<p><span style="color: #000000;"><strong>ភ្នំពេញ ៖</strong> ជនដៃដល់ម្នាក់ ក្នុងចំណោមបក្ខពួក២នាក់ទៀត ត្រូវបានសមត្ថកិច្ចចាប់ខ្លួន បន្ទាប់ពីយកកាំបិតបុ័ងតោ មកកាប់ជាច្រើនកាំបិត ទៅលើយុវជនជាអ្នកលក់ទូរស័ព្ទមួយកន្លែង បណ្តាលឲ្យរងរបួសធ្ងន់ ហើយត្រូវបាន ដឹកទៅសង្គ្រោះនៅមន្ទីរពេទ្យភ្លាមៗ ។</span></p>
<p><span style="color: #000000;">ហេតុការណ៍នេះ កើតឡើងកាលពីវេលាម៉ោង ៨ និង២០ នាទីយប់ ថ្ងៃទី១៩ ខែវិច្ឆិកា ឆ្នាំ២០១៤ នៅចំណុចមុខហាង មនោលក់ទូរស័ព្ទ ផ្ទះលេខ៤៣៣ ផ្លូវ៣១០ កែងផ្លូវ១០៥ ស្ថិតក្នុងសង្កាត់បឹងកេងកង២ ខណ្ឌចំការមន ។</span></p>
<p><span style="color: #000000;">សមត្ថកិច្ចបានឲ្យដឹងថា ជនសង្ស័យមានឈ្មោះ លី ចន្ធូ អាយុ១៩ឆ្នាំ មុខរបរជាងដែក រស់នៅសង្កាត់ស្ទឹងមានជ័យ។ ចំណែកយុវជនរងគ្រោះឈ្មោះ ណាក់ អាយុជាង៣០ឆ្នាំ មុខរបរលក់ទូរស័ព្ទ រស់នៅកន្លែងកើតហេតុ ។</span></p>
<p><span style="color: #000000;">សេចក្តីរាយការណ៍ នៅកន្លែងកើតហេតុបានឱ្យដឹងថា នៅមុនពេលកើតហេតុ គេឃើញ យុវជនម្នាក់បានយកទូរស័ព្ទមកដាក់បញ្ចាំ តែខាងម្ចាស់ហាងប្រាប់ថាយប់ហើយ មិនទទួលទេ ។ សេចក្តីរាយការណ៍បន្តថា ជនដែលយកទូរស័ព្ទមកដាក់បញ្ចាំនេះ មានអាការៈស្រវឹង ហើយទូរស័ព្ទដែលយកមកបញ្ចាំនេះ ម៉ាកណូគារ ចុចពិលមួយគ្រឿង យកមកបញ្ចាំ នៅហាងលក់ទូរស័ព្ទរបស់ជនគ្រោះ ពេលនោះជនរងគ្រោះបាននិយាយថា ល្ងាចបិទហាងហើយ អត់ទទួលបញ្ចាំទេ ពេលនោះជនរូបនេះ ហាក់ខឹង ក៏មានការឈ្លោះប្រកែកឌឺដងពាក្យសម្តីគ្នារវាងបុរសរងគ្រោះ និងជនដៃដល់ ។</span></p>
<p><span style="color: #000000;">ប្រភពបន្តថា ពេលប្រកែកគ្នា បានមួយសន្ទុះជនដៃដល់ បាននិយាយទៅកាន់បុរសរងគ្រោះថា នៅចាំទីនេះហើយកុំទាន់ទៅណា ខ្ញុំទូរស័ព្ទហៅមិត្តភក្តិមកសិន ។ លុះមួយសន្ទុះក្រោយមក គេឃើញយុវជនពីរនាក់ បានមកដល់កន្លែងកើតហេតុ ដោយមានកាន់កាំបិតបុ័ងតោ មកជាមួយផងដែរ ហើយធ្វើសកម្មភាពកាប់សំដៅទៅលើបុរសលក់ទូរស័ព្ទនោះ ជាច្រើនកាំបិតបណ្តាលឱ្យ រយះក្បាលហូរឈាមស្រោចខ្លួន ហើយគេឃើញបុរសរងគ្រោះព្យាយាមតបត ទៅលើក្រុមជនដៃដល់ រហូតអាចវាយបកទៅលើក្រុមជនដៃដល់ រហូតចាប់បានបក្ខពួក ជនដៃដល់ម្នាក់ ខណ:មានការ ជួយពីសំណាក់ប្រជាពលរដ្ឋ ដែលឃើញហេតុការណ៍នៅ ទីនោះ រួចប្រគល់អោយ នគរបាល ចាត់ការបន្ត ។</span></p>
<p><span style="color: #000000;">ពាក់ព័ន្ឋនឹងករណីនេះ បុរសរងគ្រោះមិនបានផ្តល់ព័ត៌មាន ជាក់លាក់ ដល់សមត្ថកិច្ចនៅឡើយទេ ដោយសារត្រូវ របួសធ្ងន់ធ្ងរ ហើយដឹកទៅសង្គ្រោះនៅមន្ទីរពេទ្យ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/20/11-20-2014-1-40-16-pm-20-11-2014--13-46-14.png"><img src="/FileManager/Articles/mce/2014/11/20/11-20-2014-1-40-16-pm-20-11-2014--13-46-14.png" alt="" /></a></span></p>
<p><a class="thickbox" title="" href="/FileManager/Commons/2014/11/20/11-20-2014-1-40-31-pm-20-11-2014--13-46-29.png"><img src="/FileManager/Articles/mce/2014/11/20/11-20-2014-1-40-31-pm-20-11-2014--13-46-29.png" alt="" /></a></p>
<p><a class="thickbox" title="" href="/FileManager/Commons/2014/11/20/11-20-2014-1-40-47-pm-20-11-2014--13-46-47.png"><img src="/FileManager/Articles/mce/2014/11/20/11-20-2014-1-40-47-pm-20-11-2014--13-46-47.png" alt="" /></a></p>
<p><a class="thickbox" title="" href="/FileManager/Commons/2014/11/20/11-20-2014-1-41-01-pm-20-11-2014--13-47-02.png"><img src="/FileManager/Articles/mce/2014/11/20/11-20-2014-1-41-01-pm-20-11-2014--13-47-02.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><span>ផ្ដល់សិទ្ធិដោយ៖ ដើមអម្ពិល</span><br /></span></p>