<p><span style="color: #000000;"><strong>(ភ្នំពេញ)៖</strong> ប្រជាពលរដ្ឋឥឡូវនេះកាន់តែមានឱកាសយ៉ាងខ្លាំង ចំពោះការបង្ហាញ និងលើកយកបញ្ហា នៅតាមមូលដ្ឋានរបស់ខ្លួន បញ្ជូនទៅកាន់ថ្នាក់ដឹកនាំកំពូលរបស់ជាតិ ចាប់តាំងពី ថ្ងៃដែលសម្តេចតេជោ ហ៊ុន សែន ប្រកាសទៅកាន់ប្រជាពលរដ្ឋ ឲ្យផ្តល់ព័ត៌មាននូវភាពមិនប្រក្រតីនានា ដែលពួកគាត់ បានជួបប្រទះនៅក្នុងជីវភាពប្រចាំថ្ងៃជាមួយមន្រ្តី និងសមត្ថកិច្ចចូលតាម Facebook របស់សម្តេច។</span></p>
<p><span style="color: #000000;">បញ្ហាជាច្រើនត្រូវបានសម្តេចតេជោ ហ៊ុន សែន ធ្លាប់បានដោះស្រាយជូនប្រជាពលរដ្ឋភ្លាមៗ ក្រោយពីទទួលបានព័ត៌មានទាំងនោះពីពួកគាត់ តាមរយៈ Facebook ទាំងការផ្ញើសារតាម Messager និងការតាមការបញ្ចេញ Comments នៅក្នុងរឿងអ្វីមួយដែលសម្តេចបានបង្ហោះ។</span></p>
<p><span style="color: #000000;">ជាក់ស្តែងនៅថ្ងៃទី១៩ ខែមករា ឆ្នាំ២០១៦នេះ មានប្រជាពលរដ្ឋទំនងរស់នៅ សង្កាត់កាកាបខណ្ឌពោធិ៍សែនជ័យ បានផ្តល់ព័ត៌មានអំពីករណី ដែលនាយរងប៉ុស្តិ៍នគរបាលសង្កាត់កាកាប បានសង់ផ្ទះរំលោភផ្លូវសាធារណៈ ដោយគ្មានការទប់ស្កាត់ពីអាជ្ញាធរនោះឡើយ។</span></p>
<p><span style="color: #000000;">ប្រជាពលរដ្ឋ បានផ្ញើសារជូនសម្តេចតេជោ ហ៊ុន សែន យ៉ាងដូច្នេះថា<strong> «មានករណីរំលោភលួចផ្លូវសារធារណៈ យកមកធ្វើផ្ទះ១ល្វែងបន្ថែមទៀត របស់លោកអនុសេនីយ៍ទោ ជា ប្រុស អនុប្រធានប៉ុស្តិ៍រដ្ឋបាល សង្កាត់កាកាប ខណ្ឌពោធិ៍សែនជ័យ ធ្វើឲ្យប្រជាជនអស់ជំនឿ និងការដោះស្រាយរបស់សមត្ថកិច្ច! សូមសម្តេចជួយផ្លូវសាធារណៈមួយនេះ ដូចដើមវិញផង សូមជូនពរសម្តេច ឆាប់ជាសះស្បើយ វិលមកជាម្លប់របស់កូនចៅ និងប្រជាជនកម្ពុជា»</strong>។</span></p>
<p><span style="color: #000000;">នៅរសៀលថ្ងៃទី១៩ ខែមករានេះ អង្គភាព Fresh News បានព្យាយាមទាក់ទៅ លោក ហែម ដារិទ្ធ អភិបាលខណ្ឌពោធិ៍សែនជ័យ ដែរដើម្បីសុំការបំភ្លឺចំពោះការលើកឡើង របស់ប្រជាពលរដ្ឋ ប៉ុន្តែលោកមិនទាន់លើកទូរស័ព្ទ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-11-20-55-am-20-01-2016--11-28-34.png"><span style="color: #000000;"><img src="/FileManager/Articles/mce/2016/1/20/1-20-2016-11-20-55-am-20-01-2016--11-28-34.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-11-20-41-am-20-01-2016--11-28-44.png"><span style="color: #000000;"><img src="/FileManager/Articles/mce/2016/1/20/1-20-2016-11-20-41-am-20-01-2016--11-28-44.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-11-21-07-am-20-01-2016--11-28-56.png"><span style="color: #000000;"><img src="/FileManager/Articles/mce/2016/1/20/1-20-2016-11-21-07-am-20-01-2016--11-28-56.png" alt="" /></span></a></span></p>
<p style="text-align: right;"><span>ផ្ដល់សិទ្ធដោយ៖ ហ្វ្រេសញ៉ូវអាស៊ី</span><br /><span style="color: #000000;"><a class="thickbox" title="" href="/FileManager/Commons/2016/1/20/1-20-2016-11-21-07-am-20-01-2016--11-28-56.png"></a></span></p>