<p><span style="color: #000000;"><strong>(ភ្នំពេញ)៖</strong> រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានថ្លែងក្នុងសន្និសីទសារព័ត៌មាន នៅរសៀលថ្ងៃទី៣ ខែសីហា ឆ្នាំ២០១៦នេះថា បេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ២២ សីហា ឆ្នាំ២០១៦ ត្រូវខិតខំប្រឹងប្រែងរៀនសូត្រ ដើម្បីប្រឡងឲ្យជាប់ ព្រោះក្នុងឆ្នាំនេះ ក្រសួងអប់រំ រៀបចំការប្រឡងតែ១លើកប៉ុណ្ណោះ អ្នកប្រឡងធ្លាក់ គឺធ្លាក់ហើយ គ្មានប្រឡងលើកទី២ទេ។</span></p>
<p><span style="color: #000000;">ជាមួយគ្នានេះ លោករដ្ឋមន្ត្រីបានព្រមាន ដល់អនុរក្សទាំងអស់ ត្រូវរៀបចំឥរិយាបទ និងភារកិច្ចរបស់ខ្លួនឲ្យបានល្អ កុំឃុបឃិតជាមួយបេក្ខជន ហើយប្រសិនបើមានភាពមិនប្រក្រតីនោះ អនុរក្សទាំងនោះ នឹងត្រូវដាក់ឈ្មោះចូលបញ្ជីខ្មៅ មិនអនុញ្ញាតឲ្យធ្វើអនុរក្ស នៅឆ្នាំក្រោយទៀតទេ។</span></p>
<p><span style="color: #000000;">លោករដ្ឋមន្ត្រីបានថ្លែងទៀតថា សម្រាប់បេក្ខជនដែលឲ្យគេប្រឡងជំនួស ប្រសិនបើចាប់បានត្រូវធ្លាក់ឲ្យស្វ័យប្រវត្តិ និងហាមមិនឲ្យប្រឡងរយៈពេល២ឆ្នាំ។ ចំពោះជនដែលប្រឡងជំនួស នឹងត្រូវជាប់ទោស ពីបទក្លែងបន្លំឯកសារសាធារណៈ។ ដោយឡែកសម្រាប់ បេក្ខជនដែលយកគ្រឿងអេឡិចត្រូនិច ចូលមណ្ឌលប្រឡងនឹងត្រូវធ្លាក់ដោយស្វយប្រវត្តិ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13900338_1637603663220665_4748182155240431953_n.jpg?oh=cda28c5855a97f1751f937a47d7e5064&oe=582E47B7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13876163_1637603659887332_1800104473480495401_n.jpg?oh=375cd8c99f7543d2b66970eea92ba3eb&oe=5815321C" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>