<p><span style="color: #000000;"><strong>(ហាណូយ)៖</strong> អាជ្ញាធរសុខាភិបាលវៀតណាម នៅថ្ងៃព្រហស្បតិ៍នេះបានឱ្យដឹងថា ខ្លួនបានរកឃើញ ការឆ្លងវីរុស Zika ចំនួន ៥ករណីថ្មីបន្ថែមទៀត ដែលនេះបានធ្វើឱ្យចំនួនអ្នកឆ្លងសរុបនៅទូទំាងប្រទេស កើនឡើងដល់២៨ករណី ខណៈករណីទារកអាយុ៤ខែម្នាក់ បានកើតមកមានក្បាលតូចខុសពីធម្មតា ដែលមានជាប់ពាក់ព័ន្ធយ៉ាងខ្លំាងនឹងវីរុស Zika ក៏ត្រូវបានគេរាយការណ៍ផងដែរកាលពីថ្ងៃអាទិត្យ សប្ដាហ៍មុន។ នេះបើយោងតាមការចេញផ្សាយនៅមុននេះបន្តិច ដោយទីភ្នាក់ងារសារព័ត៌មានស៊ិនហួរ នាព្រឹកថ្ងៃព្រហស្បតិ៍ ទី០៣ ខែវិច្ឆិកា ឆ្នាំ២០១៦។</span></p>
<p><span style="color: #000000;">យោងតាមនាយកដ្ឋានសុខាភិបាលទីក្រុង Ho Chi Minh ករណីឆ្លងទំាងអស់ខាងលើត្រូវបានគេរកឃើញ នៅក្នុងទីក្រុង Ho Chi Minh តែម្ដងដោយធ្វើឱ្យចំនួនឆ្លងសរុបកើនដល់ ២២ករណី។ ចំណែកឯករណី ឆ្លងផ្សេងទៀតក៏ធ្លាប់ត្រូវបានគេរាយការណ៍នៅក្នុងខេត្ត Phu Yen, Khanh Hoa, Binh Duong, Long An និង Dak Lak ។</span></p>
<p><span style="color: #000000;">គួរបញ្ជាក់ថានៅពេលបច្ចុប្បន្ន វីរុស Zika បាននិងកំពុងរាតត្បាត នៅក្នុងប្រទេសនិងដែនដីចំនួន៦០ ចាប់តំាងពីវីរុសនេះ រីករាលដាលខ្លំាងកាលពីឆ្នាំ២០១៥ នៅប្រទេសប្រេស៊ីលជាទីដែលទារកកើតមក មានក្បាលតូចខុសពីធម្មតាមានជាង ១,៩០០ករណី។ ដោយឡែកនៅក្នុងតំបន់អាស៊ីអាគ្នេយ៍ សិង្ហបុរី និងថៃ គឺជាប្រទេសដែលមានករណីឆ្លងវីរុស Zika ច្រើនជាងគេបំផុតដល់ទៅជាង ៨០០ ករណីក្នុងមានទំាងស្ត្រីមានផ្ទៃពោះជាច្រើននាក់ផងដែរ៕</span></p>
<p><span style="color: #000000;"><img src="http://img.cdn2.vietnamnet.vn/Images/english/2016/04/13/17/20160413173821-pregnant-check.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>