<p>ស្មាតហ្វូនថ្មីរបស់ Apple មានតម្លៃប្រហាក់ប្រហែលនឹងផលិតផលបច្ចុប្បន្ន គឺចាប់ពី ៦៦៩<br />ដុល្លារអាមេរិក ដែលមានកំណែអង្គចងចាំចាំ16, 64 និង 128 GB សម្រាប់ជ្រើសរើស។</p>
<p>Apple បានផ្ញើលិខិតអញ្ជើញភ្ញៀវកិត្តិយសចូលរួមក្នុងពិធីឧទ្ទេសនាម iPhone 6S ដែលនឹង<br />ត្រូវបានប្រារព្ធឡើង នៅថ្ងៃទី ៩កញ្ញាខាងមុខនៅឯសាល Bill Graham Civic Auditorium ក្នុង<br />ក្រុង San Francisco អាមេរិក។ ក្រោយពីការឧទ្ទេសនាម ៩ថ្ងៃ ផលិតផលថ្មីបំផុតរបស់ក្រុម<br />ហ៊ុននេះ នឹងត្រូវបានដាក់លក់ជាដំណាក់កាលដំបូង ចាប់ពីថ្ងៃទី ១៨កញ្ញា នៅសហរដ្ឋអាមេរិក<br /> អាល្លឺម៉ង់ និងបារាំង។ល។</p>
<p style="text-align: center;"><a class="thickbox" title="" href="/FileManager/Commons/2015/8/30/iphone-6s-plus-2818-1440811663-30-08-2015--10-36-45.jpg"><img src="/FileManager/Articles/mce/2015/8/30/iphone-6s-plus-2818-1440811663-30-08-2015--10-36-45.jpg" alt="" /></a></p>
<p>យោងតាម PhoneArena ស្មាតហ្វូន iPhone 6S និង 6S Plus នឹងមានតម្លៃប្រហាក់ប្រហែល<br /> iPhone 6 និង iPhone 6 Plus នាបច្ចុប្បន្ន។ ស្មាតហ្វូនអេក្រង់ 4,7 inch ជំនាន់ទីពីររបស់ Apple<br /> មានតម្លៃចាប់ពី ៦៦៩ដុល្លារអាមេរិក ខណៈដែលម៉ូដែលអេក្រង់ 5,5 inch មានតម្លៃទាបបំផុត<br />ចាប់ពី ៧៩៩ដុល្លារ (មិនមានកិច្ចសន្យាប្រើបណ្ដាញទូរសព្ទ)។ ប្រភពដំណឹងឱ្យដឹងថា Apple<br /> នៅតែរក្សាកំណែអង្គចងចាំ 16, 64 និង 128 GB ហើយកំណែអង្គចងចាំធំ ថ្លៃជាងកំណែអង្គ<br />ចងចាំតូច ១០០ដុល្លារ។</p>
<p>ដើម្បីបញ្ជាក់អំពីភាពពិតរបស់ដំណឹង ប្រភពក៏បានបន្ថែមនូវរូបភាពដែលគេយល់ថា ជាផ្នែក<br />ខាងក្រោយនៃប្រអប់ iPhone ថ្មី។ នៅលើប្រអប់នេះគេឃើញមានសរសេរពាក្យ iPhone 6S,<br />កាស EarPods,ខ្សែ Lightning និងឆ្នាំងសាកថ្ម។ កំណែអង្គចងចាំ 16 GB ក៏ត្រូវាបានសរសេរ<br />នៅលើប្រអប់នេះ។</p>
<p>បណ្ដាចំនុចកែលំអនៅលើស្មាតហ្វូនថ្មីរបស់ Apple ត្រូវបានគេព្យាការថា រួមមានអេក្រង់ <br />Force Touch,កាមេរ៉ាថ្មី 12 megapixel ថតវីដេអូ 4K,កាមេរ៉ាមុខ ថតរូបសែលហ្វ៊ី បានល្អជាង<br />មុន, ប្រើឈីប Apple A9,RAM 2GB និងបណ្ដាញ LTE ល្បឿនលឿន។</p>
<p>ក្រៅពីស្មាតហ្វូន iPhone 6S និង 6S Plus ដែលគេប្រាកដថានឹងបង្ហាញខ្លួន ក្រុមអ្នកស្នេហា<br />បច្ចេកវិទ្យា ក៏កំពុងតែទង្ទឹងរង់ចានូវវត្តមានរបស់កំពូលផលិតផលផ្សេងៗ ដូចជា iPad Pro <br />អេក្រង់ 12,9 inch, Apple TV ជំនាន់ថ្មី ក៏ដូចជាការចាប់ផ្ដើមអនុញ្ញាតឱ្យទាញយក iOS 9, <br />OS X El Capitan និង watchOS 2។</p>
<p style="text-align: center;"><a class="thickbox" title="" href="/FileManager/Commons/2015/8/30/iphone-6s-plus-2818-1440811663jpgkjhn-30-08-2015--10-39-27.jpg"><img src="/FileManager/Articles/mce/2015/8/30/iphone-6s-plus-2818-1440811663jpgkjhn-30-08-2015--10-39-27.jpg" alt="" /></a></p>
<p>សូមបញ្ជាក់ថា ព្រឹត្តិការរបស់ Apple នឹងចាប់ផ្ដើមនៅវេលាម៉ោង ១០ព្រឹក ថ្ងៃទី ៩កញ្ញា ត្រូវ<br />នឹងម៉ោង ០កណ្ដាលយប់ ឈានចូលថ្ងៃទី ១០កញ្ញា ម៉ោងនៅកម្ពុជា។ អ្នកស្នេហាបច្ចេកវិទ្យា <br />អាចតាមដានព្រឹត្តិការនេះនៅលើ ប្រៅសឺរ Microsoft Edge នៃ Windows 10 ក្រៅពីបណ្ដាញ<br />ផ្សេងៗដែលអាចប្រើបានកាលពីឆ្នាំមុនៗ៕</p>
<p style="text-align: right;">ប្រែសម្រួលដោយ ៖តារា<br />ប្រភព ៖ PhoneArena/forbes</p>