<p><span style="color: #000000;"><strong>(ភ្នំពេញ)៖</strong> ជាគ្រូបង្វឹកម្ចាស់ពាន« The Voice Cambodia» រដូវកាលទី១ និងគ្រូបង្វឹកបន្ត ក្នុងរដូវកាលទី២នេះ កំពូលតារាចម្រៀងបែបយុវវ័យ ឆន សុវណ្ណារាជ ដែលកំពុងមានប្រជាប្រិយខ្លាំងក្នុងស្រទាប់យុវវ័យ ពិសេសបទចម្រៀងមានចំណងជើងថា «សុំស្រឡាញ់សុំ Password» ថ្មីៗនេះ ត្រូវបានគេដឹងថា ដោយយសារតែលោក ត្រូវមមាញឹកខ្លាំង ទៅលើការងារសិល្បៈ គួបផ្សំនឹងការគ្មានអតិថិជនផងនោះ លោកបានសម្រេចចិត្ត បិទហាងកាត់ដេរចោលតែងម្ដង បន្ទាប់ពីដំណើរការបាន អស់រយៈពេលជាច្រើនឆ្នាំ ប៉ុន្តែមិនទទួលជោគជ័យ។</span></p>
<p><span style="color: #000000;">តារាចម្រៀង ឆន សុវណ្ណរាជ ត្រូវបានទស្សនិកជនមើលឃើញថា មានកេរ្តិ៍ឈ្មោះល្បីរន្ទឺរពេញប្រទេស និងបានញុំាងឲ្យលោក ក្លាយជាតារាជួរក្នុងមុខ ខណៈដែលពេលនេះ លោកហាក់កាន់តែមមាញឹកខ្លាំង ក្នុងអាជីពជាតារាចម្រៀង និងជាគ្រូបង្ខឹក រួមទាំងគណៈកម្មការ កម្មវិធីផ្សេងៗជាច្រើនទៀត ។</span></p>
<p><span style="color: #000000;">ថ្វីត្បិតអាជីពចម្រៀង របស់ ឆន សុវណ្ណរាជ កាន់តែកាប់កបពីមួយថ្ងៃទៅមួយថ្ងៃ ប៉ុន្តែបើក្រឡេកមើល លើមុខរបររកស៊ីរបស់លោកវិញ ហាក់ដើរថយក្រោយ ហើយដំណើរការយ៉ាងត្រដាបត្រដួសបំផុត ។ ឆន សុវណ្ណរាជ ត្រូវបានគេដឹងថា ធ្លាប់មានហាង៣ នៅក្នុងដៃរួមមាន ហាង ថតរូប ហាងលក់អាហារ និងហាងកាត់ដេរ ប៉ុន្តែចុងក្រោយលោកនៅសល់ តែហាងកាត់ដេរមួយប៉ុណ្ណោះ ខណៈដែលហាងពីរទៀត បានបិទយូរណាស់មកហើយ ។</span></p>
<p><span style="color: #000000;">ថ្មីៗនេះ អ្នកជិះកាត់បណ្ដោយផ្លូវទេពផន ពិតជាលែងបានឃើញហាងកាត់ដេរ របស់តារាចម្រៀង ឆន សុវណ្ណរាជ ទៀតហើយ ព្រោះបាន រើផ្លាកយីហោចេញ និងដាក់ថា «ផ្ទះជួល»ទៅវិញ។ អ្នករស់នៅជិតហាងកាត់ដេរមួយនេះ បាននិយាយថា ហាងមិនសូវមានភ្ញៀវ ចេញចូលច្រើននោះទេ ហើយស្ងាត់ច្រើនខែមកហើយ ចុងក្រោយនេះឃើញបិទទ្វារតែម្ដង ។ អតិថិជនធ្លាប់កាត់ដេរ នៅហាងរបស់លោកបាននិយាយ ខោអាវ មានតម្លៃអាចនឹងថ្លៃបន្តិច តែម៉ូដលេងសាហាវៗពេក និងមានឌិនច្រើនៗ ទើបមិនសូវនិយម ម្យ៉ាងមិនមានម៉ូដថ្មីទៀត ទើបពួកគេមិនទៅកាត់នៅហាងលោកទៀតឡើយ ។</span></p>
<p><span style="color: #000000;">លោក ឆន សុវណ្ណរាជ មិនទាន់អាចទាក់ទងបំភ្លឺបានទេថា លោកបិទហាងកាត់ដេរចុងក្រោយ ព្រោះមូលហេតុអ្វីឲ្យប្រាកដ ? ឆន សុវណ្ណរាជ កំពុងតែជាប់រវល់ក្នុងការថត ក្នុងកម្មវិធី« The Voice Cambodiav» វគ្គ Bettle ទើបមិនមានការឆ្លើយតប តែមើលទៅលោកមិនបាក់ទឹកចិត្ត ក្នុងការបរាជ័យផ្ទួន ក្នុងអាជីពរកស៊ីនេះទេ ព្រោះមិនមែនលើកដំបូង ដែលលោកបិទហាងនោះទេ ហើយនេះជាលើកទី៣ហើយ ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/12376789_931526430259109_1492510876871719864_n.jpg?oh=ec48a922f2c9097276d024d38cacccfb&oe=5796032F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/12670928_930940740317678_7138854961769911429_n.jpg?oh=5e17e5cbc0e2628f0d6876faed4123eb&oe=57781404" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfl1/v/t1.0-9/1936355_930286490383103_311666840733471795_n.jpg?oh=a8a71540814cdbfe71a63765c61ab3ef&oe=57950267&__gda__=1468668382_8959325d4fd51bce753f5c2ffb15b23a" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtl1/v/t1.0-9/12795422_608287476002145_4357405306875119925_n.jpg?oh=7d87c4a2fb9f22bd39cbed5f506e06a4&oe=577E31E8&__gda__=1468906325_20d892ea8582b92be16a078d833bb2ad" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/12717597_943181445760274_1700256022784781293_n.jpg?oh=4dc6ba4ba428171da4f072015c683b6d&oe=578D3C02" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-frc1/t31.0-8/s960x960/10504856_722254847852936_3947604282957447146_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/10432539_710973412314413_1752650274010356230_n.jpg?oh=d9dbfbedd175883f031f0416f327a374&oe=5780E3F1" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>