<div class="article-content">
<p><strong>ភ្នំពេញ៖</strong> កម្លាំងប្រឆាំងការជួញដូរមនុស្ស និងការពារ អានីតិជន បានចេញប្រតិបត្តិការឃាត់<br />ខ្លួនមេខ្យល់ ៣នាក់ គ្រាដែលពួកគេរៀបចំនាំក្រមុំខ្មែរ ៤នាក់ ហោះហើរចេញទៅស្វែងរកប្តី<br />នៅប្រទេសចិន នៅព្រលានយន្តហោះអន្តរ ជាតិភ្នំពេញ នាវេលាម៉ោង ១២ និង១០នាទី<br />រសៀលថ្ងៃអាទិត្យ ទី០៣ ខែវិច្ឆិកា ឆ្នាំ២០១៣នេះ។</p>
<p>ប្រតិបត្តិការបង្រ្កាបសកម្មភាពជួញដូរមនុស្សនេះ បានដឹកនាំដោយ កែវ ធា ប្រធានការិយា<br />ល័យប្រឆាំងការជួញ ដូរមនុស្ស និងការពារអានីតិជន សហការជាមួយកម្លាំងនគរបាលនៃ<br />ស្នងការដ្ឋាននគរបាលរាជធានីភ្នំពេញ និង សមត្ថកិច្ចមូលដ្ឋាន ដោយទទួលបានការអនុ<br />ញ្ញាតពីលោក មាស ច័ន្ធពិសិដ្ឋ ព្រះរាជអាជ្ញារងសាលាដំបូងរាជធានី ភ្នំពេញ។</p>
<p>បើតាមលោក កែវ ធា បានថ្លែងប្រាប់មជ្ឈមណ្ឌលព័ត៌មានដើមអម្ពិលថា លោកឧត្តមសេនី<br />យ៍ឯក ជួន សុវណ្ណ ស្នងការនគរបាលរាជធានីភ្នំពេញ និងលោកឧត្តមសេនីយ៍ បែន រ័ត្ន <br />ស្នងការរងនគរបាលរាជធានីភ្នំពេញ បានចេញបទបញ្ជាឲ្យកម្លាំងរបស់លោក ធ្វើការស៊ើប<br />អង្កេត និងតាមដានអស់ជាច្រើនខែ បន្ទាប់ពីទទួលបានព័ត៌មាន ជួញដូរមនុស្សទៅកាន់<br />ប្រទេសចិន រហូតឈានដល់ការឃាត់ខ្លួនមេខ្យល់ ៣នាក់ និងនារីៗជាកូន ខ្មែរ ៤នាក់ <br />គ្រាដែលពួកគេកំពុងរៀបចំឡើងយន្តហោះ ហោះចេញទៅប្រទេសចិននៅរសៀល <br />ថ្ងៃនេះតែម្តង។</p>
<p>បើតាមលោក កែវ ធា បានថ្លែងប្រាប់ឲ្យដឹងពីសកម្មភាព នៃការជួយដូរនារីខ្មែរទៅរក<br />ស្វាមីនៅប្រទេសចិនថា នៅ ឯប្រទេសចិននោះ មានក្រុមហ៊ុនមួយជាអ្នករៀបចំការ <br />ស្វែងគូស្រករ ដោយទទួលនារីពីប្រទេសកម្ពុជា និងបណ្តា ប្រទេសផ្សេងៗទៀត។ <br />បន្ទាប់មកទើបមានបុរសចិន ជាអ្នកមកមើល បើគេឃើញ ហើយពេញចិត្តលើកនារីណា<br /> ម្នាក់នោះ ក្រុមហ៊ុននឹងចាត់ចែងរៀបចំអាពាហ៍ពិពាហ៍ឲ្យតែម្តង។</p>
<p>លោក កែវ ធា បន្តថា ដោយមានកិច្ចសហការរវាងក្រុមមេខ្យល់នៅស្រុកខ្មែរ និងក្រុមហ៊ុន<br />នៅឯប្រទេសចិននោះ ហើយ ទើបក្រុមមេខ្យល់ព្យាយាមដើរអូសទាញ លួងលោមនារីខ្មែរ<br /> យកទៅឲ្យក្រុមហ៊ុនមួយនេះ ជាថ្នូរនឹងកម្រៃ ជើងសារផ្សេងៗ ពេលនារីណាម្នាក់បាន<br />រៀបអាពាហ៍ពិពាហ៍ជាមួយជនជាតិចិននោះ។</p>
<p>បើតាមលោក កែវ ធា បានបញ្ជាក់ថា ជនសង្ស័យជាមេខ្យល់ជួយដូរមនុស្សនេះ មានឈ្មោះ<br /> តាំង សារឿន ហៅធី ភេទស្រី អាយុ ៤៦ឆ្នាំ មុខរបរធ្វើស្រែ រស់នៅភូមិ-ឃុំតាអុង ស្រុក<br />ចំការលើ ខេត្តកំពង់ចាម, ឈ្មោះ ម៉ក់ ហៀងរិទ្ធី ហៅ ឡូវ ហ្នឹងគង ភេទប្រុស អាយុ ៣១ឆ្នាំ <br />រស់នៅភូមិ-ឃុំកំពង់អំពិល ស្រុកពារាំង ខេត្តព្រៃវែង និងម្នាក់ទៀត ឈ្មោះ អ៊ី ឡៅ ហៅ ឡោ<br /> ភេទស្រី អាយុ ៦៥ឆ្នាំ ជាកសិករ រស់នៅភូមិ-ឃុំ ថ្នល់បែក ស្រុកចំការ ខេត្តកំពង់ចាម។</p>
<p>ដោយឡែកនារី ៤នាក់ ដែលរៀបចំនឹងឡើងយន្តត្រៀមធ្វើជាភរិយារបស់ជនជាតិចិននោះ <br />រួមមាន៖ ១. ឈ្មោះ ស្រាន ណាវី អាយុ ១៧ឆ្នាំ ស្នាក់នៅផ្ទះជួលតាមបណ្តោយផ្លូវវេងស្រេង<br /> ក្នុងសង្កាត់ចោមចៅ ខណ្ឌពោធិ៍សែន ជ័យ ជាកម្មការិនីកាត់ដេរ, ២. ឈ្មោះ ឆាត ថាត អាយុ <br />១៨ឆ្នាំ រស់នៅភូមិ-ឃុំតាអុង ស្រុកចំការលើ ខេត្តកំពង់ ចាម, ៣. ឈ្មោះ សុខ ស្រីតុញ អាយុ <br />២៥ឆ្នាំ ស្នាក់នៅផ្ទះជួល ក្នុងសង្កាត់ទឹកថ្លា ខណ្ឌសែនសុខ ជាកម្មការិនីកាត់ ដេរ និងម្នាក់ទៀត <br />មានឈ្មោះ សុខ ស្រីមុំ អាយុ ២៦ឆ្នាំ រស់នៅផ្ទះជួលក្នុងសង្កាត់ទឹកថ្លា ខណ្ឌសែនសុខ ជា<br />កម្ម ការិនីកាត់ដេរផងដែរ។</p>
<p>ក្រោយការឃាត់ខ្លួនទាំងមេខ្យល់ និងក្រុមនារីៗខ្មែរ ត្រូវបានសមត្ថកិច្ចយកទៅកាន់ការិយាល័យ<br />ប្រឆាំងការជួញដូរ មនុស្ស និងការពារអានីតិជន ដើម្បីសួរនាំ និងអប់រំក្រុមនារីរងគ្រោះ។</p>
<p>លោក កែវ ធា ក៏បានអំពាវនាវដល់នារីៗខ្មែរ ក៏ដូជាអាណាព្យាបាលទាំងអស់ ឲ្យមានការ<br />ប្រយ័ត្នប្រយែងខ្ពស់កុំ ជឿតាមការអូសទាញរបស់ក្រុមមេខ្យល់ទៅស្វែងប្តីនៅ ក្រៅប្រទេស<br />ដោយខុសច្បាប់ឲ្យសោះ ព្រោះជាការប្រឈម និងគ្រោះថ្នាក់ដ៏ធ្ងន់ធ្ងរសម្រាប់ឆាកជីវិត៕</p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2013/November/id-009/S-022.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-009/S-021.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>