នៅក្នុង ប្រទេស បារាំង អាជ្ញាធរ ប្រទេស បារាំង បានចេញបទអន្តរាគមន៍ តាមដាន និងរុករក បំណែកផ្សេងទៀត ដែលអាចមាន នៅជុំវិញដីកោះ Reunion ប៉ុន្តែ គ្មានតម្រុយ (បំណែកយន្តហោះ) ណាមួយផ្សេងទៀត ត្រូវបានរក ឃើញនោះឡើយ ។ </span></p>
<p><span style="color: #000000;">គួររំឮកថា យន្តហោះ ក្រុមហ៊ុនអាកាសចរណ៍ ម៉ាឡេស៊ី ជើង ហោះហើរ MH370 ផ្ទុកអ្នកដំណើរ សរុប ២៣៩ នាក់ បានបាត់ខ្លួន ចាប់តាំងពី ថ្ងៃទី ៨ មីនា ឆ្នាំ ២០១៤ រហូតមកដល់បច្ចុប្បន្នភាព អំឡុងប្រតិបត្តិការហោះដឹកអ្នកដំណើរ ពី ទីក្រុង កូឡា ឡាំពួរ ទៅកាន់ទីក្រុង ប៉េកាំង ប្រទេស ចិន ។ កាលពីពេលកន្លង ទៅនេះ រដ្ឋាភិបាល ប្រទេស ម៉ាឡេស៊ី បានធ្វើសេចក្តីប្រកាស ទទួល ស្គាល់ថាបំណែកយន្តហោះខាងលើ ពិត ជា បំណែក យន្តហោះ បាត់ខ្លួន MH370 ជាសារមួយ បញ្ជាក់ច្បាស់ថា MH370 ពិតជាបានបញ្ជប់ដំណើររបស់ខ្លួន នៅឯមហាសមុទ្រ ឥណ្ឌា ភាគខាង ត្បូង ពិតប្រាកដមែន គ្រាន់តែថា បំណែកយន្តហោះទាំងស្រុង មិនទាន់រកឃើញនៅឡើយ ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/4/13-04-09-2015--09-09-04.jpg"><img src="/FileManager/Articles/mce/2015/9/4/13-04-09-2015--09-09-04.jpg" alt="" /></a><br /></span></p>
<p><span style="color: #000000;">ក្រុមស៊ើបអង្កេត ប្រទេសបារាំង មកទល់នឹងបច្ចុប្បន្នភាព កំពុងតែបន្ត សកម្មភាពយ៉ាងយកចិត្ត ទុកដាក់ និងប្រុងប្រយ័ត្នជាទីបំផុត ទាក់ទិនទៅនឹង ការសិក្សាស្រាវជ្រាវ ប្រភព ដើម នៃបំណែក កំទេចកំទីយន្តហោះ។ ប៉ុន្តែ អំឡុងថ្ងៃ ព្រហស្បត្តិ៍ ម្សិលមិញនេះ តែម្តង ក្រុមស៊ើបអង្កេត បារាំង អោយដឹងថា ក្រុមអ្នកបច្ចេកទេស មកពី ស្ថាប័ន ការពារដែនអាកាស Airbus ឬ Airbus Defense and Space (ADS-SAU) ដែលមានមូលដ្ឋាន នៅក្នុងប្រទេស អេស្ប៉ាញ ជាទឹកដីកំណើត ដែល បានផលិតឡើងបំណែកយន្តហោះ Boeing នោះ បានប្រកាស និងកំណត់ជាផ្លូវការអោយដឹងថា លេខ serial មួយក្នុងចំណោម ៣ ដែលមាននៅលើ បំណែកយន្តហោះ ដែល បានរកឃើញនោះ គឺជា លេខ serial នៅលើយន្តហោះ MH370 ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/4/12-04-09-2015--09-09-13.jpg"><img src="/FileManager/Articles/mce/2015/9/4/12-04-09-2015--09-09-13.jpg" alt="" /></a></span></p>
<p><a class="thickbox" title="" href="/FileManager/Commons/2015/9/4/11-04-09-2015--09-09-22.jpg"><img src="/FileManager/Articles/mce/2015/9/4/11-04-09-2015--09-09-22.jpg" alt="" /></a></p>
<p><a class="thickbox" title="" href="/FileManager/Commons/2015/9/4/14-04-09-2015--09-09-28.jpg"><img src="/FileManager/Articles/mce/2015/9/4/14-04-09-2015--09-09-28.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>