<div class="article-content">
<p id=":11z" style="text-align: left;"><strong> ភ្នំពេញ :</strong> ហេតុការណ៍ ដែលគួរឲ្យអស់សំណើចមួយ និងធ្វើឲ្យមានការភ្ញាក់ផ្អើល ដល់ប្រជាពលរដ្ឋ<br /> ខណៈបុរសម្នាក់វ័យជាង ៦០ ឆ្នាំ យកក្រមាទៅ ចងក សម្លាប់ខ្លួននឹងដើមឈើក្បែរផ្ទះ ក្នុងបំណង<br />ឲ្យប្រពន្ធ មានចិត្តអាណិតអាសូរ ដល់ខ្លួន ចំពោះសកម្មភាពការងាររាល់ថ្ងៃ ប៉ុន្តែសំណាងល្អ ដែល បានប្រជាពលរដ្ឋជួយសង្គ្រោះទាន់ពេលវេលា ។</p>
<p style="text-align: left;">ហេតុការណ៍នេះ បានកើតឡើង កាលពីវេលាម៉ោង ២២ និង ៣០នាទីយប់ ថ្ងៃទី២៣ ខែមេសា ឆ្នាំ<br />២០១៣ នៅចំណុចលើដើមឈើ ផ្លូវបឹងតាម៉ាត ភូមិ ម័រ សង្កាត់ដង្កោ ខណ្ឌដង្កោ ។ សមត្ថកិច្ចមូល<br />ដ្ឋាន បានឲ្យដឹងថា បុរសខាងលើមានឈ្មោះ ចិន វិត អាយុ ៦២ឆ្នាំ ស្នាក់នៅជិតចំណុចកើតហេតុ <br />មាន មុខរបរជាអ្នកប៉ះកង់ ។</p>
<p style="text-align: left;">សាក្សីដែលរស់នៅជិតផ្ទះ បុរសរងគ្រោះ បានឲ្យដឹងថា មូលហេតុដែលបុរសម្នាក់នេះ សម្រេចចិត្ត<br />ចងក សម្លាប់ខ្លួន ដោយសារមានការតូចចិត្ត នឹង ប្រពន្ធស្តីបន្ទោស ហើយប្រហែលជាបុរសរូបនេះ <br />ចង់ឲ្យប្រពន្ធគិត ដឹងពីគុណសម្បត្តិរបស់ខ្លួន ដែលខិតខំប្រឹងប្រែងធ្វើកន្លងមក ជាពិសេស បុរសនេះ<br /> ពេលធ្វើសកម្មភាពចងក គឺរូបគេស្ថិតក្នុងស្ថានភាពស្រវឹង ។</p>
<p style="text-align: left;">សមត្ថកិច្ចបានសន្និដ្ឋានថា ការធ្វើសកម្មភាពចងក ខាងលើហាក់បីដូចជា ការចង់សើចរបស់ឈ្មោះ<br /> ចិន វិត ជាមួយក្រុមគ្រួសារគេ ព្រោះដោយសារ តាមការសាកសួររបស់សមត្ថកិច្ច ជនរងគ្រោះឆ្លើយ<br />ម្តងថាអញ្ចេះ ម្តងថាអញ្ចោះ មិនពិត នឹងមិនសម ចំពោះការចងក ធ្វើអត្តឃាតនោះទេ។</p>
<p style="text-align: left;">សមត្ថកិច្ចក៏បានអំពាវនាវ ដល់បងប្អូនផ្សេង សូមមេត្តាកុំយកតម្រាប់តាម បុរសម្នាក់នេះឲ្យសោះដោយ<br />សារទង្វើនេះធ្វើឲ្យមនុស្សជាច្រើន មានការភ័យខ្លាច និងព្រួយបារម្ភ ។ គួរបញ្ជាក់ថា បុរសខាងលើនេះ<br /> ពេលសមត្ថកិច្ចទៅសួរ គេឆ្លើយថា ខ្ញុំធ្វើលេងទេ ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0562.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>