<div class="article-content">
<p><strong>ភ្នំពេញ ៖</strong> ជនសង្ស័យម្នាក់ ត្រូវចាប់ខ្លួន ខណៈដែលសម្ញែងដាវ បញ្ចេញរិទ្ធថា ខ្លួនខ្លាំងចង់តតាំង<br />នឹងគូរសត្រូវ ។</p>
<p>មន្ត្រីនគរបាល ខណ្ឌទួលគោក បាននិយាយថា ជនសង្ស័យវ័យ ១៧ ឆ្នាំម្នាក់ ឈ្មោះ ជួប វាសនា<br /> ត្រូវបានចាប់ខ្លួន កាលពីវេលាម៉ោង ៧និង ១៥នាទីយប់ ថ្ងៃទី ២៤ ខែមិថុនា ឆ្នាំ ២០១៣ នៅមុខ<br />ភោជនីយដ្ឋាន ម៉ែន ញូ ស្ថិតនៅផ្ទះលេខ ១៤៤ ផ្លូវលេខ១២២ សង្កាត់ទឹកល្អក់ទី១ ខណ្ឌទួលគោក<br /> ហើយគ្រោងនឹងបញ្ជូន ទៅកាន់តុលាការ រាជ ធានីភ្នំពេញ នៅថ្ងៃទី២៦ ខែមិថុនា ។</p>
<p>យោងតាមរបាយការណ៍ របស់សមត្ថកិច្ច នគរបាលខណ្ឌទួលគោក បានបង្ហាញថា ខណៈដែល<br />ជនរងគ្រោះ អ៊ឹម សុពត្រាធិរាជ វ័យ ១៩ឆ្នាំ បាន និងកំពុងជប់លៀង ជាមួយមិត្តភ័ក្តិ ស្រាប់តែជន<br />សង្ស័យជួប វាសនា ចេញមុខរករឿង បន្ទាប់មកក៏សំញែងដាវពីចង្កេះ បង្ហាញដល់គូសត្រូវខណៈ<br />ដែលខ្លួនមានបក្ខពួក ២ នាក់បន្ថែមទៀត ប៉ុន្តែ មិនដូចបំណង ក៏ត្រូវបាននគរបាលឃាត់ខ្លួន បាន<br />ម្នាក់រួមដាវ ១ ដើម ។</p>
<p>បច្ចុប្បន្ន ជនសង្ស័យ ស្ថិតក្នុងការឃុំខ្លួន នៅកន្លែងអធិការដ្ឋាន នគរបាលខណ្ឌទួលគោក រង់ចាំ<br />បញ្ជូនទៅតុលាការ ក្រោយសមត្ថកិច្ចរៀបចំឯកសាររួចរាល់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0620.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>