<p><span style="color: #000000;"><strong>(ព្រៃវែង)៖</strong> បុរសវយ័ចំណាស់ម្នាក់ បានស្លាប់ភ្លាមៗនៅនឹងកន្លែង កើតហេតុខណៈប្រពន្ធកាប់មួយពូថៅចំគល់.ក បណ្ដាលឲ្យស្លាប់នៅលើគ្រែ ព្រោះរយៈពេលកន្លងមកជនរងគ្រោះ តែងតែផឹកស្រាជាប្រចាំ ហើយប្រើអំពើហិង្សាមកលើប្រពន្ធកូន រហូតគំរាមសំលាប់ទាំងពូជទៀតផង ទើបប្រពន្ធដាច់ចិត្តសម្លាប់បែរនេះទៅ ដោយហេតុការណ៍នេះ បានកើតឡើងនៅម៉ោង ១១៖០០នាទីយប់ ថ្ងៃទី១៦ ខែមេសា ឆ្នាំ២០១៦ នៅចំណុចផ្ទះរបស់ជនរងគ្រោះ ស្ថិតក្នុងភូមិកញ្ចំ ឃុំកញ្ចំ ស្រុកពារាំង ខេត្តព្រៃវែង។</span></p>
<p><span style="color: #000000;">ពាក់ពន្ធ័ករណីខាងលើនេះ សម្ថកិច្ចបានឲ្យអ្នកយកពត័មានយើងដឹងថា ជនរងគ្រោះជាប្តីមានឈ្មោះ ហឿន ហ៊ន ភេទប្រុសអាយុ៤៧ឆ្នាំ មានស្រុកកំណើត ភូមិខ្យា ឃុំបារាយណ៍ ស្រុកស្រីសន្ធរ ខេត្តកំពង់ចាម ហើយបានមកយកប្រពន្ធនៅភូមិកើតហេតុ ដែលជាជនសង្ស័យ រយៈពេល២០ឆ្នាំហើយ ឯមុខរបរមិនពិតប្រាកដ តែងតែផឹកស្រាស្រវឹង រករឿងវាយដំធ្វើបាប ប្រពន្ធកូនស្ទើរតែរាល់ថ្ងៃ មិនដែលស្រាកស្រានឡើយ។</span></p>
<p><span style="color: #000000;">ប្រភពដដែលបានឲ្យដឹងថា ស្រ្តីដែលជាជនសង្សយ័ខាងលើមានឈ្មោះ យួន សុភា ភេទស្រី ត្រូវជាប្រពន្ធជនរងគ្រោះ អាយុ៤២ឆ្នាំ រស់នៅភូមិឃុំកើតហេតុ និងមានកូនក្នុងបន្ទុក២នាក់ ឈ្មោះ ឌុច សុភារ៉ា ភេទស្រីអាយុ១៨ឆ្នាំនៅរៀន និង ឈ្មោះ ឌុច ភីដូល ភេទប្រុស អាយុ១៥ឆ្នាំ នៅរៀន។</span></p>
<p><span style="color: #000000;">ករណីនេះស្ដ្រីជាជនសង្សយ័បានឲ្យដឹងថា គាត់ទ្រាំនិងទង្វើរបស់ប្ដីលែងបាន ទើបសម្រេចចិត្តយកពូថៅ ដែលប្ដីសំលៀងទុកកាប់ប្រពន្ធកូននោះ មកកាប់លើប្តីរបស់ខ្លួន</span><br /><span style="color: #000000;">ចំគល់.ក ខណៈប្ដីដេកលើគ្រែ បណ្តាលឲ្យជនរងគ្រោះ ប្រកាច់ស្លាប់ភ្លាមៗនៅលើគ្រែក្រោមផ្ទះតែម្ដងទៅ។</span></p>
<p><span style="color: #000000;">សមត្ថកិច្ចបានឲ្យដឹងទៀតថា តាមការសារភាពរបស់ជនសង្ស័យ មូលហេតុដែលបណ្ដាលឲ្យឈាន ដល់កាប់បែបនេះ គឺដោយសារតែជនសង្ស័យខឹងនឹងប្តី ដែលជាជនរងគ្រោះតែងតែផឹកស្រាស្រវឹង មកផ្ទះរករឿងវាយដំប្រពន្ធកូនស្ទើរតែរាល់ថ្ងៃ លុះដល់ថ្ងៃកើតហេតុ ប្រពន្ធទប់ចិត្តមិនបាន ព្រោះប្តីរូបនោះតែងតែសំលៀងពូថៅរាល់ថ្ងៃ ហើយនិយាយថា និងកាប់សម្លាប់ប្រពន្ធកូនចោលទាំង៣នាក់ ហើយរូបគេនឹងរស់ចូលឡានឲ្យស្លាប់ទៅជាមួយដែរ។ លើសពីនេះ ជនរងគ្រោះជាប្ដី កន្លងមកធ្លាប់វាយជនសង្ស័យជាច្រើនដង ធ្លាប់បានទាំងទាញកាំបិត គប់មុតជើងកូនទៀត រួមទាំងធ្វើអំពើឃោឃៅជាច្រើនទៀត ដែលមិនសមជាមនុស្ស និងសមជាឪពុករបស់គេឡើយ។</span></p>
<p><span style="color: #000000;">តាមចម្លើយរបស់ជនសង្ស័យ ដែលទ្រាំរស់ក្នុងទុក្ខវេទនារយៈពេល២០ឆ្នាំ ជាមួយប្តីស្រវឹងខួបរូបនោះ បានឲ្យដឹងទៀតថា នៅយប់កើតហេតុប្ដីរបស់ បានចាក់សោផ្ទះ មិនឲ្យកូនប្រពន្ធទៅណាឡើយ ហើយស្រែកគំរាមថា សម្លាប់ទាំងពូជរួចសម្លាប់ខ្លួនឯងតាមក្រោយ ហេតុនេះហើយទើបជនសង្ស័យ ទាញពូថៅកាប់ប្តីមុន ព្រោះខ្លាចប្តីសម្លាប់កូនៗទាំងពីរនាក់របស់ខ្លួន ហើយសុខចិត្តសម្លាប់ប្តីបែបនេះ។</span></p>
<p><span style="color: #000000;">បន្ទាប់ពីសម្លាប់រួចហើយ ជនសង្ស័យបានទូរស័ព្ទប្រាប់កម្លាំងនគរបាល និងប្រាប់ម្តាយក្មេងផងដែរ នៅរបស់ខ្លួន ហើយសមត្ថកិច្ចបានចុះមកដល់កន្លែងកើតហេតុ</span><br /><span style="color: #000000;">ពិនិត្យកន្លែងកើតហេតុ និងបានឃាត់មខ្លួនជនសង្សយ័រួចកសាងសំណុំរឿងបញ្ជូន ទៅសាលាដំបូងខេត្ត ដើម្បីចាត់ការតាមច្បាប់។</span></p>
<p><span style="color: #000000;">យ៉ាងណាបើតាមសម្តីរបស់អ្នកស្រុកនៅក្នុងភូមិ បាននិយាយថា ជនរងគ្រោះជាប្តីពិតជាបានធ្វើបាបប្រពន្ធកូន ស្ទើររាល់ថ្ងៃពិតមែន ហើយត្រូវបានប្រពន្ធប្តឹងនគរបាល ស្ទើររាប់មិនឈ្នះផង ហើយប្រសិនបើនៅថ្ងៃនោះ ជនសង្ស័យមិនស្លាប់ជនរងគ្រោះទេ ប្រហែលជាអ្នកដែលស្លាប់នោះច្បាស់ជាកូនៗទាំងពីរនាក់ និងជនសង្ស័យខ្លួនឯងក៏ថាបាន៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/13007212_1589077734739925_1279708881953296408_n.jpg?oh=fb115865b884cc7b114ce09b5452a471&oe=577D2D26" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/13051581_1589077768073255_8293839542519716455_n.jpg?oh=eaae658781a85e048b4ea05df6c0bdb3&oe=57AC1D7F" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/13015253_1589077738073258_2007617497187019453_n.jpg?oh=ee9c8c143f9609ddd27945079b5884b0&oe=57ABD72D" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/13001320_1589077741406591_9146808901522897963_n.jpg?oh=30d82d00ded316bb6cc1690524426661&oe=57721C2D" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>