<p><span style="color: #000000;"><strong>ភ្នំពេញ ៖</strong> បុរសម្នាក់ជិះម៉ូតូតែម្នាក់ឯង ត្រឡប់មកពីដើរលេងវិញ ក៏ជួបប្រទះនឹងបុរសមួយក្រុមមានគ្នា ៤នាក់ ដែលជាគូទំនាស់ចាស់ ក៏បាននិយាយឌឺដងដាក់គ្នា រហូតឈានទៅវាយតប់គ្នា ទៅវិញទៅមក ហើយភាគីខាងគ្នា ៤នាក់បានដកកាំភ្លើងបាញ់ភាគីជម្លោះរបស់ខ្លួន ដែលមានតែម្នាក់ឯង បណ្តាលឱ្យត្រូវមួយគ្រាប់ ធ្លាយពីត្រគាកឆ្វេងទៅត្រគាកខាងស្តាំរងរបួសធ្ងន់ ត្រូវបានក្រុមអ្នករត់រ៉ឺម៉កម៉ូតូ ដឹកទៅសង្រ្គោះនៅមន្ទីរពេទ្យ ។</span></p>
<p><span style="color: #000000;">ហេតុការណ៍នេះកើតឡើង កាលពីវេលាម៉ោង ១ និង៥០នាទីរំលងអាធ្រាត្រ ឈានចូលថ្ងៃទី១៦ ខែធ្នូ ឆ្នាំ២០១៤ នៅចំណុចក្បែរផ្សារសូរិយាស៊ីធីម៉ល តាមផ្លូវលេខ១៧២ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ ។</span></p>
<p><span style="color: #000000;">ប្រភពព័ត៌មាន ពីកន្លែងកើតហេតុបានឱ្យដឹងថា នៅមុនពេលកើតហេតុ បុរសរងគ្រោះបានជិះម៉ូតូហុងដាឌ្រីម សេ ១២៥ ស៊េរីឆ្នាំ២០១៥ ពណ៌ខ្មៅមួយគ្រឿង ពាក់ស្លាកលេខ 2P-2839 ដោយធ្វើដំណើត្រឡប់មកពីដើរលេងតែម្នាក់ ឯង ខណៈមកដល់ចំណុចកើតហេតុ ក៏បានជួបគ្នាជាមួយបុរសមួយក្រុមមានគ្នា ៤នាក់ដែលធ្លាប់ជាគូជម្លោះនឹងគ្នា ជិះម៉ូតូពីរគ្រឿង មិនមានពាក់ស្លាកលេខ (ម៉ូតូស្កុបពី និងម៉ូតូហុងដាឌ្រីម) ។ ពេលនោះក្រុមបុរស៤នាក់ បាននិយាយទៅបុរសរងគ្រោះថា ម៉េចចង់លេងជាមួយក្រុមអញផង ! ហើយបុរសរងគ្រោះ ក៏បានឆ្លើយតបទៅវិញថា « អើអញចង់លេងជាមួយ! » គ្រាន់តែជនរងគ្រោះ និយាយចប់ភ្លាម ភាគីទាំងពីរ ក៏បានវាយតប់គ្នាទៅវិញមក ។ ក្នុងពេលនោះ ដែរ បុរសរងគ្រោះក្រឡេកឃើញភាគីជម្លោះរបស់ខ្លួន មានកាំភ្លើងក៏ស្រែកឱ្យគេជួយ តែគ្មានអ្នកណាហ៊ានចូលជួយនោះទេ ហើយជនរងគ្រោះក៏ត្រូវភាគីជម្លោះបាញ់មួយគ្រាប់ ធ្លាយពីត្រគាកខាងឆ្វេង ទៅត្រគាកខាងស្តាំ រងរបួសធ្ងន់ត្រូវបានអ្នករត់រ៉ឺម៉កម៉ូតូ ជួយដឹកទៅសង្រ្គោះនៅមន្ទីរពេទ្យ ។</span></p>
<p><span style="color: #000000;">ក្រោយពេលកើតហេតុ មេបញ្ជាការកងរាជអាវុធហត្ថ រាជធានីភ្នំពេញ បានបញ្ជាឱ្យកូនចៅក្រោមឱវាទចេញប្រតិបត្តិការភ្លាមៗ តាមចាប់ម៉ូតូស្កុបពី និងហុងដាឌ្រីម អត់ពាក់ស្លាកលេខ ដើម្បីយកមកសួរនាំពេលនោះកម្លាំងសមត្ថកិច្ចក៏ បានឃាត់ម៉ូតូស្កុបពីមួយគ្រឿង អត់មានពាក់ស្លាកលេខ នៅចំណុចមុខវត្តនាគវ័ន្ត ដើម្បីយកមកសាកសួរ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/16/12-16-2014-11-34-41-am-16-12-2014--11-40-12.png"><img src="/FileManager/Articles/mce/2014/12/16/12-16-2014-11-34-41-am-16-12-2014--11-40-12.png" alt="" /></a></span></p>
<p><a class="thickbox" title="" href="/FileManager/Commons/2014/12/16/12-16-2014-11-35-02-am-16-12-2014--11-40-25.png"><img src="/FileManager/Articles/mce/2014/12/16/12-16-2014-11-35-02-am-16-12-2014--11-40-25.png" alt="" /></a></p>
<p><a class="thickbox" title="" href="/FileManager/Commons/2014/12/16/12-16-2014-11-35-16-am-16-12-2014--11-40-43.png"><img src="/FileManager/Articles/mce/2014/12/16/12-16-2014-11-35-16-am-16-12-2014--11-40-43.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>