<p><span style="color: #000000;"><strong>(ពិភពលោក)៖</strong> ភាពជោគជ័យ នៅក្នុងឆាកនយោបាយ គឺមិនមែនជាការងារងាយស្រួលធ្វើនោះឡើយ ចាំបាច់ត្រូវតែមានភាពវៃឆ្លាត ជាមួយយុទ្ធសាស្រ្ត និងជំនាញដ៏ប៉ិនប្រសប់ផងដែរ។ មិនត្រឹមតែមានជំនាញ និងចំណេះដឹងប៉ុណ្ណោះនោះ អ្នកនយោយបាយក៏ត្រូវមាន ទ្រព្យសម្បត្តិច្រើនផងដែរ ដើម្បីជាលំនឹងក្នុងការងារ នយោបាយរបស់ខ្លួន។</span></p>
<p><span style="color: #000000;">អ្នកនយោបាយត្រូវបាន គេចាត់ទុកជាតំណាងរបស់រដ្ឋាភិបាល ឬបក្សប្រឆាំង ដើម្បីធ្វើការងារក្នុងការថែរក្សាសុខមាលភាព ជូនដល់ប្រជាជនជន ហើយអ្នកនយោបាយ ក្នុងប្រទេសប្រជាធិបតេយ្យ ត្រូវបានជ្រើសរើសតាមរយៈការបោះឆ្នោត ជាមួយគ្នានេះ ក្សត្រនៃប្រទេសមួយចំនួនក៏ត្រូវចាត់ទុក ជាអ្នកនយោបាយផងដែរ។</span></p>
<p><span style="color: #000000;">នៅថ្ងៃអាទិត្យសប្តាហ៍នេះ យើងខ្ញុំសូមលើកយកនូវព័ត៌មានស្តីពី អ្នកនយោបាយទាំង១០ នៅលើពិភពលោក ដែលមានទ្រព្យសម្បត្តិច្រើនជាងគេ ដោយដកស្រង់ចេញពី គេហទំព័របរទេសដ៏ល្បីឈ្មោះមួយ។ ទ្រព្យសម្បត្តិរបស់ពួកគាត់ មានរាប់ប៊ីលានដុល្លារ (១ប៊ិលានដុល្លារ=១ ០០០ ០០០ ០០០ដុល្លារ)។</span></p>
<p><span style="color: #000000;">១-លោក Michael Bloomberg ៖ លោកជាអ្នកនយោបាយ និងជាពាណិជ្ជករ ដ៏ល្បីល្បាញរបស់អាមេរិក។ លោកក៏ជាអតីតអភិបាលក្រុង New York City សហរដ្ឋអាមេរិក។ លោកមានទ្រព្យសម្បត្រិ ៣៧.២ ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-3.jpg" alt="" width="730" /></span></p>
<p><span style="color: #000000;">២-សម្តេច Abdullah Bin Abdul Aziz ៖ ជាព្រះមហាក្សត្រ នៃអារ៉ាប៊ីសាអ៊ូឌីត ព្រះអង្គមានទ្រព្យសម្បត្តិ ២១ប៊ីលានដុល្លារអាមេរិក។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-1-e1403705866996.jpg" alt="" width="730" /></span></p>
<p><span style="color: #000000;">៣-ព្រះចៅស៊ូតង់ Hassanal Bolkiah ៖ ជាព្រះមហាក្សត្រ នៃប្រទេសប៊ុយណេ ព្រះអង្គមានព្រះរាជទ្រព្យចំនួន ២០ប៊ីលានដុល្លារអាមេរិក។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-2.jpg" alt="" width="730" /></span></p>
<p><span style="color: #000000;">៤-លោកស្រី Sonia Gandhi៖ ជាអ្នកនយោបាយដ៏ល្បីឈ្មោះរបស់ប្រទេសឥណ្ឌា។ លោកស្រីបច្ចុប្បន្ន មានតួនាទីជាប្រធានសមាជជាតិឥណ្ឌា ហើយលោកស្រីមានទ្រព្យសម្បត្តិចំនួន ១៩.២ ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-4.jpg" alt="" width="730" /></span></p>
<p><span style="color: #000000;">៥-សម្តេច Khalifa Bin Zayed Al Nahyan ៖ ជាប្រធានាធិបតីរបស់ប្រទេសអារ៉ាប់រួម មានទ្រព្យសម្បត្តិ ១៩ប៊ីលានដុល្លារអាមេរិក។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-5.jpg" alt="" width="730" /></span></p>
<p><span style="color: #000000;">៦-លោក Vladimir Putin ៖ជាប្រធានាធិបតីរបស់ប្រទេសរុស្ស៊ី លោក Putin មានទ្រព្យសម្បត្តិ ដែលបង្ហាញជាផ្លូវការ ចំនួន១៨.៤ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-6.jpg" alt="" width="730" /></span></p>
<p><span style="color: #000000;">៧-លោកស្រី Savitri Jindal៖ ជាឥស្សរជននយោបាយ ដ៏ល្បីឈ្មោះមួយរូបរបស់ឥណ្ឌា។ លោកស្រី Savitri Jindal មានតួនាទីដ៏សំខាន់ក្នុងក្រុមហ៊ុន Jindal Steel & Power Limited ដែលស្វាមីរបស់លោកស្ត្រីជា ស្ថាបនិកនៃក្រុមហ៊ុននេះ។ លោកស្រី មានទ្រព្យសម្បត្តិសរុបចំនួន ១៣.២ ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-7.jpg" alt="" width="730" /></span></p>
<p><span style="color: #000000;">៨-លោក Zong Qinghou ៖ ជាសមាជិកក្រុមប្រឹក្សាជាតិចិន ហើយក៏ជាស្ថាបនិក និងនាយកប្រតិបត្តិក្រុមហ៊ុន The Hangzhou Wahaha Group។ បច្ចុប្បន្នលោក Zong Qinghou មានទ្រព្យសម្បត្តិ ១០.៨ ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-8.jpg" alt="" width="730" /></span></p>
<p><span style="color: #000000;">៩-លោក Serge Dassault ៖ ជាអ្នកនយោបាយរបស់បារាំង។ ក្រៅតែពីជាអ្នកនយោបាយ ដ៏ល្បីឈ្មោះរបស់បារាំងហើយនោះ លោក Serge Dassault ក៏ជាប្រធាន និងនាយកប្រតិបត្តិក្រុមហ៊ុន Dassault Group ផងដែរ ដោយលោកមានទ្រព្យសម្បត្តិសរុបចំនួន ៨ប៊ីលានដុល្លារ។</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-92-e1403705486222.jpg" alt="" width="730" /></span></p>
<p><span style="color: #000000;">១០-លោក Silvio Berlusconi ៖ លោកជាអតីតនាយករដ្ឋមន្ត្រី អ៉ីតាលី ដោយលោកបានលាលែងពីតំណែងកាលពីឆ្នាំ ២០១១។ ក្រៅពីធ្វើនយោបាយលោកជាម្ចាស់មានក្រុមហ៊ុនមួយចំនួន ក្នុងប្រទេសអ៉ីតាលី។ លោក Silvio Berlusconi មានទ្រព្យសម្បត្តិសុរបចំនួន ៧.៨ ប៊ីលានដុល្លារ៕</span></p>
<p><span style="color: #000000;"><img src="http://www.alux.com/wp-content/uploads/2014/06/Richest-Politicians-in-the-World-TOP-10-10.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>