<p><strong>ភ្នំពេញៈ</strong> ក្រោយពីសារព័ត៌មានក្នុងស្រុកជាច្រើន បានចុះផ្សាយថា តារាចម្រៀងសិចស៊ី កញ្ញា<br /> ឆៃ លីដាឡែន បានបញ្ចប់អាជីពសិល្បៈ ដោយសារតែគ្មានក្តីសង្ឃឹមក្នុងការ សាងប្រជាប្រិយ<br />ភាព ហើយទៅសម្ងំរៀបការស្ងាត់ៗនោះ ត្រូវបានតារាស្រីរូបនេះ បញ្ចេញប្រតិកម្មភ្លាមៗ ក្រោយ<br />ពីបានទទួលព័ត៌មាននេះ ដោយមិនសំចៃមាត់។</p>
<p>ក្នុងមួយរយៈពេលចុងក្រោយនេះ គេសង្កេតឃើញថា តារាចម្រៀងដែលសម្បូរដើមទ្រូង និងនិយម<br />តុបតែងខ្លួនសម្ញែងសម្រស់ដើមទ្រូង កញ្ញា ឆៃ លីដាឡែន បានបាត់វត្តមានពីការងារ សិល្បៈស្ទើរ<br />តែទាំងស្រុង រហូតលេចឮព័ត៌មានពីមួយ ទៅមួយថាភាពស្ងប់ស្ងាត់នេះ ដោយសារតែនាងសម្រេច<br />ចិត្ត បញ្ចប់អាជីពនេះ ទៅរៀបការកសាងគ្រួសារ ជាមួយបុរសកំពូលស្នេហ៍ ដែលជាអ្នកមានទ្រព្យ<br />អាចផ្តួចផ្តើម នាងឲ្យរស់នៅយ៉ាងសុខស្រួល។</p>
<p>ដោយឡែកនៅពេលដែល តារាស្រីរូបស្រស់ថ្ពាល់ខួចទាំងសងខាង កញ្ញា ឆៃ លីដាឡែន បាន<br />បញ្ចេញកំហឹងដោយមិនសំចៃមាត់ ប្រតិកម្មទៅលើព័ត៌មានទាំងអស់នោះ ថាជារឿងមិនពិត ហើយ<br />ក៏គ្មានហេតុផលអ្វី ដែលនាងត្រូវបញ្ឈប់ អាជីពសិល្បៈរបស់នាង ដោយស្ងាត់ៗនោះដែរ ព្រោះថា<br />នាងមានថ្ងៃនេះ ដោយសារតែសិល្បៈ ដូច្នេះប្រសិន បើនាងមានបំណងចង់ បញ្ចប់មែន នាងនឹង<br />ប្រកាសជាសាធារណៈ។</p>
<p>ចំពោះព័ត៌មានដែលថា នាងកំពុងតែសម្ងំបន្ទុំសាច់ត្រៀមខ្លួន ធ្វើជាកូនក្រមុំនោះ ត្រូវបានតារាស្រី<br />រូបនេះ បានឲ្យដឹងថា " ប្រសិនបើខ្ញុំរៀបការមែន ខ្ញុំនឹងដើរចែកធៀបការជាក់ជាមិនខាន ព្រោះថា<br /> ជីវិតរៀបអាពាហ៍ពិពាហ៍គឺ សំខាន់ណាស់សម្រាប់មនុស្សម្នាក់ៗ គ្មានអីត្រូវលាក់បាំងនោះទេ ។ <br />តែអ្វីដែលធ្វើឲ្យខ្ញុំ មិនសប្បាយចិត្តនោះ គឺការចុះផ្សាយព័ត៌មានមិនពិតថា ខ្ញុំត្រៀមខ្លួនរៀបការ <br />ទាំងដែលម្ចាស់សាម៉ីខ្លួន មិនបានដឹងរឿងនេះផង " ។</p>
<p>ជាមួយគ្នានោះដែរ តារាស្រីស្រស់ ឆៃ លីដាឡែន ក៏បានព្រលយពាក្យដោយទទួលស្គាល់ខ្លះថា <br />នាងពិតជាមិនទាន់មានឱកាស ក្នុងការបង្ហាញវត្តមាន នៅលើកញ្ចក់ទូរទស្សន៍ប្រាកដមែន ។ តែ<br />បើនិយាយពីការងារសិល្បៈខាងក្រៅ ដូចជាខនសឺតតាមខេត្តវិញ គឺនាងមមាញឹករកពេលសម្រាក<br />គ្មានទេ ។ ចំណែកការងារ នៅក្រៅប្រទេសវិញ ក៏មានគេព្យាយាមទាក់ទងមកច្រើន តែកំពុងតែ<br />ស្ថិតនៅក្នុងជម្រើសថា តើត្រូវជ្រើសរើសប្រទេសមួយណា សម្រាប់ចេញ ទៅសម្តែងតែប៉ុណ្ណោះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0063.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0064.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0065.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>