<div class="article-content">
<p><strong>ភ្នំពេញ៖</strong> លោកវរសេនីយ៍ត្រី សារុំ សារ៉ាវុធ បានបើករថយន្តមួយគ្រឿងម៉ាក ឡិចស៊ីស ស៊េរី<br />៤៧០ ពណ៌ខ្មៅ ពាក់ស្លាកលេខ នគរបាល 2.7927 ក្នុងល្បឿនយ៉ាងលឿន រេចង្កូតបុករថយន្ត<br />កូរ៉េមួយតោនកន្លះ ដែលចតនៅស្ងៀមតាមបណ្តោយផ្លូវលេខ១០៥ ក្នុងសង្កាត់បឹងកេងកងទី៣ <br />ខណ្ឌចំការមន បណ្តាលឲ្យរថយន្តរងការខូចខាតយ៉ាងដំណំ រួចរថយន្តបង្កបានព្យាយាម បើករត់<br />គេចខ្លួនរហូត ទៅដល់ចំណុចផ្លូវលេខ៣៥០ កែង១៤៣ ក្នុងសង្កាត់បឹងកេងកងទី៣ ខណ្ឌចំការមន<br /> ទើបត្រូវកម្លាំងនគរបាលមូលដ្ឋាន ឃាត់រថយន្តជាប់។ ហេតុការណ៍នេះកើតឡើង កាលពី វេលា<br />ម៉ោង ២៣និង៤០នាទីយប់ ថ្ងៃទី២១ ខែមីនា ឆ្នាំ២០១៣។</p>
<p>សមត្ថកិច្ចមូលដ្ឋានបានឲ្យដឹងថា មុនពេលកើតហេតុ លោក វរសេនីយ៍ត្រី សារុំ សារ៉ាវុធ បានបើក<br />រថយន្ត ស្ថិតក្នុងស្ថានភាពស្រវឹងស្រា តាម បណ្តោយផ្លូវ១០៥ ក្នុងទិសដៅពីត្បូងទៅជើង ហើយ<br />រេចង្កូត បុករថយន្តកូរ៉េមួយតោនកន្លះ ដែលចតស្ងៀមនៅលើចិញ្ចើមផ្លូវ បណ្តាលឲ្យ ក្បាលរថយន្ត<br />ឡិចស៊ីស រងការខូចខាតយ៉ាងដំណំ ប៉ុន្តែម្ចាស់រថយន្ត បានព្យាយាមបើករត់គេចខ្លួន រហូតទៅដល់<br />ចំណុចផ្លូវលេខ ៣៥០កែង១៤៣ ក្នុងសង្កាត់បឹងកេងកងទី៣ ខណ្ឌចំការមន ក៏ត្រូវសមត្ថកិច្ចមូលដ្ឋាន<br /> ដេញព័ទ្ធចាប់បានភ្លាមៗ។</p>
<p>ក្រោយពីកើតហេតុ សមត្ថកិច្ចមូលដ្ឋាន បានចុះទៅអន្តរាគមន៍ សម្របសម្រួលរវាងភាគី រថយន្តបង្ក<br />ហេតុ ជាមួយនិងម្ចាស់រថយន្តកូរ៉េមួយតោនកន្លះ ដោយលោកវរសេនីយ៍ត្រី សារុំ សារ៉ាវុធ មិនចង់<br />ឲ្យមានរឿងវែងឆ្ងាយ ខ្លាចដឹកឮដល់ថ្នាក់ធំ លោកបានសងប្រាក់ទៅឲ្យម្ចាស់រថយន្ត កូរ៉េមួយតោន<br /> កន្លះចំនួន២០០ដុល្លារ ជាការបញ្ចប់រឿង៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-014/that-0393.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-014/that-0394.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-014/that-0395.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>