<p class="dt-pts">ប្រធានាធិបតីអាមេរិច លោក បារ៉ាក់ អូបាម៉ា បាននិយាយបញ្ជាក់ថា លោកត្រូវតែបន្ត ប្រើប្រាស់ ទូរស័ព្ទ BlackBerry គឺមិនអាចប្រើប្រាស់ស្មាតហ្វូន របស់ Apple បានទេ ដោយសារតែបញ្ហា សុវត្ថិភាព សន្តិសុខ។</p>
<p class="dt-pts" style="text-align: center;"><a class="thickbox" title="" href="/FileManager/Commons/2013/12/5/obama-1-9928-1386213367-05-12-2013--11-02-42.jpg"><img src="/FileManager/Articles/mce/2013/12/5/obama-1-9928-1386213367-05-12-2013--11-02-42.jpg" alt="" /></a></p>
<p class="dt-pts" style="text-align: center;"><em><span style="color: #808080;">លោក អូបាម៉ា តែងតែ អានសារថ្មីៗ នៅលើ BlackBerry (រូបភាព៖ AFP)</span></em> </p>
<p class="Normal">"ខ្ញុំមិនត្រូវបានអនុញ្ញាត ឲ្យប្រើប្រាស់ iPhone ដោយសារតែ ការព្រួយបារម្ភផ្សេងៗ ពាក់ព័ន្ធនឹង បញ្ហាសន្តិសុខ", នេះគឺជាពាក្យសំដីរបស់លោក អូបាម៉ា ចែករំលែក ដល់យុវជនមួយក្រុម នៅឯ សេតវិមាន ក្នុងឱកាសយុទ្ធនាការ ពីប័ណ្ណថែរក្សាសុខភាព ថ្មីរបស់លោក។ ជាក់ស្តែង លោក អូបាម៉ា ក៏បាននិយាយឲ្យដឹងបន្ថែមថា កូនស្រីទាំងពីររបស់លោក គឺ Sasha និង Malia ពិតជា ជក់ចិត្តជាមួយនឹង iPhone ណាស់។</p>
<p class="Normal">BlackBerry តែងតែត្រូវបានគេវាយតំលៃខ្ពស់ ស្តីពីសមត្ថភាព Security ។ ដូច្នេះហើយ បើទោះ បីជាវាកំពុងតែបាត់បង់ ចំណែកទីផ្សារ ជាលំដាប់ក៏ដោយ ក៏ស៊េរីផលិតផលនេះ នៅតែជាស្មាត ហ្វូនដែលគេនិយមចូលចិត្តខ្លាំង នៅទីក្រុង វ៉ាស៊ីនតោន (អាមេរិច) ផងដែរ៕</p>
<p style="text-align: right;">ប្រែសម្រួល៖ សិលា<br />ប្រភព៖ Vexpress</p>