<p><span style="color: #000000;"><strong>ភ្នំពេញ៖</strong> តារាចម្រៀងស្រី ទើបតែសាបរលាបរឿងអាស្រូវស្នេហា ជាមួយនឹងលោក វីជេ រតនា និងទើបតែចូលជ្រក ក្នុងផលិតកម្មហង្សមាស ប្រមាណជិត១ឆ្នាំ កញ្ញា សន នាងផល្លីកា ថ្មីៗនេះ បានពើបប្រទះនឹងព័ត៌មានដ៏រសើបមកថា ខាងផលិតកម្មចាស់ ដែលនាងធ្លាប់ជ្រក កំពុងតែត្រៀមពាក្យបណ្តឹងប្តឹងនាង ទៅតុលាការ ប្រសិនបើនាងមាន ចេញលក់បទចម្រៀង នៅផលិតកម្មហង្សមាស ។</span></p>
<p><span style="color: #000000;">បើតាមប្រភពបានបង្ហើបប្រាប់ LookingTODAY ឲ្យដឹង នៅថ្ងៃទី៣ ខែកុម្ភៈ ឆ្នាំ២០១៥នេះថា តារាចម្រៀងស្រី រូបស្រស់ ដែលជាអតីតសង្សារសំណព្វចិត្ត របស់វីជេ រតនា គឺនាង សន នាងផល្លីកា ពេលនេះកំពុងតែមានបញ្ហា ប្រទាញប្រទង់គ្នា ព្រោះថាពេលនេះ ខាងផលិតកម្ម Big Man កំពុងតែមានគម្រោង ត្រៀមដាក់ពាក្យប្តឹងនាង ទៅតុលាការ ដោយសារតែនាង បានរំលោភកិច្ចសន្យាការងារ ជាមួយខាងក្រុមហ៊ុនចាស់ មិនទាន់ចប់កិច្ចសន្យាផង ស្រាប់តែទៅច្រៀងឲ្យផលិតកម្មផ្សេង ធ្វើរំភើយទៅវិញ។</span></p>
<p><span style="color: #000000;">ទាក់ទងទៅនឹងព័ត៌មានដែលលេចឮថា ខាងផលិតកម្មចាស់ ត្រៀមដាក់បណ្តឹងប្តឹងនោះ គឺបន្ទាប់ពីមានការលេចឮ ថា តារាចម្រៀងស្រីល្បីឈ្មោះ កញ្ញា ផល្លីកា កំពុងតែត្រៀមចេញលក់បទចម្រៀង ច្រៀងឆ្លងឆ្លើយ ជាមួយ លោក ឆន សុវណ្ណារាជ នៅក្នុងពេលឆាប់ៗខាងមុខនេះ ខណៈដែលកិច្ចសន្យាចាស់របស់នាង មិនទាន់ចប់ហើយ នាងបែរ ជាទៅស្រវ៉ាទ្រនំថ្មី ។</span></p>
<p><span style="color: #000000;">នៅក្នុងកិច្ចសម្ភាសន៍ ជាមួយគេហទំព័រ LookingTODAY តាមទូរស័ព្ទ នៅថ្ងៃទី៣ ខែកុម្ភៈ ឆ្នាំ២០១៥នេះ ចាងហ្វាង ផលិតកម្ម Big Man លោក ហួត ពៅសំណាង បានប្រាប់យ៉ាងខ្លីបែបលាក់លៀមថា “សម្រាប់តារាចម្រៀងម្នាក់ ហ្នឹង(ផល្លីកា) នៅមិនទាន់ចប់កុងត្រា(កិច្ចសន្យា) ជាមួយខាងយើងទេ ហើយជាធម្មតាបើគេរំលោភយើងហើយ យើងមិនអាចនៅស្ងៀមបានទេ ហើយរឿងគ្រប់យ៉ាង គឺខ្ញុំទុកឲ្យខាងមេធាវី ជាអ្នករៀបចំ ។ ចំណែករឿងលើសពីនេះ បើសិនជាច្បាស់អស់ហើយខ្ញុំ និងប្រាប់ទៅខាង LookingTODAY ជាថ្មីម្ដងទៀត” ។</span></p>
<p><span style="color: #000000;">ដោយឡែក តារាចម្រៀងប្រចាំ ផលិតកម្ម ហង្សមាស កញ្ញា សន នាងផល្លីកា មិនអាចទាក់ទងសាកសួរ នាងពាក់ព័ន្ធ រឿងនេះបានទេ នៅថ្ងៃទី៣ ខែកុម្ភៈ ឆ្នាំ២០១៥នេះ ខណៈដែលលេខទូរស័ព្ទរបស់នាង ត្រូវបានប្ដូរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/4/20-04-02-2015--09-32-20.jpg"><img src="/FileManager/Articles/mce/2015/2/4/20-04-02-2015--09-32-20.jpg" alt="" /></a></span></p>
<p><a class="thickbox" title="" href="/FileManager/Commons/2015/2/4/21-04-02-2015--09-32-26.jpg"><img src="/FileManager/Articles/mce/2015/2/4/21-04-02-2015--09-32-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/4/20-04-02-2015--09-32-20.jpg"></a></span></p>
<p><a class="thickbox" title="" href="/FileManager/Commons/2015/2/4/22-04-02-2015--09-32-34.jpg"><img src="/FileManager/Articles/mce/2015/2/4/22-04-02-2015--09-32-34.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>