<p><span style="color: #000000;"><strong>(ភ្នំពេញ)៖</strong> ក្រោយហេតុការណ៍ភ្លើងឆេះតូប ក្នុងផ្សារកណ្ដាល កាលពីវេលាទៀបភ្លឺ ថ្ងៃទី២៣ ខែមករារួចមក លោក សុខ ពេញវុធ អភិបាលខណ្ឌដូនពេញ បានអញ្ជើញក្រុមអាជីវកររងគ្រោះ និងអ្នកពាក់ព័ន្ធក្នុងផ្សារ ដើម្បីពិភាក្សាការងារដោះស្រាយបញ្ហា និងផ្លាស់ប្ដូរយោបល់គ្នាទៅវិញទៅមក អំពីការរៀបចំផ្សារកណ្ដាលរាជធានីមួយនេះឡើងវិញ។</span></p>
<p><span style="color: #000000;">កិច្ចប្រជុំខាងលើ ត្រូវបានធ្វើឡើងនៅសាលាខណ្ឌដូនពេញផ្ទាល់ នារសៀលថ្ងៃទី២៣ ខែមករា ឆ្នាំ២០១៧នេះ ដោយផ្តោតលើកិច្ចការដូចជា ការងារជួសជុលផ្សារ រៀបចំឲ្យមានហេដ្ឋារចនាសម្ព័ន្ធល្អឡើងវិញ បង្កភាពងាយស្រួលដល់ការប្រកបអាជីវកម្ម និងការងារជួសជុលកែលម្អផ្សារ ដោយយកលំនាំដូចតាមគំរូផ្សារចាស់។</span></p>
<p><span style="color: #000000;">សូមរំលឹកថា អគ្គិភ័យបានឆាបឆេះផ្សារកណ្តាល ស្ថិតនៅសង្កាត់ផ្សារកណ្តាលទី១ ខណ្ឌដូនពេញ អស់រយៈពេលជាង១ម៉ោង ដោយចាប់កើតឡើងពីម៉ោង៤៖១៥នាទី រហូតរលត់ទាំងស្រុង នៅវេលាម៉ោង៥៖១៥នាទី ព្រឹកទៀបភ្លឺថ្ងៃទី២៣ ខែមករា ឆ្នាំ២០១៧នេះ។</span></p>
<p><span style="color: #000000;">សម្រាប់ការខូចខាត មានតូបលក់ដូរចំនួន ១៩តូប ក្នុងនោះ១៦តូបត្រូវបានឆេះបំផ្លាញទាំងស្រុង និង៣តូបទៀត ត្រូវភ្លើងឆេះរោល។</span></p>
<p><span style="color: #000000;">ក្នុងហេតុដ៏ភ័យខ្លាចនោះដែរ កម្លាំងការិយាល័យពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានប្រើរថយន្តពន្លត់អគ្គិភ័យចំនួន ១៨គ្រឿង ស្មើនឹង១៨ជើង ក្នុងនោះមានរថយន្តអគ្គិភ័យ ក្រសួងមហាផ្ទៃចំនួន២គ្រឿង។</span></p>
<p><span style="color: #000000;">ដោយឡែក ក្រោយបញ្ចប់កិច្ចប្រជុំនាថ្ងៃនេះ លោកអភិបាលខណ្ឌបានសំណូមពរដល់អាជីវករ ៣ចំណុច រួមមាន៖ ១.មិនយកលុយថ្លៃយាមឃ្លប់ពី ៥ឆ្នាំ-១០ឆ្នាំ ទៅតាមទំហំខាតបង់ សម្រាប់ម្ចាស់តូបទាំង១៩, ២.អគ្គិសនីត្រូវសម្រួលដោយឥតគិតថ្លៃសេវាអ្វីទាំងអស់, និង៣.អ្នកម៉ៅការទឹកត្រូវធានាមិនយកសេវាសម្ភារៈតទឹក-ភ្លើងទាំងស្រុង និងទី៤ឯកភាពសង់តូបតាមស្តង់ដារផ្សារចាស់ ដោយម្ចាស់តូបជាអ្នកសាងស់ដោយខ្លួនឯង។</span></p>
<p><span style="color: #000000;">លោក ចាប ឌីណា ប្រធានផ្សារកណ្តាល បានឲ្យដឹងថា ការខូចខាតគិតជាទឹកប្រាក់ដែលមកពីគ្រោះអគ្គិភ័យនេះ មានចំនួប៦៧,៨០០ដុល្លារ៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-47-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-47-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-47-00-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-47-00-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>