<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាសផ្តល់ថវិកាប្រមាណ ១ម៉ឺនដុល្លារ ដល់អ្នកដែលជួយ បង្រៀនសម្តេចឲ្យចេះកូតទ្រ ដើម្បីបំពេរភរិយារាល់រាត្រី និងរំលឹកដល់គ្រាកម្សត់ជូរចត់។</span></p>
<p><span style="color: #000000;">សម្តេចតេជោ បានថ្លែងដូច្នេះ ក្នុងឱកាសអញ្ជើញជាអធិបតីបិទកម្មវិធីប្រលងសិល្បៈបុរាណ «មរតកវប្បធម៌ខ្មែរ» និងប្រគល់ រង្វាន់ដល់ម្ចាស់ជ័យលាភី នាល្ងាចថ្ងៃទី១២ ខែមករា ឆ្នាំ២០១៦នេះ នៅសាលមហោស្រពកោះពេជ្រ។</span></p>
<p><span style="color: #000000;">សម្តេចតេជោ ហ៊ុន សែន បានមានប្រសាសន៍ថា បើសម្តេចចេះកូតទ្រសម្តេចនឹងកូតបទ «លោមនាង» បំពេរឧត្តមភរិយារបស់ស ម្តេច រៀងរាល់រាត្រី ហើយសម្តេចនឹងកូតបទ «ផាត់ពពក» នៅពេល នឹកដល់គ្រាកម្សត់ក្នុងរបប ប៉ុល ពត ក៏ដូចដំណាក់កាលតស៊ូ ដើម្បីប្រទេសជាតិ។ <strong>«ប្រសិនបើនរណាចេះបង្រៀនខ្ញុំកូតទ្រខ្ញុំនឹងជូនជាសរគុណ ១ម៉ឺនដុល្លារ។ ហើយខ្ញុំចង់កូតបទលោមនាង រាល់យប់ ដើម្បីបំពេរភរិយារបស់ខ្ញុំ ហើយប្រសិនបើរាត្រីណា ដែលពោរពេញទៅដោយអារម្មណ៍នឹកគិតពីអតីតកាល ដ៏កម្សត់ជូរ ចត់នៅក្នុងដំណាក់កាល នៃសង្រ្គាម និងរបបប្រល័យពូជសាសន៍ ខ្ញុំនឹងកូតបទផាត់ ពពក»</strong>៕</span></p>
<p><a class="thickbox" title="" href="/FileManager/Commons/2016/1/13/1-13-2016-8-11-34-am-13-01-2016--08-22-53.png"><img src="/FileManager/Articles/mce/2016/1/13/1-13-2016-8-11-34-am-13-01-2016--08-22-53.png" alt="" /></a></p>
<p><a class="thickbox" title="" href="/FileManager/Commons/2016/1/13/1-13-2016-8-11-05-am-13-01-2016--08-23-03.png"><img src="/FileManager/Articles/mce/2016/1/13/1-13-2016-8-11-05-am-13-01-2016--08-23-03.png" alt="" /></a></p>
<p><a class="thickbox" title="" href="/FileManager/Commons/2016/1/13/1-13-2016-8-11-21-am-13-01-2016--08-23-26.png"><img src="/FileManager/Articles/mce/2016/1/13/1-13-2016-8-11-21-am-13-01-2016--08-23-26.png" alt="" /></a></p>
<p style="text-align: right;">ផ្ដល់សិទ្ធដោយ៖ ហ្វ្រេសញ៉ូវអាស៊ី</p>