<p><span style="color: #000000;"><strong>(ភ្នំពេញ)៖</strong> លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា នៅរសៀលថ្ងៃទី៣ ខែសីហា ឆ្នាំ២០១៦នេះ បានថ្លែងក្នុងសន្និសីទសារព័ត៌មាន ស្តីពីការរៀបចំការប្រឡង សញ្ញាបត្របាក់ឌុបឆ្នាំ២០១៦ថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំនេះ ក្រសួងកំណត់យកពិន្ទុចំនួន២២៤ពិន្ទុ គឺជាប់។</span></p>
<p><span style="color: #000000;">លោក ហង់ ជួនណារ៉ុន រដ្ឋមន្ត្រីក្រសួងអប់រំ បានថ្លែងក្នុងពិធីនេះថា វិញ្ញាសារក្នុងការប្រឡងបាក់ឌុបខាងមុខនេះ នៅតែដដែលមិនបន្ធូរនោះទេ។ លោកបន្ថែមទៀតថា កាលពីប្រឡងបាក់ឌុបឆ្នាំមុនៗ សង្កេតឃើញថា បេក្ខជនប្រឡងមានការធ្លាក់ច្រើន លើមុខវិជ្ជាគណិតវិទ្យា ហើយបេក្ខជនជាប់ច្រើន ក្នុងមុខវិជ្ជាភាសាខ្មែរ។</span></p>
<p><span style="color: #000000;">ជាមួយគ្នានេះ លោករដ្ឋមន្ត្រី ក៏បានអំពាវនាវឲ្យ បេក្ខជនប្រឡងទាំងអស់ សូមមកមណ្ឌលប្រឡងឲ្យមានមុនម៉ោង ដើម្បីងាយស្រួលដល់ការប្រឡង ការពារភាពយឺតយ៉ាវការប្រឡង។ ជាពិសេសជាងនេះ លោកបានជំរុញឲ្យបេក្ខជន ខិតខំប្រឹងប្រែងរៀនសូត្រ និងថែរក្សាសុខភាពឲ្យបានល្អ ដើម្បីត្រៀមប្រឡងនៅថ្ងៃ២២ ខែសីហា ខាងមុខនេះ ដែលនៅសល់មិនដល់១ខែទៀតនោះទេ៕</span></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fmoeys.gov.kh%2Fvideos%2F1438175312875745%2F&show_text=0&width=400" frameborder="0" width="400" height="400"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>